شو هالبنت؟؟

[qe9aied]

السلام عليكم
أول مرة أكتب هنيه.. بس من القهر اللي فيني لازم اطلعه
عندي وحدة في الدوام .. يديدة .. ياية من كم شهر .. أول شئ كنت أحسن من الأوكي معاها
و مع السوالف و الوقت .. أشوفها قايمة تخق علي و يا ريت على شئ يرزى أو شئ صدق
مسويه عمرها حرم ولد أصل ..محد معرس غيرها.. و البيزات من شرق و غرب .. و كل شوي سفرات .. أنا "أعوذ بالله من كلمة أنا" عادي عندي الحمدلله انا شايفة الدنيا و عندنا خير .. فأعرف الجذب من الصدق و لاني غبيه.. أعرف منو قاعد يتمصخر عليه .. و مع الأيام بديت صراحة أمل من هالشريط خاصة يوم كانت تقول انها ما تشتري إلا ماركات أصلية بس شفتها ياية بشنطة تقليد يبين من بعيد .. يوم سألتها قالت انها من فرنسا ب كذا 000... يعني الحمدلله يوم انا ما اقدر اشتري بكم ألف ما أروح و أشتري تقليد و أقص على الناس .. حتى لو اشتريت تقليد بقول انه تقليد عادي .. واثقة بنفسي و ما احتاج أقص على نفسي أو على غيري
عاد بديت صدج أمل من الخاطر .. فقلت بسأل عنها شويه .. خاصة اني مب من نفس الإماراة فعبالها ما بقدر أعرف .. فإكشفت انه كل اللي قالت لي إياه كله خرط .. انا ما بقول شو بالضبط .. لاني ما احب الفضايح جدام الناس .. فأنا ما خذت بخاطري .. بس فقدت إحترامي لها بالكامل .. و انا اللي ما احترمه ما اتحمل حتى إني أجابله
فقمت ما اسولف وياها .. بس سلام .. المهم .. يوم بديت اقلل زياراتي لها "ع فكرة انا كنت ازورها هي أبدا ما تزورني و لا تسلم على إلا إذا انا بديت السلام"
فخلاص إبتعدت عنها و عن ربيعتها اللي بدت تتقرب منها و بعد طلعوا من نفس الطينة و انا عندي خبره سابقة مع هاي البنات .. دوم وراهم مشاكل.. حتى يوم تشوفني ما قامت تسلم عليه .. بس إذا كان حد موجود بتسوي عمرها انها ربيعتي و تضحك و تسولف معاي "عفانا الله"
فخلاص .. إبتعدت بالكامل .. يوم أبتعدت .. مسويه يوله .. ليش فلانه ما تسلم علي "و ليش منو إنتي يعني؟؟" المهم .. قبل لا تأجز بغت تسوي مشكلة معايه ... ياتني للمكتب .. و انا مكتبي مفتوح ع كل حد ... و قالت لي ليش يا فلانة زعلانه .. قلت لها انا مب زعلانه .. بس هي مصرة إني زعلانه .. فقلت لها ليش تقولين جذيه .. قالت لانج ما تيين عندي .. قلت لها الحين الشغل زايد علي و مب فاضيه نفس قبل .. شان تقول لا انتي بعد قبل مشغوله بس كنتي تيين "و انا بخاطري أقول وش دراج؟؟ كان عندي بروجكتين جداد قاعدة أشتغل عليهم".. قلت لها الله كريم شو أسوي بعد .. شان تقول فلانه تقول لي انتي زعلانه لاني ما اسلم عليج ... "و انا بخاطري يا ريت لو بس هذا يا الجذابه " قلت لها انتي بديتي .. و قامت تدافع عن نفسها بجذبه أكبر من الثانية .. المهم بدون ما اقول كل التفاصيل الممله .. هي كانت يايه عندي بالمكتب عسب انها تحطني في موقف محرج مع الناس اللي وياي بالدوام .. و هي ما توقعت اني برد عليها و اسكتها .. المهم .. قالت يالله نروح مكان ثاني .. شان اقول لها ليش؟؟ لان الحين سوالفج بدت تطلع ما تبين حد يسمع .. قلت لها انا ما اهتم لان ما عندي شئ خاشتنه من الناس .. و الناس اللي ما تهمني برايهم .. المهم بدت تعق علي رمسه عشان تحاول تسوي لي مشاكل بالدوام .. و انا تامه ارد عليها برد اقوى عنها .. و هي تصارخ و انا هادية و ماخذه الموضوع عادي
"و مع كل هذا ما قلت أي شئ عن الأشيا"ء اللي إكتشفتها و لا قلت لها ليش انا تغيرت عليها لان هذا الشئ بينها و بين نفسها و انا ما يخصني

يعني لو هي كانت تبغي تعرف ليش انا ممكن أكون زعلانه "مع اني ما كنت زعلانة بس اني ما قمت احترمها" شان قالت لي فلانه إذا انتي فاضيه ممكن نتكلم في موضوع في مكان معزول؟؟
لا بس هي ياية و انا قاعدة اشتغل جدام خلق الله و قاعدة تبي تبدأ مشاكل .. الصراحة عبالي ما كانت بتطيح من عيني أكثر .. بس يوم سوت هاي الحركة اللي ما لها داعي صراحة الحينه في صدج في الواطي بعيني

أبي أفهم ليش في بنات جذيه .. يعني ينافقون على الفاضي .. و ليش يحبون يسوون مشاكل من ولا شئ...

