بنات ساعدوني ....؟؟؟؟؟؟

**بريق الإيمان** · 2009-03-30, 23:26

المشاركة الأصلية كتبت بواسطة كارهة حياتي

السلام عليكم ورحمه الله وبركاته

بنات ريلي يبا يعرس يعني يبا ياخذ الثانيه وانا مش موافقه حتا امه

قالي باخذهااا غصبن عنج انتي وامي محتاره الحين شو اسوي ولا كيف اقنعه انه مايعرسه

بنات ساعدوني لاتخلوني في حيرتني والله اني تعبت من الي انااا فيه رقاد ماارقد حياتي استوت فوق تحت

**بريق الإيمان** · 2009-03-31, 00:25

السلام عليكم ورحمة الله وبركاته..أختي الغاليه في الله
بارك الله فيك ..وخفف عنك ماتعانيه..وألهمك الصواب عند الشده..وأرشدكِ إلى طريق الحق
أولا: يالغاليه هناك أسباب تخلي الزوج يفكر بزواج من ثانيه..منها الذريه..وعدم الإتفاق بين الطرفين..ومشاكل أخرى يقع فيها كلى الطرفين ومنها تتفاقم المشكله..وحمد الله أن زوجك صارحك ولم يخبي عنك الموضوع..الحل:كالتالي..أجلسي مع زوجك جلسة مصارحه وأفهمي منه أسباب التي جعلته يتخذ هذه الخطوه...ثانيا::أعطيه متسع من الوقت حتى يشرح لك الأسباب وكوني له مبتسمه ومرحبه بكلامه..وأذا عرفتي السبب هنا يبطل العجب..وبإذن الله سوف يلهمك الله عزوجل الحل الصائب
وعليك بعد هذا بصبر والأستغفار وقيام الليل وقرأت سورة الدخان وسورة يوسف لما فيها حل المشاكل والموده بينكما بإذن الواحد الأحد..فتح الله لك باب رحمة وأزاح الله همك وغمك ..وفرج كربك..وجعلكم الله عزوجل من المتحابين وأبعد عنكما الشيطان آآآآآآآآآآآمييييين يارب العالمين

**AMAL08** · 2009-03-31, 00:26

ان شاء الله يغير رايه وما يتزوج عليج

**فديتني** · 2009-03-31, 01:00

المشاركة الأصلية كتبت بواسطة أبنةأمنة

احس انج تركزين اهتمامج علي نفسج حتي ماتخسرين صحتج ..........

حبي نفسج .....

وتجاهليه .........

ووكلي امرج لربج ..........

قيمي الليل وادعي ربج واكثري من الاستغفار ..............

والله لايهينج ...........

