[أفضل تمليس للشعر]

**دلوعة حبيبي** · 2009-03-31, 19:55

خواتي حبيت أسألكن عن أفضل صآلون لتمليس آلشعـر وتصفيفه ...
وبشو تنصحوني بعد التمليس ؟؟؟
لاني أنا تعبت من كثر ما استشور شعري ومن ينشف
يغدي شرات المعكرونه لوووووووول

المزيد من آخر المواضيع من نفس القسم:

**دلوعة حبيبي** · 2009-04-01, 00:43

محد يملس شعره ولا شو ؟

**missuae3003** · 2009-04-16, 11:56

ماعندي فكره صراحه .. ان شاء الله البنات الي مجربين التمليس يفيدونج

للرفع

**وحدة صريحة** · 2009-04-17, 02:57

انصحج تمليس كادوووس رووووووووووعه

**حواء الامارات** · 2009-04-17, 12:16

انا جربت الامريكي من ماتركس ( من شركه لوريال )
وبكمل الحين 4 وبدخل الشهر الخامس روعه لان مدته سنه ونص واذا بجدده بس بيكون الجذور فقط... ناعم وريحته من الاستشوار بس دايما اصبغه والحمدلله طول شعري وما شفت اي اثار سلبيه ولا طاح ولا شي .. واللي شجعني اختار ماتركس بالتحديد ان مده التمليس سنه ونص ووقت التجديد بيكون فقط الجذور هب كله ....
واتحدا اي تمليس مدته سنه نص او ان عقب شهر ترومين تصبغين شعرج عادي اي لون واي لوك ولا باقي التمليسات حدهم 6 شهور واذا صبغتي تحرق الخصل .... شوفي تجارب الخوات وانشالله بتشجعين تملسينه عشان تفتكين من الاستشوار.

**حلاوة مصاص** · 2009-04-17, 14:47

من وين تشترون كادوس؟

وماتركس؟؟؟ افيدونا

والاسعار بعد

**حواء الامارات** · 2009-04-18, 17:31

الغاليه منتجات كادوس او ماتركس بتلقينه في اي صالون ... وطبعا مستحيل يعطونج تسوين بالذات التمليس لان صعب استخدامه في البيت ولازم اللي تسوي لج خبيره تكون تعرف توزعه على الخصل لان مدته على حسب طول الشعر ياخذ من ساعه الى 9 ساعات .... انا سويته بصراحه في صالون بينك لينك عند روبي ودفعت 500 درهم +350 ( خذت مجموعه العنايه بالشعر بعد التمليس الكريم الماسك والشامبو والبلسم والسيروم ) ولان وقتها كان شعري قصير قبل الجتف خذ ساعه ونص في الصالون لان المراحل تكوت توزيع الكريم وعقب يغسلون عقب يستشورونه ويمررون السيراميك وتنتظرين ساعه ويرجعون يغسلونه ويعيدون نفس الطريقه ... عشان جذي اختي الغاليه اقولج صعب استخدامه في البيت ... بس بصراحه ارتحت وايد شعري طول لربع الظهر ونعومته طبيعيه وابدا ما يطيح الشعر الا قولي رحمته من الاستشوار والحراره ... واي صبغه تعجبني ما تأثر في التمليس ... اذا كنت حابه ومتردد تغامرين ممكن تجربين تملسين القصه مثلا ... هاي تجربتي مع ماتركس الامريكي بس كادوس ممكن اختنا اللي جربته تفيدج ...

**الخيماويه1981** · 2009-04-18, 18:27

انا اختي استخدمت التمليس مال 6 شهور وخلص المده والحين بتسوي مره ثانيه ..
انا سمعت في تمليس مال سنه الفلبينيات قالولي عنه صالون في دبي وايد اوكي ...

انا استخدمت الحنه والحنه نفس التمليس تقريبا .. مايستوي استخدم التمليس فوق الحنه..

**khakhou68** · 2009-11-16, 09:25

جربي صالون سندره ، بابوظبي

عيناوية* · 2011-01-16, 16:02

انزين اللي تعرف الريباند اللي يسونه الفلبنيات احسن ولا الماتركس
وبالعين فيه صالون يسوي تمليس الماتركس

**فن القفطان** · 2011-01-16, 16:27

جربي الكريم الفرنسي لتنعيم الشعر

**فللة** · 2012-04-05, 09:33

في صالون براك يسوي تمليس ممتاز ومايضر بالشعر ويبقى مدة طويلة

**فللة** · 2012-04-17, 12:44

المشاركة الأصلية كتبت بواسطة فللة

في صالون براك يسوي تمليس ممتاز ومايضر بالشعر ويبقى مدة طويلة

انا قصدي اسال في حد يعرف صالون براك يسوي تمليس ممتاز ومايضر بالشعر ويبقى مدة طويلة؟؟؟؟؟؟؟؟؟؟؟؟؟

***كـراميل*** · 2012-04-05, 14:57

انا مجربة الريباندينق
حق مرة وحده زين وهو دائم ما يخوز
بس ما حس ترومين تكررينه يدمر الشعر

**صالحة للثقة** · 2012-04-05, 19:41

أنا مسوية التمليس وعقب يومين رجعت غسلوه وسونلي الكراتين المعالج
والحين أفكر أسوي تمليس حق الجذور والكراتين المعالج لكل شعري

الموضوع: [أفضل تمليس للشعر]

أدوات الموضوع

عرض

العرض المتطور

[أفضل تمليس للشعر]

المزيد من آخر المواضيع من نفس القسم:

المواضيع المتشابهه

تمليس للشعر

تمليس طبيعي للشعر

تمليس دائم للشعر

تمليس دائم للشعر

أبا خلطة تمليس للشعر