أنا إنسانه سلميه يوم أشوف شئ غلط أو شئ ما ارتاح له .. ابتعد و خلاص .. بس عاد هي يات و هاجمتني فإضطريت أدافع عن نفسي.. الله يسامحها بس.. انا الهموم اللي عندي أكبر منها .. و أخر شئ ممكن أبيه في حياتي هم ثاني..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام لساان]

اممم اختي ماعليج منها ولااتضيقين خاطرج
مثل ماقلتي هالبنات ما عندهم شغل ويبن يسوون عمارهم شي بس ماايعرفون كييف
يتحروون الناس اغبيا وتفكيرهم سطحي شراتهم
انا لو كنت مكانج ماكنت سكت عنها يوم رمستني بهالاسلوب .. سويلها طاااااااااااااااااف
والله انج طيبوبه لو وحدة ثانيه فضحتها وطلعت كل شي تعرفه عشان اتسكتها بس انتي طلعتي احسن عنها ...

[بدروه]

اذا عن هالفئه من البنات فهم موجودين بالهبل

يعني اللي اعرفه ان الجذب له حدوووووود بس فيه بنات الله يهديهن

المجال مفتوووووح عندهم واللي بيسمع رمستهن بيقول صدق لو انه عارف انها جذابه

عافانا الله ..

اعرف بنات عندنا فالجامعه نفس هالموال بس أضطر اني

ألبسها ما احب احس اني عبيطه يوم هي تقص علي وانا

كاشفتها اولردي ما فيني عالمشاكل

لا وازيدج بعد مثلا كنا يالسين فمكان وانا اتخرطفت مثلا يايه اطيح

هي شو بتروح بتقول حق البنات ..!! تتعرفين شوو

بتقول فلانه بغت اتطيح بس من الله الدكتورر الفلاني زخها

من ايدها ولا كانت خلاااص واصله الارض وقالها جذه جذه

وهي ضحكت وقالت جذه جذه

ترااا هالموقف صار صدق جدام ربيعتي قالتلي عنه

ما خلت وحده من البنات الا قالت لهم جدام البينه اللي اتخرطفت وهي حليلها

منصدمه من الجذب وفاجه عينهاااا بس ما عرفت شتقول كانت اتحسب انها تتمصخر

لكن مع الايام عرفنا ان ها طبع فيها ما اتييوز عنه

وياما ياما اتفشلت واتقفطت بس ماشي فايده اترد لطبعها

اللهم عافينا ..هذولا ناس يبالهم علاج لانه احس اكيد فيه

ظروف خلتهم يوصلون لهالمرحله

الله يهدييييييييييييييييهم

[منورة]

طنش تعش كي تنتعش

[ام وزوز]

الله يهديهن والله الغرور والكبر صفه شينه تخلي الناس تبتعد من حولهم

[الوفيه]

الحقران يقطع المصران

[bint-ad]

طنشيها اختي و خلي علاقتج معاها سطيحة و الله يهديها

[نااعمه]

هاي فيها مرض نفسي الله يشفيها

[جنيبية بهواها]

الله المستعان

[qe9aied]

ام لساان

مشكورة الغالية ... انا ما أحب أفضح الناس و أرمس عنهم عشان انا مب من هذا النوع .. و ما احب اللي يحبون يفضحون الناس .. أنا بتم ساكته و بشوف شو بيستوي يوم بترد الدوام


بدروه

تراج صادجة .. بالهبل .. بس عافان الله ما يخافون الله بكل هذا الجذب؟؟ و عن البنات في الجامعة .. هيه أذكر بعد كانوا في بنات جذيه ... الإشاعات و الرمسة الخايسة عن الناس دوم على لسانهن ... ما يفكرون انه بيرد فيهم ... و وين بيروحون عن عقاب رب العالمين


منورة

هذا اللي بسويه




ام وزوز

قلتيها حبيبتي .. الله يجازيج بالخير




الوفيه

و يحرقهم




bint-ad

هذا اللي أنا ناوية عليه




نااعمه

والله ما أعرف .. بس إذا فيها فالله يشفيها




جنيبية بهواها

و النعم بالله

[بسمه دلوعه]

مممم حبوبة هاي نوع من العقد والأمراض النفسيه حلو انج بعدتي عنها وحلو وبعد انج ماتناقشتي وياها فوضعها . لانه للأسف هذا طبعها وصعب يتغير .ممم عرفت بنات من هالنوعيه وبعدت عنهم بالتدريج عسب مايحسون ويعورولي راسي ليش بعدتي وليش زعلتي وليش .....؟؟؟ والحمد لله شي بنات شخصياتهم سويه وروعه وصداقتهم حلوه ( الدنيا فيها الزين والشين )

[سـآرهـ]

والله يالغاليه وايد انحطييت في مثل هالمواقف مع بنات

ماقوول غير حمدلله والشكرررر

لاتقهريين عمرج عشاانها

طـآف .. الله يعطييج ع قد نيتج

^.^

[بنوتة اماراتي]

الله يهديها

ما عليج منها طنشيها
و لا تحطين فخاطرج
و اللي يعرفج يعرفج و اللي يبا يصدق رمستها برايه
شعليج من الناس
انتي ادرى بنفسج و حركتها هذي ما تعني شي الا انها تبا الناس يشوفونها و غيره

[أبنةأمنة]

مثل هالنوعية مليان اماكن العمل والجلسات النسائية منهم .............

المهم خلي علاقتج رسمية وسطحية معاها وريحي راسج.

[لبيه يمنادي]

الله يرحم أول .. أتقولين مخلف عليهن الماركات
فضل عنهن جان الماركه بتسويلي كبرت بخت
هاي عندها عقده عافانا الله .. أبرك شي سويتيه لهلاشكال أنج أبتعدتي عنها
ياختيه شو ياهن تم عنهن مره عفناها هالمركات والسفر من بعد هالأشكال .
صدق نقص !