ساعدوني الله يخليكم

**العبدولية** · 2009-03-29, 01:00

السلاام عليكم خواتي انا عرسي بعد شهر وللحين مب حاجزه للميك اب ولا الحنا ولا الفستان ممكن اللي حابه تساعدني ترد علي ضروري ماعندي وقت ابد وهو مستعيل مب راضي يسمع كلامي وياخر العرس بليييز ساعدوني بحصل حد يعدلني وين بحصل فساتين للاجااار ؟؟؟

المزيد من آخر المواضيع من نفس القسم:

**قرقاشه** · 2009-03-29, 01:15

حبوبه فساتين الاجار بتحصلين واااايد
بس المشكله فالمكياج والتسريحه ... عند منو مفكر تتمكيجين
والحنا ما يبغيله شي ... بس انتي لا اتعبين نفسج اهم شي انج مزهبه

**غطاري الليل** · 2009-03-29, 01:18

جيكي الخاص حبوبة

**العبدولية** · 2009-03-29, 01:49

تسلمووون على مروركم وردودكم خواتي انا ما توهبت بعدي والله لاني كنت حاطه في بالي شهر 8 ما توقعت هو بيستعيل جي حاولت اقنعه مب راضي ياجل قالي 5 يعني 5 شو اسوي الحين لا تزهبت ولا سويت شي ومب قادره افكر افكاري مشوشه وااايد

**غطاري الليل** · 2009-03-29, 02:12

توكلي على الله عندج شهر باجي وانشالله تخلصين كل شي واهم شي الفستان
شوفي بالكراج سيل التاجرات اللي ياجرن فساتين واحجزي الفستان وفصلي
المخاوير ولا تكثرين منها لان عقب بتييج هدايا وايد ومن لايف ستايل بتاخذين
عطورات الملابس والغرف ولوشنات ومعطرات الجسم
والعطورات الفرنسية واعود والدخون بعد لاتشترين وايد لان الهدايا اغلبها جيه
والملابس الداخلية وقمصان النوم عاد انتي وذوقج بس خذيلج واحد كشخة حق ليلة
العرس ومن اليشمك حق الصباحية
وساعات وشنط بعد لاتشترين وايد لان الموديلات بتتغير وبشهر العسل اكيد بتشترين
ومادري انا تزهبت وبعدني ماخلصت بس عندي وقت والكل نصحوني ماشتري وايد
لان عقب العرس بعد لازم اشتري وانشالله الغلا ربنا يوفقج

**شووواقي** · 2009-03-29, 02:38

ههههههههههههههههههههه
عيل شو اقول انا ريلي يوم ياه قالي في ها الاسبوعين دبرين عمرج مني ومناج قلتله شهر والله اتزهبت وخلصت وربنا سهل كل شي والحمدلله

**afsm2002** · 2009-03-29, 08:41

الماكيرة ام سلوى ماكياجها حلو ومرتب

**دوبلوماسيه** · 2009-03-29, 09:05

اذا تبين فساتين زفاف ب 5000 راسليني عالخاص

**عنجهيةUAE** · 2009-03-29, 10:01

هلا الغالية انصحج المكياج روحي عند ام شمه اللي بيتها بالطرفانه واايد رووووعة مكياج العرايس الصرااااحة تغيرج تخليج صدق عروس

وعسب الفستان روحي دار عذبة عندها فستان عروووس رووووعة وعلى مستوى امفصل 185 وراقي كامل كرستال من اول الفستان ليم اخره ولونه اجنان

**ام مثالية** · 2009-03-29, 11:02

نصيحتي لج سيري للاخت الكريمة فاطمة * ام سلوى *

ميكياجها روعة وينعرف انه متعوب عليه

**احتاجك..** · 2009-03-29, 11:07

حبوبة حق الميكب شوفي العنود
والشعر شوفي ايمان

يبتهم حق عرسي وكانو روعة ما شالله

**أوركيدا** · 2009-03-29, 11:13

للرفع .. الله يوفقج

**موجة 70** · 2009-03-29, 14:14

الغالية الفساتين وايد تاجرات ياجرن وعندج دار سارة فمركز الهنا بدبي
فساتينها حلو
والحنة يومين قبل العرس بتتحنين
والميكب والله مادري انتي ستايلج والماكييرات واااااااايد
واذا تحبين انا حاجزة لعرسي عند ماكييرة من دبي ميكبها روعة
بس ستايلها لبناني ناعم والله يباركلج

**نجلاء النعيمي** · 2009-03-29, 14:23

الغاليه اي مساعده انا حاضره
ولا تخافين شئ وقت
عندج الفساتين شوفي ميثاء المطروشي في عيمان 0507168880
وريم الحوسني من الشارجه 0506499941
وام محمود الشارجه 0506774334
فساتينهم وايد راقيه كلها من تصميم مايكل وازرا
وبنسبه للمكياج طرشيلي ايميلج وانا بطرشلج الصور
والله يوفقج

**هدوء القلب** · 2009-03-29, 15:41

مرحبا يالغلا ومبروك عالعرس وعندي تشكيلات مره يديده عندي موديلات 2009 هب ملبوسات الفساتين ولامره وصلتني التشكيله الاسبوع اللي طاف وموديل 2008 انواع واشكال ابيض واووف وااايت شوارفسكي وكريستالات وتطريز بشك عندي فستان اخضر كشميري لليله الحنه وعندي مسكات عكيف كيفج وان شاء الله ماراح نختلف عسعر اسعاري هب فوق العشر تالف يعني هب فوق العشر تالاف انتي اختاري ولا تحتاري وبكل المقاسات وبالنسبه للاسعار لاتحاتون ان شاء الله مابنختلف ومالكم الاطيبه الخاطر
واذا حبيتي تتواصلين ويايه انا من بوظبي

الموضوع: ساعدوني الله يخليكم

أدوات الموضوع

عرض

ساعدوني الله يخليكم

المزيد من آخر المواضيع من نفس القسم:

المواضيع المتشابهه

ساعدوني الله يخليكم و غنشالله الله يبعد عنكم كل شر

الله يخليكم ساعدوني الله يخليكم

يا أمهات الله يخليكم محتارة ساعدوني الله يجزيكم الخير

ساعدوني بنات ... عندي مشكلة في المسن ... ساعدوني الله يخليكم

بليز بنات بصيح ..... ساعدوني الله يخليكم ... و الله يفتح عليكم أبواب الجنه