يوم الحنه وش ألبس؟؟

[قيثارةعازفهاأنت]

السلام عليمن بنات
كيفكم؟؟

هالموضوع تقريبا صار بكل المنتديات هههههه
ولا لقيت حل جذري لهالمشكله
و عندي امل كبير اني احصله هنا بما ان المنتدى اماراتي بحت

ياحلوات بغيت اعرف العروس عندكم يوم حنتها وش تلبس بالضبط؟؟
تكفون يابنات ساعدوني ترى ماعندي وقت علشان لسه وراي تفصيل
وابغى اعرف محلات تخيط اللبس الي بتقولولي عليه و تكون خياطته حلوة و كشخه
و بعد الذهب الي يلبسونه فوق الراس و باليد و عالصدر ودي اعرف وين المحلات الي تبيعه بس يكون شغله حلو
بس مابغى ذهب ابيه فالصو لاني بلبسه لبسه وحده بس فحرام اخذ ذهب

تكفون يابنات ساعدوني
و حبذا لو كان بدبي الشارجه و عيمان
و مافي مشكله لو كان بابوظبي او راس الخيمه

بس اهم شئ احصل تكفون يابنات فزعتكم و اذا فيه صور للبس بليز لاتبخلون علي
و لكم مني خالص الشكر والتقدير

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قصايد الهاملي]

الغاليه

انتي تبين ليله هنديه والا اماراتيه ؟

[اميرة الشوق]

فاليلة الحنا
تلبس العروس ثوب لونه اخضر

والذهب طبعا من محل الذهب

[قيثارةعازفهاأنت]

قصايد الغاليه لا ابي ليله اماراتيه
لاني اماراتيه و بعرس ان شاء الله بالسعوديه فابغى اتميز بلبس بلادي
عرفتي المقصد؟؟
فابى اعرف اللبس الي يلبسونه بليله الحنه عندكم اللبس التراثي حتى انا قلت البرقع بلبس البرقع مال حريم قبل


اميره الشوق الغاليه زين كيف شكل اللبس؟

[شذا الازهار]

مرحبا الغاليه انا حبيت اساعدج بصراحه عندي بنات خالاتي واختي العوده كلهن خيطن عند محل عتيج الصوف في ابوظبي بصراحه شغل عدل مدل وتفصيل روعه حتى ان ماعدلن فيه ابدا وصاحبته وحده مواطنه قعدت مع اختي واتشاورن على الموديلات والالوان و الكل عندنا يشكر فيها وفي شغلها وانت تقدرين اتسيرين عندها او تتصلين فيها تستفسرين
وهذا من خبرتي
والسموحه اني طولت عليج في الرمسه

[قصايد الهاملي]

الغاليه حلو أنزين اللبسي ثوب بس ثوب حلو يكون يعني فخم

وخلي ديزاين البيت كله تراثي

والا تنسين الذهب المرتعشه وغيره

وافتحي شعرج

وانشاء الله الخوات مابيقصرن وياج

[قيثارةعازفهاأنت]

هلا الغاليه شذا
مشكوره غناتي عالمساعده
بس هالمحل يخيط يعني دراريع حق الحنه؟؟
ووين محله بالضبط؟؟
ومشكورة مرة ثانيه غناتي

[قيثارةعازفهاأنت]

قصايد الهاملي
مشكورة غناتي
جزاكي الله كل خير
بس ابي اعرف محلات تسوي دراريع فخمه

و سؤال ثاني
يعني بالحنه انتو تلبسون دراعه عاديه؟
مافي لبس معين خاص بليله الحنه؟؟

[قصايد الهاملي]

الغاليه

ممم يعني ثوب فخم او مخور فخم وايد

الغاليه انا اختي كانت ماخذتنله للعيد لبس من اليشمك بس روووووووووووعه وايد لونه ازرق وينفع لليلة الحنه بس بعد شوفي اليشمك يمكن عندهم لبس فخم ينفع لليلة حنه يكون لونه احمر او اخضر..

الغاليه في محل ف عيمان يسوي دراريع فخمه وايد واسعاره رووووووووووووووووووعه وايد وايد

اختي يوم عرست سوت لها من هناك بس انتي تودين له القطعه وشغله روعه

المحل ف عيمان صوب محلات العبي عند المتحف صوب فيرست ليدي ومحلات العبي اللي هاك الصوب سيري شوفي الخيايط اللي هناك

[اليـازية]

اختي
انا في ليلة الحنا لبست امارتي ع بحريني خذيت الثوب من بوظبي
ولبست الطاسه ومرتعشه وكف ويعني هلاشياء وطبعا تلاقينهم في ميغا مول تحت
وسويت خيمه مال بدوي وطلعت حلوه ويلست فيها......

[قيثارةعازفهاأنت]

قصايد فديتج احرجيتني بلطفك و تعاونك
ايه اعرف محل العبي الي بعيمان
طيب بس هو المحل شو اسمه بالضبط؟؟
واليشمك ماحس جلاليبه تراثيه
انا ابي شئ تراثي

يعني هالحين عرفت من كلامكم انه المخور هو لبس الحنه مافي لبس معين



اليازيه فديتج شسم المحل الي في بوظبي؟؟ ووين مكانه؟
بروح اشوف كل المحلات الي قلتو عليها باذن الله
والي بميغا مول مريت عليهم ماحسيت عندهم تشكيله كبيره من الطاسات
ياليت لو تعرفون محل ثاني تتتدلوني


وجزاكم الله خير يالغاليات

[اليـازية]

أختي

اسمه نوره في شارع المطار وعندها ووايد اشياء حلوه....

وسيري ابوظبي مول بتلاقين هالاشياء ذهب بس تقليد تحت طابق الارضي...

وفي شارجه في حرمه تأجر ذهب اذا تبين بس حرام حق ليله.....

[قصايد الهاملي]

الغاليه بشوف لج اسم المحل مااعرفه بالضبط

بخصوص الذهب ادخلي قسم العروض المستعلمه

في وحده تأخر ذهب مرتعشه .....الخ وكل شيء

[قيثارةعازفهاأنت]

الغاليات مشكورات وايد
اليازيه هو محل اسمه نوره بشارع المطار؟؟

تسلمين غناتي قصايد
بس ماقدر أأجر لانه انا حنتي باذن الله بتكون بالسعوديه فصعب ااجره لمده شهر لين ماهلي يردونه

[شذا الازهار]

مرحبا الغاليه هذا المحل اسمه عتيج الصوف حتى ممكن تاجرينه من عندهم بعد وانت مو خسرانه مري وشوفي وشغلهم احلى من اليشمك واصلا هي اتخيط حق الشيخات واتخيط حق اميرات من قطر والسعوديه ورقم المحل اتحصلينه من البداله