**حبيبة A** · 2009-03-31, 01:05

لاتنسين قيام الليل والاستغفار الغاليه..وان شاء الله الله يهدي ريلج يارب

**كارهة حياتي** · 2009-03-31, 08:43

بنات

امس يلست مع ريلي وقلت له شو الي مب عجبنك فيني وانا مستعده اني اغيره

قالي مافيج شي كل شي فيج انا احبه وعاجبني

قلت له عيل ليش تبا تتزوج قال عادي مافيها شي

شرع محلل 4

قالي انا احبج وانتي ام عيالي بتكونين حرمتيا وحياتي

قال انا ريال اريد اعرس مافيها شي وانا صارحتج واباج تكونين راضيه عني

قلت له انا مب موافقه انك تعرس

قالي انا بس اخبرج

مب تسمعين من غيري

والله اني مقهوره منه ماعرف شو اسوي ؟؟؟؟

ساااااعدوني

**Hno0odah** · 2009-03-31, 12:10

ما اعرف والله شو اقولج
مالج الى ربج والله يهديه

**بنوتة اماراتي** · 2009-03-31, 13:33

اكيد انتي مقهوره و متضايقه و مهما كان ولا وحده تتمنى ريلها ياخذ عليها .. كل وحده تباه لها و بس
لكن الغاليه فكري بعقلج
لا تقعدين تحنين و تزنين
و لا تسوينها مشكله و تدخلين هلج و الا اي حد ..
انتي كلمتيه و صارحتيه و هو قالج انه يحبج و مبين انج غاليه عليه و ما يبا الخبر يوصلج من برا لانه بيكون صدمه وقتها .. يعني مراعي مشاعرج
و اذا هو يشوف عمره يبا يعرس و مصر و مبين انه مصر .. خليه يعرس .. بالحلال و لا يسير صوب الحرام .. شي يستوي جدام عيونج و الا يستوي من وراج
وما تدرين يمكن عقب ما يجرب .. يعرف صعوبه الشي و بيقدرج اكثر و اكثر
ادي واجباتج على اكمل وجه و عيالج اهتمي فيهم و اهتمي بنفسج اكثر عن قبل .. و صلي و ادعي بس لا تدعين عليه و لا تقولين الله لا يوفقه
حرام .. هذا ريلج بو عيالج ..
شوفيلج شي تشغلين نفسج فيه عشان ما تقعدين تفكرين و عشان ما يوسوسلج الشيطان و يخرب من بينكم
على الاقل حافظي على اللي من بينكم الحينه ..
و الله يصبرج و ياجرج على صبرج و الله يسخره لج ان شاء الله

**زلال2008** · 2009-03-31, 13:36

الله يعينج حبيبتي اذا ناوي يعرس بيعرس ع قوله امايه الريال يغلبه وزاره ولا يغلبه العرس

**al_reeem** · 2009-03-31, 13:53

الغاليه انا ما اعرف الي في خاطر زوجج ... والا اسبابه .. وما اقدر الومه او الومج ...

بس انتي سوي الي بقولج اياه وادعيلي ...

اقري سورة البقره كامله كل يوم ... والله انج بتشوفين تاثيرها عليه وعلى حياتج وياه ...

وبتقولين قالت الريم ... عليج ابها ... ولا تملين ولا تكلييين ... اقريها يوميا ... اي وقت ... متى قدرت ...

اسمعي كلامي انتي الخير رباعه ...

اختج
الريم

**ورد جوري2001** · 2009-03-31, 15:31

الله يعينج...كثري من الاستغفار

**كارهة حياتي** · 2009-04-01, 13:54

الله يعين الجميع

مشكورات ماقصرتن

**دلوعه فزاع** · 2009-04-01, 14:06

المشاركة الأصلية كتبت بواسطة ms.goldy

مشكله صعبه ,, وما نعرف كيف تفكيره او شو اسبابه

انتي حاولي تقنعينه يأجل الفكره وحاولي تشوفين ليش قرر مره وحده وليش رافض ياخذ رايكم بس خبركم؟؟

هل في خاطره بنت معينه ولا بس جيه !!

راي من رايها

**كارهة حياتي** · 2009-04-15, 14:20

ٍقولو مبروك شليت فكره زواج من راس ريلي بعد ماتميت استغفر واقرا صوره بقره ليل ونهار الحمد الله

**أم نظارة** · 2009-04-15, 14:33

مبروووووووووووووك
تستاهلين كل خير .... الله يوفقج اختي دنيا واخرة

الموضوع: بنات ساعدوني ....؟؟؟؟؟؟

أدوات الموضوع

عرض

المواضيع المتشابهه

بنات ساعدوني عيد زواجي قرب وابا حق ريلي هديه حلوه ساعدوني

بنات عيمان ساعدوني ابا ارقام بنات ياجرون ذهب ساعدوني بلييز

ساعدوني بنات ... عندي مشكلة في المسن ... ساعدوني الله يخليكم

بنات عيمان ساعدوني ابا ارقام بنات ياجرون ذهب ساعدوني بلييز

بنات ساعدوني ابا ارقام بنات ياجرون ذهب ساعدوني بلييز