الحسوووا ؟؟؟؟؟؟؟؟؟

**بدوووورة** · 2009-03-23, 13:48

مرحبااا
بغيت اسألكن حد يعرف شو الحسوووو ؟؟؟؟ اللي اعرفه شراب مثل الحريروة بس من شو يتكون ؟؟؟

اللي تعرف يالليت تعطينى طريقه ..الي اعرفه انها اتساعد على الولادة ..

انتظر ردودكن الطيبه

المزيد من آخر المواضيع من نفس القسم:

**miss amal** · 2009-03-23, 13:52

والله ياختيه ماعندي علم
انا من العنوان تحسبتج تبينا نلحس شي هههههههههههههههههههههه والله ماعرف الغاليه
نشوف باقي البنات يمكن يعرفون

**أم كاكي** · 2009-03-23, 13:54

اول مره اسمع عنه

كلي تمر بيساعدج على الولاده

**ابتسامة مشرقة** · 2009-03-23, 13:55

هي الحبة الحمره - البحرينين والكويتيين يسمونها( الحسو) وهي وايد مفيده للنفساء ولتنظيف البطن ويقدر اي حد يشربها وطعمها وايد حلو على حسب طريقة الي يسويها.

**وردة ليوا** · 2009-03-23, 13:56

هلا أختية ..

المقادير:
لتر ماء ، 4 فناجين طحين عادي يعني رقم (2) ، 4 حبات بصل ، ملعقة فلفل أسود ، ملعقة ملح، شوي كركم ، ملعقتين سمن.
الطريقة :
تسخين الماء وإضافة البصل المقطع والبهارات بعدها والملعقتين السمن وبعد خلط المقادير يضاف ببطء الطحين وبنفس الوقت تقومن بتحريك الجدر دائري بالمضرب ...

حتى يصل لدرجة مثل الشوربا ..

للعلم : لكل أحد طريقة في الإبهارات ، بس هذي أنا طريقتي

والله يسهل على الحامل إن شاء الله
والسموحة

**بدوووورة** · 2009-03-23, 13:57

ام امل
والله انج فطستيني من الضحك .. كيف لحس بعد !!!!!!!
المهم مشكووورة على الرفع الحلووو وتسلميين حبيبتي

**بدوووورة** · 2009-03-23, 13:59

ام كاكي ... ابتسامه مشرقه
مشكووورين على الرفع

**بدوووورة** · 2009-03-23, 14:00

ورده ليوا
شكرااا عزيزتي على الوصفه وانشااالله بسويها اليوم وبجربها

**miss amal** · 2009-03-23, 14:00

شدراني ياختيه غشيمه ههههههههههه اول حمل ومبتلشه بعمري مب عارفه كوعي من بوعي كل شي يعورني اقول لا اكيد فيني عوق هههههههه واميه تقولي عفان الله مب مال حمل انتو عنبو ماتبون شي يعوركم موليه ههههههه وهالمره تقوليلي الحسو ماعرفنا ياختيه شو ناكل وشو ماناكل يالله بالستر

**بنوته كفالي** · 2009-03-23, 14:03

^^

يزاكم الله خير بنات

**بدوووورة** · 2009-03-23, 14:03

مس امل
الله يقومج بالسلامه ويسهل عليج ولادج وانشاااالله تفرحين بضناج قريب انشااالله

**زهرة السوسن** · 2009-03-23, 14:03

حتى انا فكرت شي يلحس قلت بشوف طبخه يديده هههههههههه

انا ما اعرف بس اسمع عنه والبركه في البنات

**فلانة** · 2009-03-24, 01:21

اللي اعرفه انه الحسو هو الحريروه
لانه يارتنا عيمية وتسمي الحريروه حسو

**غيثاويه** · 2009-03-24, 02:52

خوووووووووووووزن انا ييت
المقادير فنيال حبه حمرا تلقينها في الاسواق يسمونها الرشاد في السعوديه اظن
فنيال حبه حمرا تنقينها من الشوائب وتغسلينها زين بواسطه المصفاه تحطينها في لترين ماي او اقل تخلينها تغلي او تنقعينها لين تنفش
تفرمين بصل وتحمسينه في سمن ثم يضاف ملعقتين طحين ويضاف حبه الحمراالمغليه مع الماء ونزيد ما اذا احتاج وكركم ملعقه صغيره وقرفه ملعقه صغيره وبزار اسود نص ملعقه وذره ملح وفنيال سكر ولوميه سودا اذا تحبين وجوز الهند المبشور اذا تحبين ومكسرات احلا شي المكسرات المحمصه مم اذا تحبين تضيفين شويه حلبه اثناء غلي الحبه الحمرا اوكي ادعولي الله ييسر ولادتي لاتنسين تخلينهم يغلون شويه مع بعضه المواد

**سكون الروح** · 2009-03-24, 08:20

الحسو الله يسلمج ويقومح ويقومنا بالسلامة

تحمسين بصلة 1 ، لين شوي تحمر ، وبعدين حطي ماي تقريبا نص غرشة ماي من لكبار ، لين يفور

حطي شكر حسب الرغبة وتقريبا جرفة ،هيل ، ملعقة ونص حسب الي تبينة .. ومن قبل مغسلة فنيال

حبة الحمرة ومنقعتنة وشخليه وحطي حبة الحمرة على الماي وخليه يطبخ وشوفيه اذا تبين ازيدين

ماي، وبعدين حطي عليه ملعقة 1 طحين مذوبة نص كوب ماي عشان مايقعد وصبيه فوق الحسو

وانتي تخلطينة ويوم بيثقل شوي سكري عنه ، واذا تبين فيه بيضة ، اخلطي بيضة مع فلفل اسود وصبي

فوقه وخلطيه عدل وكم فورة وسكري عنه بسسسسس

الموضوع: الحسوووا ؟؟؟؟؟؟؟؟؟

أدوات الموضوع

عرض

العرض المتطور

الحسوووا ؟؟؟؟؟؟؟؟؟

المزيد من آخر المواضيع من نفس القسم: