(( التفكير ذابحني ))

فلانه* · 2009-03-26, 02:43

سلام عليكم ورحمة الله وبركاته ،،

بنات يقولون التفكير ماييب نتيجه واللي تفكر بالحمل مستحييييييل تحمل ،،

أنا من النوع اللي واااايد أفكر ،، وماأقدر انسى فكرت الحمل ،،

دايم يدور في بالي كل يوم من الصبح لين بليل ،،

والله التفكير ذابحني ،، أحاول أنسي عمري بس مب قادره ،،

قولولي شو أسو عشان أنسى ،، وانا عايشه في شقه بروحي ؟؟؟!!!!!!

المزيد من آخر المواضيع من نفس القسم:

**إدعولي** · 2009-03-26, 02:56

انا والله اخس عنج بالتفكير كل ما افكر نفس الشهر ما احمل سبحان اللله مادري ليش ~
والشهر اللي طنشت التفكير حملت!! بقولج كيف طنشت كل مايي ع بالي فكرة الحمل افتح منتدى اشارك فيه بس منتدى مول ماله دخل بالحمل يعني اصور وانزل صور واسلي عمري واخر شي الدوره تأخرت حتى طنشت الدوره قلت لا لا مب حامل يوم يومين اسبوع اسبوعين اخر شي سويت تحليل وطلع حمل وكان ثاني حمل من بعد ماعقيت فالاول والحمدالله انا صارلي سنيييين ماحملت وحسيته من التفكير~
انصحج سوي شي اشتركي في نادي سلي نفسج دشي مواقع ترفيهيه

جربي وانصحج بالتركيز على ايام التبويض فرص الحمل تكون اسرع ان شالله

تحيااتي ~~

فلانه* · 2009-03-26, 03:48

والله يبالي أدخل النادي ،، أغير جو ،،

أسعدني مرورج وردج وربي يحقق اللي في بالي ،،

**miss_ladouci** · 2009-03-26, 03:54

الصراحه انا احس ها المعلومه صح ... التفكير يآثر .. انا عن نفسي عرست وتاخرت ما حملت ودوم افكر ما خليت شي ما سويته ... منشطات .. وكل ما يقلولي فحص اسويه .. سويت الفحص الداخلي للمبايض .. رحت لحرمه تمسح ... سويت كل شي .. وعقب اشتغلت وحسيت خف التفكير عقبها سافرت .. وايد ارتحت وغيرت جو .. ونفس الوقت تصدقت احس الصدقه والدعوه زينه.. وكله صدفه ما كان قصدي شي وما كنت افكر في الحمل توكلت ع الله،،، عقبها بشهر حملت طبيعي سبحان الله .. الله يعجلهم و ياخرهم وانا سنتين ما خليت شي ما سويته .... عسب جي خلي ايمانج بالله قوي .. وتوكلي ع الله ولا تفكرين .. والله يرزقج انشالله ...وانا الحين في الشهر التاسع ادعيلي اربي طبيعي ... وعقبالج يارب انشالله

فلانه* · 2009-03-26, 04:07

يارب تربين بالسلامه ويكون البيبي معافى كامل الخلقه من خير نقصان ،،

وإن شاء الله يروح عني التفكير وأحمل بسررررعه ،،،

**حبيته بجنون** · 2009-03-26, 06:14

والله انا شراتج التفكير بييب لي الشيب قبل موعده

وكل حد يعرف اني احب اليهال واموت فيهم
وقلت خلاص مابفكر ولا بتعب نفسي وببتعد شوي
بس اريد احاول اشغل نفسي بشي مفيد مب محصله....
ومقرره اني اكمل دراستيه واحصل ماجستير ان شاء الله
لاني اذا التهيت بالدراسه انسى الدنيا ومافيها

وربي يبشرنا بالحمل الصحيح التام الخلقه والمعافى ياااارب

**أخت القمـر** · 2009-03-26, 07:26

الله يقر عينج ويرزقج بالذرية الصالحه يارب العالمين

يرزقج ويرزق كل خواتنا بذرية سليمه صالحه يارب

تعوذي من الشيطان ــــ واذا عندج وقت ،،واظبي على سورة البقرة

يومييييييييييييييييييييييييييييييييييييييييييييييي ييييييا

وبشوفين النتيجه قريبا قريبا

الله يرزقج يارب

**بنت_دبي_وبس** · 2009-03-26, 08:12

والله صح كلامكن ...
وأنا بعد التفكير ذابحني بخصوص هالشي بس خلاص قررت إني مافكر ولا أتوتر
يوم أيي هالموضوع ع بالي استغفر وألتهي بأي شي
أهم شي الراحة النفسية
حتى ريلي ما قمت أفكر فيه شرات قبل كل همي العيال بس عاد قلت لمتى
شكلنا على كثر هالتفكير ما بيصير اللي ف بالنا
بس بشرط حطي أمل كبييييييييير برب العالمين ولا تنسين فرضج وسورة البقرة داومي عليها ولا اتعرفين شو حاولي انج اتراجعين السور اللي كنتي حافظتنها وصدقيني جذي بتنسين
شغلي بالج ف سوالف الديكور ولا الطبخ ولا بأي هواية مفيدة
وربي يسعدني ويسعدج ويسعد كل من ف خاطرها الذرية

