مربيه ووزني زاد :(

[ريم الغواني]

السلام عليكم


الغوالي اتمنى انكم بخير


مع الاسف فرحتي ما تمت رغم اني استانست وايد باول موولود ربي يخليه لي ويحفظه الا نه الابواب كلها انسدت فويهي رغم الاراده الموجوده وزني بعد الولاده زاد ما نقص ولا كيلو ثابت حتى لو قللت الاكل واذ قللت يقل الحليب لاني ارضع وما عطي ولدي صناعي .. وسرت نوتريشن قالي ما ينفع اعطيج رجيم لانج ترضعين قالتلي تعالي بعد 6 شهور ونا خاطري ارد لستينات وزني القبلي اشوف ملابس القبليه وتحسف


عطوني حل ؟؟؟؟؟؟؟؟؟؟؟


شو اسوي رغم اني خذت المشد الحراري وحس انه يعرق جسمي بس الميزان لا يزيج لا ينقص

النصيحه الي حصلتها من نوتريشن اكل كل شي بس اخفف وشرب ماااي وايد وسوائل بس بعد ما شي فايده ...


اختكم فالله

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[3athaB]

هلا فديتج

انسي موضوع الرجيم الحين ،، لانه بيأثر على تغذية ولدج

ومن تخلصين فترة الرضاعه سوي رياضـه ورجيم ،، وبيرجع جسمج طبيعي ،، مثل ما كان وأحلــى

[ريم الغواني]

الغاليه تسلمين ع الرد

المشكله ريلي عادي يقولي لا عشان البيبي بس انا الي حاسه بنحباط احس عمري ثجيله برقادي يوم انش يوم اصلي ودوم افكر متى برد لوزني ...


صح ولدي اهم والصحه بعد احسها تتدهور ما تخيلت بيوم اوصل لتسعين

[3athaB]

أختــي لا تعبين نفسيتج واتمين اتفكرين ،،

اصبري شوي ،، وبيرد كل شي مثل ما كان

[حور المنصوري]

نفس مشكلتج ومتوهقه اول اسبوع نزلت 5 كيلو ورديت زدت مع اني اكل اكل صحي المشكله

كلت او ماكلت ماشي حليب وريلي يزن ع راسي ونفس الوقت ابا اضعف مابا امتن

كفايه الشعور الي احس به وانا ف النفاس

[أم علاوي20]

مرحباااااااااا
أنا بعد شراتكم وزني زايد , بس عندي سؤال يا ريم الغواني من وين أخذتي المشد الحراري ؟؟؟و هل صج حسمج يعرق عليه , يعني هل البطن تعرق ؟؟؟؟؟

[دهن_العود]

يبالج فتره الغاليه

[قلوب العذارى]

تريي شوي الغاليه ،،، وحلي ولدج يكمل فتره اللرضاعه ،، بعدين سيري الجيم او اي صالات رياضيه وان شاء الله تستفيدين

[ام مروه333]

نفس المشكله الحين بنتي كملت 7 شهور بس بعدني ارضعها ومارس رياضة المشي يوميا وبعد وزني في تزايد مستمر وما ينقص بالعكس هذا وانا امشي يوميا خلاص نفسيتي تعبت احس ان عمري عيوووز ما اروم اتحرك من وزني وابا اعرف هل الوزن بعد فترة الرضاعة ينقص بسرعة مثل الزيادة ولا بصعوبة منو منكم خفت بسرعة بعد فترة الرضاعة وكيييييييف

[أم أمون]

انا نفس المشكله اعاني منها
سمعت عن مساج ما بعد الولاده ببعض الزيوت الخاصه يسونه حريم متخصصات ينزل الوزن لكن ما اعرف حد يسسويه للأسف
لو حد يقدر يفيدنا في هالموضوع يزاه الله خير

[راعيةFJ]

انا بخبرج الغاليه عن عمري انا عندي 2 الحمد الله
وانا من النوع اللي اضعف يوم ارضع

بقولج شو كنت اسوي واتمنى اني افيدج بشي

اول شي الريوووق

كنت اشرب حليب مقشوود او قليل الدسم
واكل خبز اسمر مع بيض مسلوق ومع طماطم

واذا يعت وقت الضحى اكل تفاحه

والغدا
سمج مشوي او دياي مشوي او مفور او لحم مشوي+سلطه
او مرات اكل تونه اللي بالماي مب اللي فيه زيت اكله مع السلطه ولااازم الخبز الاسمر او اكله جذي من دون خبز+عصير برتقال

