شورن علي فديتكن:

**Mįşš●Ċlaśŝįč** · 2009-03-29, 16:51

باذن الله شغالتي بتسافر بعد 5 شهور

ومن الحين ،أفكر، شو الجنسية اللي بيبها، والشئ المهم أكثر:
هل مشتغلة قبل والا لأ!!!
لآن هالشئ وايد مهم:

أبي ردود صدق تساعدني بعد الله تعالى
لآني وايد خايفة اييب وحدة ما تعرف شئ بالمرة!!

اوالاوحدة مشتغلة قبل ولسانها طولها!!

فشو الي تشورن علي فيه

المزيد من آخر المواضيع من نفس القسم:

**أم عايشة** · 2009-03-29, 22:41

أنا جربت سيلانيتين وكانوا زيينات بالتنظيف بس الشيء اللي ما أدانيه فيهم سوالفهم ويا شغلات الجيران ومن غير وايد يطرشن رسايل وصور لأهلهم يعني ملل
والحين عندي فلبينية مسلمه عندها عيال عمرها بالثلاثينات والحمدالله زينه بالتنظيف فانتي اختاري الجنسية اللي تريح وحاولي تبتعدي عن الاندونيسيات

**Mįşš●Ċlaśŝįč** · 2009-03-29, 22:57

انا كنت ناوية اييب اندونيسية!!!
ما فيني اييب فلبينية وانا عندي بيت كبير وعيال 3 ما شاء الله يبون ركيض وراهم وغير شغل البيت
انا شغالتين مستحيل اييب، كفاية علي وحدة وانا هبة ريح بروحي اراكض بالبيت ما اخلي الخدامة تتصرف بكيفها

بس ما فكرت اييب سيلانية والا هندية مثلا
اكثر شئ ابي اندونيسية
انا خايفة ، ما فيني اتوهق بشغالة تخبل فيني

**(الحمادية)** · 2009-03-29, 23:03

تبين نصيحتي؟؟

ترى السيلانيات شغيله...والله..

الفلبينيات والاندونيسيات قبل يبون الشغل والحين ما يحتاااي...

وعلى فكرة ...الخدم بالحظ..

والشي الثاني ..انتي بإيدج اتسنعينها...

والله المستعان

**Mįşš●Ċlaśŝįč** · 2009-03-29, 23:54

الله المستعااااااااااااااان
يا ربي شو نسوي متحاجات لهم

**وردة راك** · 2009-03-30, 00:04

نصيحه لوجه الله لالالالالالالالالالالالالالالالالا تيبين اندونيسيه....

**salamh** · 2009-03-30, 00:10

اندونسيات اهل سحور واعمال سحرة تحملى منهم ما تيي الا وسحرها وياها هاتى فلبينية انظف فى نفسها وشغلها

**Mįşš●Ċlaśŝįč** · 2009-03-30, 01:05

ومنو قالكن اني ما بفتشها من تدش!!!!!!!!!!
لا لازم انبش باغراضها,,وان شفت شئ ترد المكتب سيدة

توها وحدة من اهلنا يايبة اندونيسية مب مشتغلة حصلو عندها ما شاءالله كافة انواع السحر
وشالوه عنها وخبروها وقالت خلاص ما ابيه
وسكتت والحين تشتغل عادي

لا تخافون انا من ناحية حازمة على الخدامة اللي تكون معاي
لازم تسمع شروط وتعجبها غضن عنها والا ترد وين ما ييت والمكتب مسؤووول

**(الزبرجد)** · 2009-03-30, 11:15

أختي الغالية انا حاسه انج تبين اندونيسية بس مترددة إذا عزمت تيبين اندونيسية خذيها من منطقة اندرامايو هالمنطقة ريفية فقرا على قد حالهم مالهم فالسحر وزينات ولله الحمد انا والاهل مجربين ذلك ولله الحمد ولاتاخذين من منطقة جاكرتا لأن هيه الي يكثر فيها السحر وانا افضل انج تاخذينها مو مشتغله صح بتتعبين في البداية بس عقب بترتاحين انا جذيه امسويه ومن البدايه فهميها كل شي تبينه واذا كان عشان اللغة قبضيلها ورقة وقلم وإذا تبينها بعد للعيال انا انصحج انج ما تجليين عليها وايد يعني لاتخلينهم دايما عندها وفترة الظهر خليها ترقد لأني اعرف وحده مقبضتنها شغل البيت والعيال حتى وقت الظهر ما تخليها ترقد وكانت تضربهم ولاحد يدري الا عقب الله كشفها المهم الله ايسرلج امرج وتيج البشكارة الزينة الي الله يعطيج خيرها ويكفيج شرها...والسموحة

**Mįşš●Ċlaśŝįč** · 2009-03-30, 11:56

المشاركة الأصلية كتبت بواسطة (الزبرجد)

أختي الغالية انا حاسه انج تبين اندونيسية بس مترددة إذا عزمت تيبين اندونيسية خذيها من منطقة اندرامايو هالمنطقة ريفية فقرا على قد حالهم مالهم فالسحر وزينات ولله الحمد انا والاهل مجربين ذلك ولله الحمد ولاتاخذين من منطقة جاكرتا لأن هيه الي يكثر فيها السحر وانا افضل انج تاخذينها مو مشتغله صح بتتعبين في البداية بس عقب بترتاحين انا جذيه امسويه ومن البدايه فهميها كل شي تبينه واذا كان عشان اللغة قبضيلها ورقة وقلم وإذا تبينها بعد للعيال انا انصحج انج ما تجليين عليها وايد يعني لاتخلينهم دايما عندها وفترة الظهر خليها ترقد لأني اعرف وحده مقبضتنها شغل البيت والعيال حتى وقت الظهر ما تخليها ترقد وكانت تضربهم ولاحد يدري الا عقب الله كشفها المهم الله ايسرلج امرج وتيج البشكارة الزينة الي الله يعطيج خيرها ويكفيج شرها...والسموحة

هيه يا اختي
انا ابي اندونيسية على الرغم من المساوئ اللي اسمعها بس انا ارتاح لها الخدامات
الفلبينية تتدلع وايد وعندي خوات ي الثنتي معاهم ،بس ما تشوفين كيف يهتمون بعمارهن
تنظيف وتخاف على ايدها وتبي تلفون ووو..انا ابي خدامة تساعدني فقط الا أكثر
مو وحدة تشاركني بيتي!!!

انا للبارح غيرت راي وابي وحدة عادي مشتغلة بمكان قبل!!
افكر كيف بقدر اعملها شغل البيت واهي ما تعرف كلمة عربي!!! واااااااااااااايد صعبة
انا محتارة والله

الموضوع: شورن علي فديتكن:

أدوات الموضوع

عرض

شورن علي فديتكن:

المزيد من آخر المواضيع من نفس القسم:

المواضيع المتشابهه

شورن علي

شورن علي فديتكن

حبوبات شورن علي فديتكن ..

فديتكن خواتيه شورن علي شسوي وياليت ام الدويس اللي يعرفها خل ترد ع موضوعي لأني اترياها