**مجنونة ريلها** · 2009-03-26, 08:44

شوفي الغالية شخبارج قبل انا ماظني حد مثلي ذبح عمره بالتفكير 4 سنين افكر ويومي كان عن سنه عقب سافرنا العمرة ووكلت امري لله وماحملت لاني بعد كنت افكر والسنة الثالثة من الزواج سافرنا بعد وريل سوا عملية وزاد الطينن بلة وقمت فكر للننهو سافرنا سياحة شهر 7 وطنشت التفكير شهر كامل وعقب دخل علينا شهر 9 رمضان وكنت كلما اييني التفكير بس ادعي ربي وانا صايمة وكنت قبل الأذان ادعي من خااااطري وماافكر غير في لدعاء وحطيت فبالي كل شي قضاء وقدر والله يشهد علي الشهر اللي عقبه طنشت ولا يوم فكرت فيه شهر كامل قلت خلاص انا مليت من التفكير واللي كاتبه ربي بيستوي وسبحان الله شهر كامل كنت اسلي عمري بطلعات ويا ريلي وكنت اروح بيت هلي ارقد عندهم شهر 10 تاخرت علي الدورة يومين وهنيه الطامة العووووده ماقدرت استحمل كثر ماكنت مطنشة سالفة الحمل هن بعد قلت مستحيل اكون حامل اكيد انا حاسبة حساب الدورة غلط وسبحان الله بعد الدورة بيومين فحصت والحمد لله اول شي وطلعت حاااااااااااااااامل وعلى فكرة في رمضان كنت ادعي ربي فصلاة التراويح وبعد ماخلصت دقت علي الباب حرمة فقيرة وقالت انا وانا ووانا مسكينة ومادري شو قلتلها شوفي انا ماحب ارد حد بعطيج اللي الله كاتبه لج بس ابغي منج دعوة من خاطرج والله يابنات جبلت ايدينها صوب الكعبة والأذان ياذن ودعت من خاطرها وانا تميت اصيح من الفرحة حسيت من دعوتها انها صدج حست فيني وشهر عشرة بعد رمضان على طول حملت بعد انتظار 4 سنوات ولله الحمد والشكر يارب ادعوا لي من خاطركم ان الله يثبت لي حملي ويرزق كل وحدة تتمنى لاتحاتي يافلانة الارزاق بيد الله سبحانه وتعالى والله مايخذل عبده

**رنوووووي** · 2009-03-26, 09:34

صباح الخير على جو المطر والله يعطيج توم ياااارب

صدق التفكير في الحمل يقولون يأخر الحمل بس مب دايما اشغلي نفسج بقراءة القران غناتي وان شالله تهدين

ونا عن نفسي الشهر لي فكرت فيه بالحمل وايد هو نفس الشهر لي حملت فيه فلاتخافين

لؤؤؤؤؤؤل

وان شالله تبشرينا جريب يارب

**بيت البسكويت** · 2009-03-26, 12:27

المشاركة الأصلية كتبت بواسطة miss_ladouci

الصراحه انا احس ها المعلومه صح ... التفكير يآثر .. انا عن نفسي عرست وتاخرت ما حملت ودوم افكر ما خليت شي ما سويته ... منشطات .. وكل ما يقلولي فحص اسويه .. سويت الفحص الداخلي للمبايض .. رحت لحرمه تمسح ... سويت كل شي .. وعقب اشتغلت وحسيت خف التفكير عقبها سافرت .. وايد ارتحت وغيرت جو .. ونفس الوقت تصدقت احس الصدقه والدعوه زينه.. وكله صدفه ما كان قصدي شي وما كنت افكر في الحمل توكلت ع الله،،، عقبها بشهر حملت طبيعي سبحان الله .. الله يعجلهم و ياخرهم وانا سنتين ما خليت شي ما سويته .... عسب جي خلي ايمانج بالله قوي .. وتوكلي ع الله ولا تفكرين .. والله يرزقج انشالله ...وانا الحين في الشهر التاسع ادعيلي اربي طبيعي ... وعقبالج يارب انشالله

صح لاتفكرين اشغلي نفسج نفسج لو ماشغلتييها هي تششغللج انا هالشي عن تجربة

فلانه* · 2009-03-26, 14:41

يعطيكم العافيه بنات ع المشاركه والردود الحلوه اللي تريح النفس ،،،

ربي يرزق كل محرومه إن شاء الله ويعوض صبرها خير ،،،

**ام sdt** · 2009-03-27, 02:20

اميييييييييه هي والله يمكن صدق ؟؟؟ انا من قررت احمل مره ثانيه ومب طايع يستوي استغفر الله واتوووب اليه ...... اعوذبالله من الشيطان الرجيم اللي يحووووث في المخ حسبي الله على ابلييس
خلاص قررت اني ماااااابفكر وانشالله كنت ناويه ادش نادي رياظه هالشهر لان شكلي ربربت شويه
ويت في وقتها ولا بحط في بالي باذن الله الله يكتبلنا نحمل باذن الله وكلت امري لله سبحانه وتعالى

الموضوع: (( التفكير ذابحني ))

أدوات الموضوع

عرض

(( التفكير ذابحني ))

المزيد من آخر المواضيع من نفس القسم:

المواضيع المتشابهه

التفكير ذابحني

الوسواس ذابحني

الوحام ذابحني

الوسواس ذابحني..