الكورنيش

**ثريا النجوم** · 2009-03-24, 12:45

هلا حبوباتي الكروشات ......................... اشحالكن

شلي صاير في مستشفى الكورنيش ايقولون كل شي بيزات اذا ما عندج ثقة ويدفعونج على التصوير وان الغرف الفي اي بي صارت ب 2500 واذا بغيتي حد ايبات وياج في الغرفه ادفعي عنه بحدود ال900 اذا غرفه عاديه والالف اذا خاص ما ادري والله هالجلام صج ولا لأ والله احيده مستشفى حكومي مب خاص وفي ناس وصلت فواتيرهم من 24000 الى 100000 الي عندها فكره اتخبرنا وتفيدنا .................................

المزيد من آخر المواضيع من نفس القسم:

**أم حامد22** · 2009-03-24, 12:49

أن بسأل لج وبخبرج أعرف واحد يشتغل فمستشفى الكورنيش...

**houbara_uae** · 2009-03-24, 16:52

الخبر صح..اذا ما عنج ثقه حالج حال الوافدين..تدفعين عن كل شى!!!!!!!!!!!!!!!! انا كنت موجوده وحريم مواطنات يشتكن وصلت فواتيرهن 65 الف!!!!!!!!!!!!!!

**أنا مسلمه** · 2009-03-24, 21:22

شو هالكلام لازم نشتكي هذا استغلال للمواطنين مايصير نسكت ..

لان مستشفى الكورنيش مستشفى حكوومي

لازم نكلم وزارة الصحه .. ونوقفهم عند حدهم ..

**ظبية الامارات** · 2009-03-24, 21:43

يا اختي شو نقول من يوم ما مسكوا الأجانب ادارة المستشفى والكل متلعوز

ومتبهدل المواطنات والوافدات . هذيل الأجانب تفكيرهم مادي بالدرجة الأولى

واذا ما عندج تأمين تدفعين حتى لو انتي مواطنه ( ما عندهم فرق بين المواطنة

والوافدة ) المهم البيزات . وبالنسبة للغرف ما أعرف عن الأسعار.

وكله كوم ووقفتج على الكاونتر عسب يشوفون بطاقة التأمين كوم . والله توقفين

طابور طويل عسب هالبطاقه واخذيلج عاد الريحه الخايسه ولوعة الحريم من

كل الجنسيات ،حتى وحدة أغمي عليها وحليلها وهي تتريا دورها ، بصراحة

أرف في أرف

**::زمان::** · 2009-03-24, 22:34

مستشفى الكورنيش مب حكومي! هو خاص بس الدولة كانت متعاقدة وياه تدفع عن المواطنات بس
الحين كل شي صار بثقة! حتى حبيبتي في توام وخليفة وغيرهم .. اذا ما عندج ثقة تدفعين
هالشي معروف
انا اداوم في المستشفيات

**دلوعة أبوظبي** · 2009-03-24, 22:40

سوو ثقة وفكو راسكم كم يسوون اعلانات ؟؟؟؟؟؟؟؟؟؟؟؟؟؟؟؟؟؟؟؟
ولاحد يسوي ومن حقهم يطبقون القانون الغلط على الي ما اهتم ولا سوى شو يخص المستشفى ؟
بعدين هالاسعار حتى في الخاص الحين جي
الحال واحد بين الحكومي والخاص
الي عندها ثقة ما تدفع والوافده تدفع على حسب قيمة الضمان

**ثريا النجوم** · 2009-03-24, 23:06

صراحه الواحد ما ايعرف شو ايقول الحمدلله على كل حال والله ايعينا على الياي ومشكورات خواتي على الرد وتعبتكن معاي

**mmks75** · 2009-03-25, 00:10

الله المستعان!!

**برستيـج** · 2009-03-25, 00:18

فوق كل ها مواعيدهم تعبااااااااااااااانه

**أم حامد22** · 2009-03-25, 13:12

اللي عندها ثقة ماتدفع ولا فلس بس القرار حق الوافدات واللي ماعندهم ثقة..

**ميرا 2009** · 2009-03-25, 13:31

عادي والله بندفع لكن ياررررررررررررريت في نظام ونظافه ومعامله حلوه واهتمام في المريضه ليش يوم انسير لندن المعامله الحلوه انحصلها والاهتمام مع ان الاجانب هم نفسهم اهني وهناك لكن عتبى على الاداره اللي مب شاده عليهم ولا على الدكتاره واسلوبهم الزفت

**missuae3003** · 2009-03-25, 13:50

زين وليش ماتظهرن لكن بطايق ثقه .. والا هذا من المعايز والكسل !!!

تراها ببلاش ويوم واحد وتخلصين اجراءات البطاقه وكم يوم وهي عندج فالبيت ..

اصلا احينه كل المستشفيات الحكوميه ماتقبل تعالجج الا بثقه .. خلاص البطايق الصحيه الاوليه

كنسلووهن ...

تنشطن وسيرن ظهرن لكن بطايق ثقه عسب ماتتحرطمن

**قلبي من ألماس** · 2009-03-25, 21:56

والله الغاليه الحين لازم يكون عندج ثقة عشااان تاخذين كل شي ببلاش ..

الا الغرف الخاصه ما يشملها الضمان .. اليوم سرت عشان احجز وحدة .. وقالت لي الليلة ب1350 ..

بس سؤاااال .. اذا مواطنة ليش ما عندج ثقة .. طلعيها وفكي عمرج .. ترا الحين التعامل كله بثقة .. سواء خاص والا حكومة ..

بس انا اللي قاهرني في مستشفى الكورنيش هو كثرة الاوراق .. كل خطوة بتخطينها .. قاموا وطبعوا اوراق وتواقيع وخرابيط .. يعني مستوية الاجراءات بطيئة ومعقدة .. ومستحيل تخلصين فاقل من ساعتين.. حتى لو ماشي زحمة ..

**حواري 09** · 2009-03-31, 22:11

ليش تعورين راسج بالكورنيش من زين خدمتهم .. حبيبتي دام انج بتدفعين سيري مستشفي خاص ولا هاللعوزه ...

الموضوع: الكورنيش

أدوات الموضوع

عرض