مشكلتي ويا ريلي

**ورد نرجسي** · 2009-03-31, 18:18

بنات يمكن مشكلتي شوي غريبه ويا ريلي وحاولت اغير فيه الطبع بس عيزت يمكن احصل عندكم الحل لمشكلتي
ريلي الله يسلمكن خجول ومنطوي وايد يعني مايظهر من البيت مول ولا عنده ربع وانا مليت من هالوضع يالس مقابليني 24 ساعه وحتى بيت هلي مايرضى نروح يقول أستحي ما عرف أرمس ويا أبوج وخوانج حتى أذا رحنا ولا كلمه ولا نفس مثل مايقولوا عليه خوانه صامت وأذا ابويه فتح معاه سالفه بيرد ع قد السؤال وبيسكت
يومه كله من غرفه لغرفه وأذا رحنا السوق أحسه ينتفض ويعرق ألين مانرد مره يا وياي خالي في البيت وبالزور طلع من غرفته وحسيته وايد يتلعثم في الكلام هذا أذا تكلم
بنات حاولت أغيره وخليه يطلع من عزلته بس مافي فايده حتى موبايله فيه 5 أرقام رقمي ورقم خوانه وأمه ورقم الدوام بنات أنا مليت من هالوضع اللي مايعرفه يقول متكبر وشايف نفسه
أخو ربيعتي عنده في الدوام ويقول لربيعتي شو هالريال ملل ومسمينه صامت حتى في الدوام ويقول أنه 4 سنوات يشتغل عندهم حتى مايعرف أساميهم ولا حاول يتعرف على أحد منهم
نفسي يطلع من البيت شوي ويكونله ربع لان أنا ما حب أيلس في البيت عندي حياتي وهلي وربيعاتي
وأذا ظهرت عند حد أيلس متلومه وهو في البيت شو أسوي بنات ساعدوني

المزيد من آخر المواضيع من نفس القسم:

**yuliaa** · 2009-03-31, 18:27

حاولي انتي تحتكين وياه و تطلعين ويااه وااايد .. ع الاقل ..
او كلمي دكتوور يسوي له جلسات فيه واايد ناس ترى جي ..بس هوو زياده

**فديتني** · 2009-03-31, 18:31

ماله الا دكتور نفسي حرام لاتخلينه جيه

**الوفيه** · 2009-03-31, 18:37

حراام =(

**مريـامي** · 2009-03-31, 18:39

انتي ابدي شاركيه ولو تشرحين لواحد من اخوانج الفاهمين الكبار اللي عقولهم رزينه الوضع بس مب يخبر حد يعني بينج وبينه ان يصر عليه ان يطلع وياه حتى لو يغصب عليه حتى لو انتي تسيرين وياهم عقب شوي شوي يظهر وياه بروحه مع شباب ربعهم عقب كثروا العزايم فبيتكم وخله اخوج او ابوج يلزم عليه وانتي اظهري وياه واايد جربوا السفر
يعني حاولي تشغلين وقتج معاه بحيث انه يطلع من عزلته لان في وايد ناس انا عرفتهم مثل ريلج بس يبا لهم وقت طويل وصبر ويبا لهم حد يثقون فيه وااايد يعني لو صديق ولا اخو يعني انتي حرمه طبايعج غير وهو طبايعه غير

والغاليه مالج الا الدعاء بكل لحظه ان ربج يفك همه لان اللي يكون جيه لا تحسبين انه ما يتأثر بالعكس هو حاس انه صعب ومب عارف كيف يغير لان تعود على الوضع فتر طويله ومحد اهتم بأمره فنتي عليج بالمثابرة اذا تبين التغيير والدعاااااااااااااااااااااااااااااااااااااااااء وكثرة الاستغفار لان الفايده فووق ما تتصورين والصبر

والله المستعان

**لمساتي حياتي** · 2009-03-31, 18:40

انا ربيعتي نفس ريلج لدرجت انها سارت لدكتور نفسي بس ما دخلت عندة تعرفين ليش لان العمارة فيها اصنصير وهي اتخاف من الاصنصير والدري المتحرك 0000

**mai_uae** · 2009-03-31, 18:49

الله المستعان

**ريــ العين ـم** · 2009-03-31, 19:02

هيه حبيبتي مثل ماقالوا البنات حاولي تحتكي فيه او إتودينه دكتور نفسي صدقيني مب عيب إذا وديتيه المهم يطلع من عزلته قبل لايصير عندكم اعيال

**احلى البنات..** · 2009-03-31, 19:08

حرام لازم تصرفين.. رمسي الدكتوراحمد النجار وايد زين وبعد في اخصائيه نفسيه اسمها امل بالهولزاذا بغيتي ارقامهم موجوده عندي

**احبه حيل** · 2009-03-31, 19:10

الله يهديه ويطلع من عزلته اختي وديه عند دكتور نفسي

**تائبه 23** · 2009-03-31, 19:12

والله انا بنسبالي اتمنى يكون ريلي جي بيكون لي وبس ^.^ انا اطفر من ربعه سبحان الله كل حد وشيء ربي يوفقج اختي

**شوق _ زايد** · 2009-03-31, 19:12

الله المستعان

**ورد نرجسي** · 2009-03-31, 19:13

ختيه الغاليه هو رافض فكره الدكتور النفسي بس أحلى البنات عطيني الارقام بحاول

**قنيصة شوا&ـين** · 2009-03-31, 19:46

خخخ ,,
تعرفي ما اعرف ليش أحس جي زين ,,
امم بس بعد هشي بيأثر سلبي على عياله في المستقبل مثلا ان بغيتي تسألي عن ولدج في المدرسة
فأكيد بتقولي لريلج كلم الاستاذ شو مستوى ولدي لانج ما بتكلمي الاستاذ فريلج في هاي الحالة
صعب انه يتعامل ويا المدرس ,,
.....
اممم طريقتي هي انج تخلي حد من اخوانج اي دوومم البيت عندكم وايلس وياه ,,
صح بيرفض انه ايلس ويا أخوج بس بيتعود ،،
مع الوقتـ ,,
وانتي حاولي اتشجعيه يتعرف على واحد في الدوام ,,
عشان يغير روتين حياته ،،،

**غروب11** · 2009-03-31, 20:03

الله يساعدج .. والله ما عندي فكرة

الموضوع: مشكلتي ويا ريلي

أدوات الموضوع

عرض