حوامل لو سمحتن سؤال...

**ألوان الطيف** · 2009-03-20, 17:16

شحالكم...

حوامل عندي كم سؤال...

_عادي تفتح النفس من بدايه الثامن الصراحه خايفه فاتحه عندي سنتي وخايفه ما أكمل الثامن ؟

_ أسمع بعض الحريم أنهم يدهنون صدرهم بزيت زيتون قبل الولاده عشان ما تصير تقرحات أثناء الرضاعه فشو رايكن حد يرب ؟؟

أنتظر ردودكن الغاليات وسمحولي على أسألتي ؟؟

المزيد من آخر المواضيع من نفس القسم:

**عمري_وغلاي** · 2009-03-20, 17:20

بالنسبه للسؤال الأولي ماعرف .. !!

اما بالنسبة للزيت زيتون وايد زين

حتى حق البطن وقت الحمل

**@دلوعة حبيبي@** · 2009-03-20, 17:23

السلام عليكم ورحمة الله وبركاته

الغالية السوال الاول ما اعرف

اما الثاني فتدهنيه عسب الياهل لما يرضع

يعني يقدر يمسك الحلمة , طبعا اذا كانت صغيرة وااااايد

انتي اللي بتتعورين

ومثل ما قالت اختي للبطن زين , عسب التشققات .

**ألوان الطيف** · 2009-03-20, 17:27

مشكورات الغاليات على ردودكن الحلوه ...جزاكن الله خير
وين الباقيات...

**ألوان الطيف** · 2009-03-20, 23:09

فوووووووق

**أم شمسان** · 2009-03-20, 23:28

انا كانت النفس تفتح عندي من بداية الخامس وضل يفتح يلين دخلت الخامس وصل خمسه سانتي وطبعا ربيت وربي ماكتبلي الياهل

انتي اهتمي بنفسج لانه من تفتح النفس عادي تدخل الجراثيم شراتي ربس يقومج بالسلامه ماخوفج لا حشا يمكن انتي غير لانج من الثامن وانا من الخامس

ربي يحفظج

**ملتزمة44** · 2009-03-20, 23:37

جاوبي علي موضوعي انا حرام عليكم والله

**طيف عابر** · 2009-03-21, 00:21

الله يساعدج اختي وماتشوفون شر ان شا ءالله

بس نصيحه روحي للمستشفى اترقدي دامها النفس فاتحه عندج شوي جيه مب زين .... لانج ماتدرين شو يصير لا سمح الله

وطمنينا عليج والله كريم

**شيما333** · 2009-03-21, 00:42

الغاليه لازم اتريحين الحين لأن بسم الله عليج وعلي البيبي عادي تدخل الجراتيم وتوصل للبيبي

أنتي كله انسدحي ولاتتحركين وايد ونشاالله اتكملين الثامن

وبنسبه للزيت هيه واااايد زين سوي تدليك للحلمه عسب ماتستويلج التشققات وربي ايسهل عليج

**ألوان الطيف** · 2009-03-21, 00:53

هلا الغاليات ...مشكووووووووووورات على الردود

بالنسبه عشان المستشفى تقول الدكتوره عادي أربي في الثامن بس لازم أخذ أسبوعين منه وقالتلي ما يحتاي ترقيد بس لازم أسبوعن راحه ....وأنشالله أني أكمل الثامن وجوف البيبي بخير

بس حبيت أعرف حد صارله نفسي وكمل الثامن

**fashions** · 2009-03-21, 11:50

بالنسبه للسؤال الأول يمكن لانج تمشين كثييييييييير والمشي يفتح الرحم ارتاحي الفتره هذي وعلى بداية التاسع كثري مشي علشان تتسهل الولاده بأذن الله وينزل راس البيبي لتحت.. !!

اما بالنسبة للزيت زيتون وايد زين حتى حق البطن وقت الحمل رووووووووعه..
دعواتك

**ألوان الطيف** · 2009-03-22, 00:28

مشكوووووووووووره الغاليه على ردج ...بس تصدجين أنا ما أمشي...وسبحان الله

**ahaat_2015** · 2009-03-22, 00:38

السلام عليكي اختي

انا في شهري الثامن النفس فاتحه عندي سانتي وقالولي بتربي مبكر وهم مايبوني اربي مبكر لانه البيبي صغير وقالتلي ما اتحرك ومره حسيت بأني بربي ورحت المستشفى لانه ياني اسهال ومارمت اتحمل ويوم رحت عطوني ابر تثبيت الحمل والحمد لله عدى شهري الثامن وانا الحين في التاسع واتري متي اربي والحمد لله بس احسن لج لا تتحركي واااايد ويوم تيلسي حطي تحت ريولج مخده علشان ترفعينها بترتاحي ولا تشلين شي ثقيل لانه يأثر والله يسهلج ولادتج ان شاء الله ويسهلي ولادتي دعواتك لي

اما بنسبة لزيت الزيتون صح مفيد ادهني بطنج كامل وبعد ادهني الحلمة عشان تطلع برى اذا هذا حملج الاول عشان ما يتلعوز البيبي وهو يرضع لانه بعض الاطفال مايقدرون يمسكون الحلمة في اول يوم من ولادتهم ... وسمحيلي

**أحلى أم** · 2009-03-22, 01:04

ان شاء الله تكملين الثامن وتربين في التاسع والبيبي يكون بخير وعافيه

**ألوان الطيف** · 2009-03-22, 13:31

المشاركة الأصلية كتبت بواسطة ahaat_2015

السلام عليكي اختي

انا في شهري الثامن النفس فاتحه عندي سانتي وقالولي بتربي مبكر وهم مايبوني اربي مبكر لانه البيبي صغير وقالتلي ما اتحرك ومره حسيت بأني بربي ورحت المستشفى لانه ياني اسهال ومارمت اتحمل ويوم رحت عطوني ابر تثبيت الحمل والحمد لله عدى شهري الثامن وانا الحين في التاسع واتري متي اربي والحمد لله بس احسن لج لا تتحركي واااايد ويوم تيلسي حطي تحت ريولج مخده علشان ترفعينها بترتاحي ولا تشلين شي ثقيل لانه يأثر والله يسهلج ولادتج ان شاء الله ويسهلي ولادتي دعواتك لي

اما بنسبة لزيت الزيتون صح مفيد ادهني بطنج كامل وبعد ادهني الحلمة عشان تطلع برى اذا هذا حملج الاول عشان ما يتلعوز البيبي وهو يرضع لانه بعض الاطفال مايقدرون يمسكون الحلمة في اول يوم من ولادتهم ... وسمحيلي

طمنتيني الله يطمنج ...يعني أنشالله أني أكمل الثامن نفسج ...يالله الله يسهل ولادتج أنشالله وتجوفين البيبي بخير وسلامه ....

الموضوع: حوامل لو سمحتن سؤال...

أدوات الموضوع

عرض

حوامل لو سمحتن سؤال...

المزيد من آخر المواضيع من نفس القسم:

المواضيع المتشابهه

مشدات حوامل,ازياء حوامل,احذية حوامل موضة 2010

حوامل وحريمااااات العين .. ممكن لو سمحتن !

فستان حوامل لو سمحتن