أختكم محتاره ><

[رويــانــة]

فديتج أهم شي الأخــــــــــلااااااااااااااق

والله السعاده اللي بتحسين فيها مع رجل خلووووق حلوة ومحببة للنفس

باجر بييج الجامعي لكن أخلاقه زفتة شو تستفيدين ؟!!!!

يمكن باجر هالشاب بيكمل دراسته ويتعدل وضعه من خلال حبه لج وحبج له وبتكونين انتي الدافع له انه يطمح لحياة أفضل

عموووما .. اذا انتي ماعندج مانع تشتغلين وتساعدينه في حياتكم المشتركـة وتعينون بعض وتتعاونون فاتوكلي على الله

والله يوفقج يارب

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[قنيصة شوا&ـين]

اختي شو يخص شهاته ؟؟
..
وايدات بنات جامعيات ماخذات شباب عندهم ثانوية عامة ،،
الشهادة مب مشكلة حتى عقب العرس تقدري اتشجعي الريال انه يدرس فلا تخافي من هاي الناحية ،،
أما عن المعاش انتو شو دراكم عن معاشه مستحيل يكون اقل عن 20 ألحين الرواتب عالية وايد مب شرات أول ،، صح الدنيا اغالية بس ما توصل لدرجة انه ما نقدر نشتري شي ،،
.. كل واحد وتخطيطه ..
وعن الخجل ما عليييج بداية وعقب عادي ،،،
والخجل صفة وايد حلوة ,,
.................
والريال بأخلاقه ما بفلوسه
.. والله يوفقج

[منورة]

عندي لج حل عقب ما ترتبطين فيه شجعيه ايكمل دراسته ويحسن من وضعه أنا سويت جيه والله ايوفقج

[مهاوي الغوى]

الله يوفقج وينولج اللي في بالج

[اميرة1]

شوفي غلاي انتي اكيد مب صغيرة

لازم تفكرين عدل الريال ما يعيبه شي وشويعني راتبه قليل

استخيري وربج يوفق ان شالله

[open_rose79]

اذا الريال زيين حرام تفوتينه واذا عن راتبه انشالله انتي بعد ما تتوضفين تراج تقولين راتبج بيكون زين .... اهم شي دينه واخلاقه وسيرته

[أمل سالم]

بـــــــــــــرد عليـــــــــج بكلمـــــة وحــــــــدة بـــس (((القنــــاعــــــة)))

[مس UAE]

اذا هو ثانوي وانتي باكالريووس مب معناته ما بيعيشج احسن عيشه ..

انا اعرف نااااس ما عندهم ثانويه ورواتبهم حلوه واحسن عن رواتب الباكالريووووس بوااايد ..
وتزوجو ..

هذي حظوظ ونصيب اذا لج نصيب ويااه بتاخذينه ...

[عالية الغالية]

( وان يكونوا فقراء يغنهم الله من فضله )



اعرف حالات الله اغناهم من فضله بعد الزواج

يعني فقير وقنوع وع خلق افضل من اللي راتبه صاك ال20 وما يحترمج ولا يعبرج

[مالـ مثيل ـها]

أول شي حبيبتي صلاة الإستخارة

حبيبتي أسوم بقولج عني وان شاء الله تقتنعين

أنا الحمدالله خريجة دبلوم عالي.............وزوجي عنده شهادة ثاني اعدادي......وراتبي أكثر عنه

أنا الحمدالله استخرت وخذته وهذوه ما شاء الله عليه مب مقصر معاي

والحين أنا حمسته يكمل دراسته والحمدالله سار وسجل مسائي ولله الحمد قبلوه

وانتي ما تعرفين شو بيصير!!!!!!!!!!!! أنا لما كنت وياه في شهر العسل قبل شهرين اتصلوا في ريلي وقالوله انه ترقى............. والحمدالله الحين يستلم أكثر عني

حبيبتي لا تطوفين قطار الزواج دام ان الريال الكل يمدح فيه.............والعمر ماشي ما نقدر نوقفه

والسموحه اختي

[نانو]

اختي والله الموظوع يحيير انا لو بدالج بتم استخيير و بشوف انا حق شو قلبي مال يعني لو تقبلته انه يكون زوجي و ابو عيالي بتوكل على الله و بوافق و لو فيه خير لي ربي بيسر الزواج و لو فيه شر ربي بيبعدني عنه .
يا ريت البنات يفيدونج و سالج اختي في مححله واايد بنات يفكرون هالتفكير و يحتارون

[بنت_دبي_وبس]

اتناقشوا وياهم على هالموضوع واطالعي شو رد أمج وأمه ف هالموضوع
ترى مافيها شي
وهذا زواج

[ام سووومي]

انا اقول خذوا فقير يغنيكم الله ............
انا يوم ريلى يوم خطبنى كان راتبه 7 الاف ويوم تزوجنا زادوه مال الزوجيه ويوم يبنا العيال بعد زادوه
والحين الحمد لله مستوره
إختى الرسول ( ص ) قال من ترضونه دينا وخلقا فزوجوه
ها راي والسموحه

[الملاك الحالم]

الغالية ما في فرق في شهادة جامعية ولا ثانوية

أنا جامعية وأشتغلي في تخصصي وأخوي ثانوي مع ذلك راتبه أعلى عن راتبي بوااااااااااااااايد ونحن الاثنين في دوائر حكومية ، بس لأنه أشتغل قبلي وأكتسب خبرة عسب جذي زادوا له المعاش



صدقيني لا تتبطرين على النعمة ، اسمحيلي على هالكلام ، لين متى بتمين تشتغلين؟؟؟؟؟؟؟؟؟؟؟؟؟؟؟؟

[Hno0odah]

لازم اتوكلين امرج لربج

وبصراحه الريال ابدا ما يعيبه لا جيبه ولا غيره ..وبالاخص في وقتنا الحالي
اذا اليوم ما عنده ماتدرين مع الايام يمكن يكون عنده << وتقدرين انت اتساعدينه واتشدين عليه
وتقدرين اتخلينه يكمل دراسته .. وفي وااايد امور تقدرين اتسوينها .... يعني الشهاده والفلوس والجمال هب كل شيء .. صدقيني