أختكم محتاره ><

[Asooma]

بسم الله الرحمن الرحيم

بدش فالموضوع

متقدملي واحد من اهل امي

يعني امه يت بيتنا وشافتني وقالت لامي المهم بخبركم عن مواصفاته ومواصفاتي

عنده ثانويه عامه-راتبه قليل- شخص خجول

لكن في نفس الوقت الكل يمدحه من ناحيه اخلاقه

ومواصفاتي انا

بتخرج عقب شهرين بشهاده بكالوريوس - والحمدلله جميله- و يوم بتوظف راتبي بيكون اعلى عنه- والحمدلله الكل يمدح اخلاقي

اهلي محتارين وانا وياهم طبعا

اذا بتقولون لي استخيري تراني استخرت 4 مرات ومب حاسه بأي شي بصراحه

بس خواتي و امي يقولون لي لا تستعيلين فكري عدل بييج الي احسن ومب ناقصنج شي

يعني اختي يالسه اتقول انهم يالسين يقبلون الريال بس لانه زين

بس في نفس الوقت يقولون لي الحياه غاليه ومتخوفين

بنااات ادري انه كلامي مخربط ومب ع بعضه بس لا تلوموني لاني محتاره ومب عارفه شو اسوي

ساعات اقول اذا الريال زين خلاص ماريد شي ثاني- بس ساعات افكر كيف بتكون حياتي معاه يعني افكر للمستقبل مصاريف وجييه

افيدوني الله يخليكم

واذا كنتوا بدالي شو بتسون؟

اختكم اسووم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[miss di0r]

امممم في مثل يقول الريال مايعيبه إلا مخباه

هههههه حتى انا احترت وياج

انشالله تلاقيلج حل خيتو وبنشوف رد بنات

[Asooma]

امممم في مثل يقول الريال مايعيبه إلا مخباه

هههههه حتى انا احترت وياج

انشالله تلاقيلج حل خيتو وبنشوف رد بنات

صدقتي

شفتي كيف حالتي ><

نشوف رد البقيه

مشكوره غلاي

[شهرزاد123]

والله مادري ياختي حتى انا احترت لاني حطيت نفسي مكانج و ما عرفت افكر حتى ههههههههههههه

ان شاء الله البنات يفيدونج حبيبتي (^_^)

[فديتني]

استمري ف الاستخاره وتوكلي ع الله



هذا رايي

[أبنةأمنة]

إذا اخلاقه ودينه بخير .........

فنعم الرجل هو .........

المال والمستوي الدراسي والاشياء الاخري تبقي قناعات نختلف في درجتها ,,,,,,,,,,

[(الزبرجد)]

السلام عليكم ورحمة الله وبركاته:أختي الغالية أسوووم أولا دامج استخرتي هاي نقطة ايجابية منج لأنه ما خاب من استخار وانتي استخرتي رب العالمين الي هو أدرى بالي فيه خيره لج وبتتيسرلج الامور كلهاإنشا الله...
ثانيا أن راتبه ضعيف هذا مب سبب أنج ترفضينه في نظري على علم بأنه ريال زين وذو أخلاق ويكفي انه ما خذ شهادة الثانوية على سبيل المثال انا ريلي خذني وراتبه سبعة آلاف وما عنده شهادة ثانوية بس ولله الحمد بعد مرور سنتين زادوه هذي حال الدنيا لازم نصبر، الحين نادر ما نحصل الريال الزين الي يحشمج ويقدرج وإنشا الله انج بتشتغلين وما بيكون هذا السبب عائق لج .. وبعدين مب كل واااحد عنده فلوس يكووون كريم عادي اعرف واحد ما شاء الله عليه عنده خير وما عليه قصيره بس بخيل درجة اولى مقصر في عياله وحرمته على شوه ما أدري وحد على قد حاله ومو مقصر على حرمته وعياله لو ما يتم شي من معاشه.... المهم اسمحيلي اختي والله يوفقج ويسرلج أمرج لما فيه الخير ويرزقج بالرجل الصالح الي يسعدج افحياتج..آمين

[طهر الماء!]

خذوهم فقارى يغنيهم الله

ما تدرين يا اختي يمكن ربي يفتح له باب رزق ويغتني

توكلي على الله دامه ريال ونعم .....واذا على المال ترى كثير رياييل جيوبهم مليانه وقلوبهم ومن داخل هم فارغين

توكلي على الله ......