واذا يعت طبعا بعد اكل فواكه بس مش اي فكه لان في بعض الفواكه تمتن

وفتره العشا يا اكل خبز وجبن او نقانق مفور او دياي مفور مع سلطه مع عصير برتقال

ولااااازم تسوين روحج فالبيت تمارين حق البطن وااايد مهمه التمارين عشان البطن بسرعه يشد

انا للاسف الحمل الثانيما سويت مافيني كرشه الحمد الله نزلت بس بطني لييين وهذي مشكلتي بس من شهريناروح الجم+سباحه وان شا الله بطني يشتدد
وعلى فكره الغاليه انا وزني نزل اكثر من وزني الطبيعي عقب الولاده ب 3 شهور

والحين الحمد الله رد نفس قبل يوم كنت بنت ومرتااحه بس همي الوحيد بطني يشتد لانه ليين بس الحمد الله ان ما فيني ترهلات وايد شي بسيييط وماشي كرشه بسمتى بيشتد بطني ماعرف ادعيييلي لوول

[أم أمون]

امممممممممممممم شكلي لازم ابدأ رجيم

[moon soon]

انا بعد وزني مانزل و ما عندي وقت اروح جيم !!

[ميثة]

انا بعددددددددد اريد انقص 20 كيلووووو

[أم سـ ع ـيـد]

نصييييييحه نصيييييحه ... فديتكن اذا الوحده تبا تنزل وزنها تاخذ بنصيحتي ...

فديتكن اول ماربيت زاد وزني وتميت افكر لين ونهار نفسيتي تعبت ههههههههه مايخلصني هالكيلو اللي زدته ... عالعمووووم تميت اسوي ريجيم مده اسبوووع وماقدرت اقاوم ههههههههههه وخاصه اني ارضع وهب زين الياهل مابيلقى حليب والله ثم والله اني زدت دبل اللي اضعفه خخخخخخخخخخ ياويل حاالي ... وحده ربيعتي يزاها الله الف خير قالتلي يامسعيد ابعدي عن الرجيم لان الحرمه بيرد وزنها مثل قبل مايحتاي بعد مرور سنه او اكثر قسمن بالله فكرت في كلامها لاني ربيت وياها وكانت امتن عني والحين صارت اضعف عني اتعرفون ليش؟؟؟ مافكرت بشي اسمه ريجيم مع الرضاعه والوقت نزل وزنها اتقول تاكل اللي تبغيه بس بكمات خفيفه واوقات تاكل بالخمس ههههههههههه مع الرياضه طبعا ... عاد قلت في خاطري بجرب وتناسيت اسمه ريجيم قلت يلعن ابو الرجيم اللي يتعب الواحد تميت اشرب ماي قبل الوجبه وعصاير واكل خفيف يعني ما اكثر ايلس امضغ الاكل عشر ثواني ومافوق عشان اشبع بسررررررررعه والله بعدت التفكير اني اسوي ريجيم (ملاحظه: اللي اتشد الحيل واتقول ابا اسوي ريجيم كل ماتقيس وزنها اتشوفه يا زاد والا ثابت؟؟؟صح اذا تناسيتي وخليتي عمرج عادي شوفي النتيجه هههههههه والله بينزل اذا ما اهتميتي)

جرررربن النتيجه ولاتقولن بسوي ريجيم وخاصه اللي مربيات والله بتردن على طبيعه اوزانكن والرضاعه بعد تلعب دور خلاص اتضعفج ...

بعلمكن قبل كان وزني 62وطولي156 بعد ماربيت ويوم سويت ريجيم مده اسبوع زاد 65هههههههههه دبل واضعاف لاحووووول ويوم تركت الرجيم وخليت عمري عادي ما اهتم وخففت الاكل
وتميت امضغ الاكل عشر لين عشرين ثانيه عشان اشبع لكن ماقطع العصاير على طووول والماي ...

والحييييييييين الحمدالله وزني خخخخخخخخخخخخخخخ كنت منزله موضوع من فتره وبصراحه كان الميزان خربان الله ياخذه وكتبت 50 للامانه ماحب اكذب لان الميزان مخرف الحييييييييين وزني من اسبوعين 58 لله الحمد وانشاء انزل 3 كيلو او 2 ياااااااااااارب ...

وعقبالكن وخذن بنصيحتي والله بتستفيدن من التفكير ...

والله يضعفكن ...

والسموووحه طولت عليكن ...