حميتي

**لاحول** · 2009-03-25, 16:49

ادري لااني عورة راسكم بمشاكلي...بس ماعندي حد اشتكي له

انا ساكنه فبيت عمتي بس فقسم خاص فيني المهم انطفت الكهربا عن قسمي الساعه 3 فليل ريلي محد وانا رايحه بزقر عموتي تجوف لي حد يشغل الكهرباء مريت ع قسم اخو ريلي هو قريب بيعرس فالقسم مهجور محد ساكن فيه مشيت ولا اسمع ضحك حسبت ين داخل الحجه خفت وعقب جفت من الجامه حميتي وياها ريال خفت رحت وعيت ولدي وشليت سكينه وقفت عند الباب قالي ولدي بلاج امييه واقفه وخايفه قلت له ماشي قالي هاتي السكينه مارضيت راح وياب سكينه من البيت وبطل الباب ودخل ع عمته ويلس يصارخ وانا خفت ع ولدي يستوي به شي دخلت وقلت لريال اظهر احسن لك وولدي يصارخ وهو ماسك السكينه وحميتي والريال متيبسيين المهم الريال شل ملابسه وراح يركض قربت صوب حميتي وهيي تصيح صفعتها لين ماقلت بس .....وانا الحيين مب عارفه شسوي اخبر امها ولا اخوها ...استغربت وايد معنا اهل ريلي ملتزميين .....السالفه صارت لي امس وولدي يسالني ليش عموه تسوي جي اسكت ومارد عليه ماعرف بشو اجاوب ماريد ولدي يتعلم ها الاشياء معنه صف اول........وحميتي تيني تصيح تقول لاتخبريين هلي ..............ااماانه قولولي شو الحل

واخااف تظهر حامل

المزيد من آخر المواضيع من نفس القسم:

**ام راشد..** · 2009-03-25, 16:55

والله ماعرف شو اقول لج
غير

الله يهديهااااااااااا

**دلوعة أبوظبي** · 2009-03-25, 17:00

لا حول ولا قوة الا بالله

**..ياسمين..** · 2009-03-25, 17:00

لا تسكتين يااختي لو عقب يصير شي بيقولون انج تعرفين وساكته

انتي زخي حميتج وافهمي منها السالفه عدل
وعقب على اساسه فكري كيف تتصرفين

**أم القمر** · 2009-03-25, 17:01

الله يهديها

**لاحول** · 2009-03-25, 17:02

انا لوو خبرت اهلها بيذبحونها

**أم بوخليل** · 2009-03-25, 17:03

الساكت عن الحق شيطان أخرس من رأى منكم منكرا" فليغيره وانتي بامكانتش ترمسي أمها وأبوها والله انه الله رايد انه يكشفها ويفضحها والا شو رايتش انتي انطفت عنتش انتي الكهربا من بين كل أهل البيت اذا ريال خل يطلع مريلته ويتزوجها والا بس يالس يلعب دام شذا خل ينفضح أحسن له لأن هذا زنا وحرام بالاسلام استغفر الله العلي العظيم وحسبنا الله ونعم الوكيل على كل واحد و وحده يسوون المنكر ومايخافون من الله ولا يحسبون ألف حساب لأهلهم ما أقول غير الله يعين والديها على سواد ويها

وا أسفاه على بنات هالأيام طالعين طلعه

**ام ندى ...** · 2009-03-25, 17:04

الله يستر عليها اتفاهمي معاها احسن عن المشاكل

**lona81** · 2009-03-25, 17:05

انتي كيف سكتي عن الموضوع ولله ليدخلونج في الموضوع ويقولون انتي اللي يبتيه حقها يوم انج سكتي
سيري خبري عمتج

مادري كيف سكتي ن الموضوع هذا زناااااااااااا زنا والعياذ بالله

ولو زل اللسان ولد جدام حد ولا جدام ابوه شو بيكون موقفج

سيري خبري ام ريلج قبل لاينهد البيت عليج

**ميثانو** · 2009-03-25, 17:06

استري عليها
قال رسول الله صلى الله عليه وسلم : من ستر أخاه المسلم في الدنيا ستره الله في الدنيا والآخرة ، ومن نفس عن أخيه كربة من كرب الدنيا نفس الله عنه كربة من كرب يوم القيامة ، والله في عون العبد ما كان العبد في عون أخيه
اختيه خذيها عندج ونصحيها وخليها هالفتره مثل اختج علشان ماترد للسبال لكن عاقبيها على غلطها باسلوب انه ماتلجا لعمل شي اخر
بس انتي تاكدي من فقدان عذريتها وان كان ... ليكن لك تصرف اخر وحل اخر من هم ادرى بمصلحتها .

**الــــورده** · 2009-03-25, 17:09

يالله مقواها

الله يهديها

فكري عدل قبل لا تسوين اي شي

ولو تستخيرين ربج ابرك لج

**لاحول** · 2009-03-25, 17:11

خذيت رقم الولد وبتصل فيه وبقوله تعال صلح غلطتك وزوجها بعدين انا ابدي مصلحتي عليها مابخبر اهلها بيي الولد بيخطبها وان شاء الله يوافقون

**دلع 2009** · 2009-03-25, 17:16

الله يهديها ياربي ويستر عليها وانتي لازم تمسكين البنت احين وتفهمينه وتقوليلها الي سوته غلط وتخذينها عند دكتورة تكشف عليها الله يهديها بس بس والله حرام اذا خبرتي عمتج يمكن اتروح فيها والله مابتتحمل الصدمه بس انتي هددي البنت وقوليلها والله لو بس اعرف انج رجعتيله وله بس عرفت عنج خبر والله لخبر اخوج عشان اشوفلج صرفه معاج عشان ماترجع عن هالسوالف والله ماعرف شو اقولج غير الله يهديها ويستر عليها

**ميثانو** · 2009-03-25, 17:16

المشاركة الأصلية كتبت بواسطة لاحول

خذيت رقم الولد وبتصل فيه وبقوله تعال صلح غلطتك وزوجها بعدين انا ابدي مصلحتي عليها مابخبر اهلها بيي الولد بيخطبها وان شاء الله يوافقون

يارب استر على البنت وانتي وشطارتج عند عمتج
قوليلها البنت مالها غير بيت ريلها والبنت هالزمن مالها غير العرس بنات هالزمن قوايا يعني شي من هالكلام اللي يقنعها على طول
وانشاءالله الولد مايكون لعاب

**علياء 3** · 2009-03-25, 17:18

الله المستعان

الموضوع: حميتي

أدوات الموضوع

عرض

حميتي

المزيد من آخر المواضيع من نفس القسم:

المواضيع المتشابهه

عرس حميتي

حميتي الصغيره و ......؟؟

حميتي الحساسة

حميتي تفر علي رمساااات