:: عطيــــت أمي وأبوي من مهـــري ومابقى شي عندي شو الحل؟!! ::

**قلبي بوظبي** · 2009-03-20, 13:31

السلام عليكم

مرحباااااا ملايييييييييين

أشحالكن شخباركن كلن بحاله؟؟

أكيـــــــد تبون تعرفون شو الموضوـــــــــــــــــــــــــــــــــــوع!!

أتمنى محد يزعل وف النهايـــــه كلن بوجهه نظـــــــــــره!!

بنــــات كلنا نحب اهلنا وودنا نييبلهم كل اللي يتمنونه لانهم ربونا وماقصروا فينا أبدا من كل النواحي والحمدالله

وأكيـــــــد كل وحده فخاطرها تقول يوم بعرس ولا أذا الله رزقني بشغل بعطـــي أمي وأبوي ومابقصر فيهم

بس أنا ملاحظه شي !!!!!!!!!!!!!!

((( أنــــــــــــــا عطيت أمي نص المهر وأبوي المبلغ الفلاني )))

((( أبوي خذ مني المبلــــــــغ الفلاني وأمي خذت مني المبلغ الفلاني !!)))

(((مابقـــــــي معاي غير هالمبلغ لأني عطيت وعطيـــت شو أسوي شو الحل؟!)))

بنـــــــــــــــــات برد وبقووولكن هذي وجهه نظري وهذا رايي

سؤال يراودني دووووم ليـــــــش البنيه تقول حليلهم ي تعبوا وربوني لازم أعطيهم شي

شو أنتي تعطيهم ثـمــــــــــن تربيتج لهم هذا واجب وحق عليهم من الوقت اللي قرروا أنهم اييبــونج على ويهه هالدنيا لازم يصرفون عليج ويربونج التربيه الي ترضى الله ورسوله ,,,

أنا ماحب الأهل اللي يستقلون بنتهم ويلهفووون نص مهرها ومايعطونها غير القليل !!

((كأنهم يبيعونهاااا ))(سيـــــــاره ))) آسفـــــــه على هالتعبير><

أنا أحيــــــــد وهذا المفروض انه الأهل يزيدون بنتهم مب ياخذون فيه أهل مايقدرون ماقلنا شي !!

بنــــــــات

الريال ميمع هالمهـــــــــــر كاد عليـــــــه عشان يبا يشوف عروسه وزوجه المستقبل وأم عياله

بأحــــــــــــــلى مظهر يبا يشوف كشختها وذوقها يبا يشوفها بأحلى لوك دوم يعني يبا يشوف شو سوت بالمهر ترا الريال يلاحظ ويفهم

مب الوحده تروح لريلها بكم خلق وب شنطه,,,,الخ وتقول عادي عنده بشتري ليش أخسر !!

وأنا ماقــــول خمـــــي السوق لا أشتري بعقل ترى السوق مابيطير!!

بنــــــــــــــــــات أنا ماقول لاتعطون هلـــكم لا عطي أمج ولاتقصرين فيها بس بعد أنتي رايحه بيت ناس
يبون يشوفون كشختج يبون يفرحون فيج يبون يقولون هذي حرمه ولدنا !! مب يستحون!!

تدرون ليش انا كاتبه هالموضوووع؟؟!!

أعرف وحده أهلهاااا خذوا عنها المهر كله وماعطوها الا مبلغ بسيط جداااا

يت بيت ريلها بشنطه والريال حليله راح يزهبها من أول ويـــــــديد مب حرام ؟؟

ووحده ثانيــــــــه عطت أمها نص المهر وأبوها وراحت بشنطه وريلها زهبها من أول ويديد؟؟

أنزيـــــــــــن شوذنب الريال يدفع مهـــــــــــرين مب مهــــــــر؟؟

أبا تعليــــقكم على الموضوع بدون كلام ماله معني

والسموووحه

^^

المزيد من آخر المواضيع من نفس القسم:

**معصبة** · 2009-03-20, 13:45

مافهمت الموضوع وايد
كل وحدة لو بتعرس وبتعطي اهلها جزء من مهرها واقصد الام والاب
تعطيهم بقناعه منها مب جبر ولا اكراه واللي مابنيتها تعطيهم لاتعطيهم من البدايه

شو أنتي تعطيهم ثـمــــــــــن تربيتج لهم هذا واجب وحق عليهم من الوقت اللي قرروا أنهم اييبــونج على ويهه هالدنيا لازم يصرفون عليج ويربونج التربيه الي ترضى الله ورسوله ,,,

مهما كان هذيلا اهلنا اللي ربونا ولهم فضل كبير علينا
مب حلو نقول هالجمله بحقهم
((انت ومالك لابيك))
يعني يوم يت بتعرس تنسى اهلها واللي سووه لها بس لانها حصلت ريل يصرف عليها؟!!

