شو هالبنت؟؟

[سارا الحلوة]

ماعليج منها فديتج ... وانا بعد كنت اداوم في مكان يابولنا وحدة اعوذ بالله منها ... كنت وايد اوكي وياها ... ناكل وانروح الكانتين ويا بعض بس بعدين اكتشفت فيها اشياء غريبه ..
اتراويني شنطتها اونة هاي بالقيمة الفلانيه ..... وهاي من المكان الافلاني ... وانابديت ها يعني ابتعد شوي اشوي عنها ... قبل كنت انا الي اروح عندها ... بس عقب يوم اكتشفت انها حركات خليتها وابتعدت عنها ...فقامت هي الي اتيي وخلاص بينا سلام وبس .. ويوم اتقولي تعالي اقولها شغلي زاد علي وابروحي حامل وماروم .... في خاطري دوم اقول ابعد عن الشر وغنيله ... الدوامات الحينة مختلطة فعيب ريال يسمع صوتي بسبة وحدة ميته ع المظاهر والجذب والنفاق ....

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[...(مريّة)...]

طنشيها أختي ولا تحتكين بها ولا
يكون في قلبج أي شي عليها ،
هي عايشة في زيف وجذب ؟ خلاص
على راحتها هذا شي راجع لها ،
ليش تضايقين نفسج ؟ وايدين
مثلها في الدنيا

[صفا الحب]

هذيلا هب شايفات خير وعيال فقر،، ماحب هالنوع من البنات كله أونه ماركات وكله خريط،، أصلا إلي تشتري ماركات ماتتكلم لأنه متعوده على الماركات،، أما إلي هب شايفه خير تبا تتفاخر وأخر شي تقليد مال قوم بو عبود،،

[الملاك الحالم]

الأحسن في مكان الدوام تكون علاقتج مع الموظفات جدا ً سطحية لا تحاولين تتعمق للزيارات والكوفي شوب وغيره ، لأن من يصير شي أنتي بتتأذين ، عندي في الدوام ربيعتي صحيح إنها خلوقة وحبوبة بس كل وحدة في مكتبها ما نشوف بعض إلا وقت الصلاة والطلعة من الدوام ، وبرع الدوام ما شي لا اتصالات ولا غيره والحمدلله علاقتي زينة في الدوام لأن العلاقة من بعيد لبعيد أحسن


الله يوفقج حبوبة

[Hno0odah]

الله يهديها
وانت خلاص طبيها عنج

[عود منثور]

يوم حد بيسألج ليش ما ترمسينها قوليلهم الله يستر عالجميع وبس
جذه بيفهمون انج شفتى عليها شي ما ريحج وهي خليها ترمس وترمس ومحد بيسويلها سالفه خصوصا انج قبلها فهالمكان

[طيف ابتسامه]

نفسسسسسسسسسسسس حالتي والله بس ع الاقل اللي في ويهي مايت وسوت لي مشاااااااكل عسب اعرفها قدرها لو فجت حلجها بكلمه

ماماتي.. في كل مكان تلقين نفس هالاشكال الله لا يبلانا

تيك ات ايزي

طنننننننننشي ولا مابتعيشين مرتاحه

[هواجس الزيودي]

الله يهديهن والله الغرور والكبر صفه شينه تخلي الناس تبتعد من حولهم

[##المجحله##]

مرحبا اختي
تعرفين الغالية بنات العز او يلي شايفات العز او حتى يلي ما همهن المادة ولاا الشكليات ما يروحن ويخقن ويقولن نحنا عندنا وانا اشتريت بلمبلغ الفلاني لانه يستحن يطرن البيزات جدام البني بس سبحان الله يلي مش شايف خير تلاقينهن جذية يرمسن ويسون
انا انصدمت من وايد بنات وكانن اقرب الناس لي خونن فيني وكانن يكذبن علي ووحدة كنت وايد اعزها واحبها طلعت بلاخير كذابة وكانت تستغلني وتستغل طيبتي لها ذكرتيني فيها الله يذكرها بلخير ويهديها ويسامحها
فعادي طنشي تنتعشي على قولتهم الانسان لازم يشوف تجاربة مع الناس فهدنيا ولاا تستغربين من اي شي اهم شي تكونين مثل ما انتي واثقة من نفسج وما عليج من احد
وسمحي لي بس موضوعج جذبني وفتح لي جروح وذكريات هههههه
ربي يوفقج يا رب

[asma55]

الحقران يقطع المصران

[SRAAB1]

الناس اجناس واصناف

وياما راح يمر عليج من هالاشكال واكثر

[المشرقه]

الله يعينج ختيه

بس لاتحتكين معاها وايد

ولاتحطين بالج معاها

[ام وعووودي]

والله الي عايش بخير ونعمه من هو صغير مابي يتباهخا الحينه يوم بيكبرهاي شكلها مريضه رحم الله امرءًعرف قدر نفسه
انتي ماعليج منها وزين انج اكتشفتيها الحينه برايها تراها اذا تجذب تجذب على عمرها مب عليج

[qe9aied]

والله انكن بردتوا فؤادي
لاني قلت حق ربيعاتي هاي السالفة هم بروحهن استغربن و عطوني بعد من هذا الكلام
بس قلت بحط الموضوع هنيه عسب أشوف انه مب بس انا اللي أفكر جذيه
و الله و يا ريت تخق بس ع سالفة السفرات و الماركات .. تخق بسوالف ثانية ما ابي اذكرها
مشكووووووووووووورات يا بنيات وايد .. والله ارتحت .. عبالي انا فيني شئ
و الله مرات احس عمري غبية اني اخذ الناس على طيبتي .. فما انتبه لهاي السوالف إلا يوم آخذ لي إجازة او كورس .. فأتذكر كل شئ و اكتشف الاشياء اللي كنت غافله عنها

[مزاجية وبس]

ماا اعرف ليش الخقة ,,, يعني الخقة بترفعهااا والله ماااا شي احلى عن التوااضع ,, الله يهديهاااا وخلج علاااقتج سطحيه ,,,