أختكم محتاره ><

**فديتني حبوبه** · 2009-04-05, 20:48

الفلوس هي وسخ الدنيا

ناس راتبهم الف وعايشين مرتاحين

الانسان ينأخذ باخلاقه مب بفلوسه

فكري عدل

المزيد من آخر المواضيع من نفس القسم:

**حرفm** · 2009-04-05, 22:01

ليش يعني الريال بتم ع معاشه القليل ..
مابيترقى .. ؟؟؟؟؟؟؟؟ مستحيل

لا تفكرين جيه وشلي هالتفكير من بالج ..
كل الناس بدوا صغييره لين ماكبروا. .
والغنى غنى النفس ياختي مب غنى المال

يمكن هالفقير اللي بترفضينه بعيشج احسن عيشه وبدلعج اخر دلع .. وريال واخلاق
واللي تبينه غني بعذبج ويقدر ياخذ 4 بدالج لانه غني وعنده ومقتدر .. ويمكن يكون عنده شهاده احسن عنج ؟؟؟؟؟؟

فكري فكري فكري ...

لاني انا ياني اللي مثل حالتج بس الاهل رفضوا بدون مايشاوروني ... ليش لانه فقير ومعاشه قليل ......

**ميمي الفلاسي** · 2009-04-06, 04:01

امممممممم ما اعرف شو اقولج؟!
بس إذا كنتي انتي انسانه مش قنوعه او انج ما تقدرين اتعيشين غير المستوى اللي عايشتنه الحين لا تاخذينه لأن بتصير واااايد مشاكل..هذا رايي
وربي يتمملج على خير حبوبه ^_^

**سـارهـ ^^** · 2009-04-06, 09:41

صدق موضوع يحير ..؟!!

بس اختي انتي سوي اللي يمليه عليج عقلج قبل قلبج ..

يعني انتي تحسين بميول له ولا لا .. ؟

صحيح مستواج التعليمي اعلى منه بس مشالله مثل ما قلتي الريال ما يعيبه شي والكل يمدح به وهالشي نادر ما تحصلين هالزمن .. ؟

وبخصوص الدراسه .. انتي بطريقتج مستقبلا ترومين تقنعينه .. واخوي خبرني عن وااااايد زملاء معرسين له يدرسون ويشتغلون . صحيح الشغله صعبه بس بعد حل !

ومهما كان عالاقل احسن من هذاك الغني بالمستوى التعليمي العالي الدنجوان ( متعدد العلاقات ^^ )

والقرار بالاخير لج ..

والله يوفقج الغاليه ويجدم لج كل الخير ,

**om tota** · 2009-04-06, 10:03

طالما الريال على خلق ودين وافقي واذا كان على راتبه الله بزيده.. بصراحه انا شايفه حرام انج ترفضينه لان في هالزمن صعب تلاقين واحد على خلق ودين .....الله ييسرلج امورج

**قلم أحمر** · 2009-04-06, 10:05

اقولج شي انا عندي بكاريوس واشتغل وراتبي 18 ألف يوم ملجت خذت واحد عنده ثانويه ومعاشه 7000 لكني مب مثلج مافكرت في البيتزات بالمرة كنت ابغي الستر وبس مع اني يوم ملجت كان عمري 23 يعني مش عانس والحمدلله جميله

اتخيلي بفضل الله وبحمده حصل على وظيفة احسن اتخيلي الحين والله انه راتبه 23800 شهرياً

الحمدلله انه مااتغير عليه وسواء كان راتبه 7 ولا 23 مااتغيير عليه طووول. ولا في يوم بينت له اني احسن عنه من ناحية الراتب أو الشهادة

انتي فكري إذا اتحسين انج تبين وااحد غني وتاجر وخريج جامعي اتريي عيل لاتوافقين عليه

انا قلت تجربتي من الواقع وانتي بحياتج حره

**AD Classic** · 2009-04-06, 23:06

لو لاحظتي .. كل البنات شجعنج ع هالخطوة في هالموضوع ..!

هذي اول نتيجة للاستخارة سبحان الله

اعرف وحده متزوجه اكبر عن ريلها ب4سنين ..
هي عندها باجلور ..وهو بس ثانويه عامه ..
وراتبه جدا محدود ..

وماشاء الله هي شجعته يكمل دراسته ..
والحمدلله الحينه يدرس برع البلاد وبيخلص باجلور سنه اليايه ..
وغير انه عقب الزواج فتح تجاره ( دخل ثاني ) وغيره ..

انا انصحج توافقين .. وصدقيني دام انج استخرتي ..
لو هو مب خير لج ماراح يتم الموضوع بيصير وبيفركشه .. عن تجربه

الله يوفقج يارب ..ويزرقج باللي تمنينه ان شاء الله

**MAHA21** · 2009-04-06, 23:48

خلي الفلوس ع صوب
لكن حذار من الخجل 100 مليون مرة
ترى قصتج شكلها تشبه قصت الجديمة وكنت مثلج افكر وندمت نصيحة فكري مليون مرة اهم شي الشخصية

**kefoO** · 2009-04-07, 22:21

عادي انزين
انا ما جوف اي مشكلة في الريال
مدام انه دين واخلاق والله حصلتي المطلوب
لاحظي انج تركزين على الاشياء المادية اختيية
وهالشي زايل ><"
ما بينفعج اكيييد عقب
صلي استخارة مرة ثانية وثالثة ..
واطعي من خاطرج وجوفي كيف بتحسين
والله يوفقج

**عنادي الظبي** · 2009-04-07, 22:31

انا مع راي اختي الغلــا

دام ريال ما يعيبه شي خلاص استخيري وحاولي اكثر من مره ومب شرط ايج احسن منه يمكن ما ايج حد الله لا قال بس دام ريال زين توكلي بصراحه ما جوف مستوى دراسي ولا فلوس فرق حمدالله الحينه كل رواتبهم فوق يعني ثنوي 20 شو تبين اكثر وحلووو بعدين انتي فكري تاخذين ريال بمعنه كلمه يعني هب فلوسه ولا مستوى دراسي في ناس عندهم هذا كله وناقصهم راحه بال واخلاق

فكري عدل واستخيري اكثر من مره وانشالله اذا ربي رايد بتسير امورج والله يوفقج انشالله

الموضوع: أختكم محتاره ><

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

أختكم التايبه

أختكم لا تردووونها

أختكم من Qatar

أختكم اليديده

أختكم أم رشيم