[Asooma]

سبحان الله ..الحينه عرفنا ليش عدد العنوسه زايده..
الوحده من تاخذ البكالوريوس تبطر...عيل صدقهم شبابنا يوم يقولون ما نبغي جامعيه....
شو يعني انتي عندج بكالوريوس..؟؟وشو يعني احلى..؟؟
ترى الجمال زايل..والبكالوريوس الي فرحانه فيه ما بينفعج يوم بتصكين الاربعين وانتي عانس في بيت امج.....
ومعاشج اكثر عنه خلاص خير ونعمه....لا تعايبون عالريال بمخباه ومستواه..ياما فقارى عيشوا حريمهم احسن عيشه..والغني اللي تدورونه باجر بيمل منج وبياخذ غيرج لانه عنده فلوس يقدر ياخذ 10....

الغاليه شلي هالافكار من راسج...واستخيري...يوم تستخيرين لا تتحسبين لازم تحسين بشي..الاستخاره هو توكيل الامر الى الله ..اذا فيه خير بيستوي بدون ما تحسون...واذا ما فيه خير بيبعد عن طريقكم....

الله يوفقج وينولج اللي في بالج

الغاليه انا معاج في كل نقطه قلتيها

لكن هالمقارنات موجوده في كل مكان

انا اهم شي عندي الريال يكون زين

بس اهلي مب عارفين شو يقررون ساعات يقولون الريال زين وساعات يقولون ماندري يعني محتارين وانا معاهم محتاره

قلت اخذ راي الاغلبيه

وان شاء الله يصير خير

[Asooma]

والله كلامكم يريح البال

تسلمون حبيباتي وان شاء الله خير

الي الله كاتبه بيصير

وانا بتوكل ع الله

واذا مكتوب لي اخذه ربي بيسر لي امري

^_^

[ميرة دبي]

وايد بنات عندهم بكالوريوس رياييلهم عندهم ثانويه وحالاتهم احسن عن اللي ماخذه جامعــــــــــي

انتي ماتعرفين شو بيستوي اليوم او باجر يمكن حالته تتحسن ويكون احسن عنج

الصراحة اهم شي الاخلاق وطيبته واانكم تتفاهمون والبيزات فكري فيها اخر شي شو فايده البيزات وماشي راحة البال

صح االحياه غالية وانا حطيت نفسي ف مكانج بس اذا هو كان من نصيبج شو بتسوين عسى ان تكرهوا شيئا وهو خير لكم

تراج اتقولين عندج بكالوريوس وراتبج بيكون احسن عن راتبه يعني عندج اللي يكفيج الحمدلله بس اهم شي يكون مقتدر الريال

الاستخاره مب شرط اتحسين بشي او انج تحلمين اذا كان من نصيبج الله بيســـــــــــــــر الامور

توكلي ع الله وسوي اللي انتي مقتنعه فيه وبس

الله يرزقج بزوج صالح

[طيوبة99]

سبحان الله ..الحينه عرفنا ليش عدد العنوسه زايده..
الوحده من تاخذ البكالوريوس تبطر...عيل صدقهم شبابنا يوم يقولون ما نبغي جامعيه....
شو يعني انتي عندج بكالوريوس..؟؟وشو يعني احلى..؟؟
ترى الجمال زايل..والبكالوريوس الي فرحانه فيه ما بينفعج يوم بتصكين الاربعين وانتي عانس في بيت امج.....
ومعاشج اكثر عنه خلاص خير ونعمه....لا تعايبون عالريال بمخباه ومستواه..ياما فقارى عيشوا حريمهم احسن عيشه..والغني اللي تدورونه باجر بيمل منج وبياخذ غيرج لانه عنده فلوس يقدر ياخذ 10....

الغاليه شلي هالافكار من راسج...واستخيري...يوم تستخيرين لا تتحسبين لازم تحسين بشي..الاستخاره هو توكيل الامر الى الله ..اذا فيه خير بيستوي بدون ما تحسون...واذا ما فيه خير بيبعد عن طريقكم....

الله يوفقج وينولج اللي في بالج

انا معاااج

[A+k]

اتوكلي ع الله دامه ريال مايعيبه شي

واذا ع الفلوس تساعدوا انتي وياه مافيها شي

والله يوفقج فحياتج.....

[mariam2020]

أهم شيء إنه خلوووق و طيب ، و الله يتمم لج ع خير ،

[Asooma]

الله يسمع منكم

تسلمووون خواتي

ماقصرتوا