بس بعلق على المهر من جانب سلبي وهو لو خذ الاب والام مهر البنت كامل بدون وجه حق
المهر ينعطى للبنت لانه لها
وهي من طيب اصلها تجهز عمرها وتخلي جزء منه لاهلها
يعني اهلها مايحرمونها من مهرها
وبنفس الوقت هي ماتحارب اهلها وتنكر فضلهم عليها لو انعطى المهر لها
والافضل تحتفظ بمهرها لنفسها لوهي حاطه في اعتبارها ان المهر لها
لان تعطيهم بطيب خاطر احسن من انها تعطيهم بمنه

**نور حياتي** · 2009-03-20, 13:48

لو الوحدة تبغي تعطي اهلها شوي عليهم 20 الف و مليون حتى

يعني البنت مب سيارة ولا مزاد ؟

بصراحة انا ضد ها الشي ان اهلي ياخذون مني .. اصلا نحن ما عندنا هاي العادة ان الام ولا الاب ياخذون من البنت ..

بالعكس مثلا ممكن اعطيها شي و لا اشريلها طقم حلوو بس اعطيهم فلوس ؟ مستحيل .؟ هذي قيمتهم ولا قيمتي عندهم بها المبلغ ؟

انا اعرف وحدة ابوها خذ منها 20 الف والله ما كفاها ... اخر شي خذت من ريلها .. حرام بصراحة الريال شكثر بيدفع ...

واصلا لو عطيت امي ولا ابوي مستحيل ياخذون مني .....

**قلبي بوظبي** · 2009-03-20, 13:54

المشاركة الأصلية كتبت بواسطة معصبة

مافهمت الموضوع وايد
كل وحدة لو بتعرس وبتعطي اهلها جزء من مهرها واقصد الام والاب
تعطيهم بقناعه منها مب جبر ولا اكراه واللي مابنيتها تعطيهم لاتعطيهم من البدايه

مهما كان هذيلا اهلنا اللي ربونا ولهم فضل كبير علينا
مب حلو نقول هالجمله بحقهم
((انت ومالك لابيك))
يعني يوم يت بتعرس تنسى اهلها واللي سووه لها بس لانها حصلت ريل يصرف عليها؟!!

بس بعلق على المهر من جانب سلبي وهو لو خذ الاب والام مهر البنت كامل بدون وجه حق
المهر ينعطى للبنت لانه لها
وهي من طيب اصلها تجهز عمرها وتخلي جزء منه لاهلها
يعني اهلها مايحرمونها من مهرها
وبنفس الوقت هي ماتحارب اهلها وتنكر فضلهم عليها لو انعطى المهر لها
والافضل تحتفظ بمهرها لنفسها لوهي حاطه في اعتبارها ان المهر لها
لان تعطيهم بطيب خاطر احسن من انها تعطيهم بمنه

هيـــه تعطيهم وهي مقتنعه
طبعا أختي ماتنكر فضل اهلها ولاتحاربهن عشان فلوس ترى الفلوس وصخ دنيـــا !!
بس تعطيهم بالمعقول مب نص المهر وهي تروح لبيت ريلها بدون شي والله عيب!! هذا الشي بيضرها وبيضر اهلها صدقيني !

مشكوره على ردج ^^

**قلبي بوظبي** · 2009-03-20, 13:57

المشاركة الأصلية كتبت بواسطة نور حياتي

لو الوحدة تبغي تعطي اهلها شوي عليهم 20 الف و مليون حتى

يعني البنت مب سيارة ولا مزاد ؟

بصراحة انا ضد ها الشي ان اهلي ياخذون مني .. اصلا نحن ما عندنا هاي العادة ان الام ولا الاب ياخذون من البنت ..

بالعكس مثلا ممكن اعطيها شي و لا اشريلها طقم حلوو بس اعطيهم فلوس ؟ مستحيل .؟ هذي قيمتهم ولا قيمتي عندهم بها المبلغ ؟

انا اعرف وحدة ابوها خذ منها 20 الف والله ما كفاها ... اخر شي خذت من ريلها .. حرام بصراحة الريال شكثر بيدفع ...

واصلا لو عطيت امي ولا ابوي مستحيل ياخذون مني .....

فيه ناس عندهم هالعاده ووايد بعد ,,الحين هالبنيه اللي ابوها خذ منها نص الفلوس وردت وطلبت من ريلها فلوس شو تتوقعون رده فعل ريلها من أبوها ؟؟؟؟؟ شو بيقول؟؟؟؟

وأنا معاج أنه البنيه تعطي أمها هديه ,,الخ وان شاءالله من فلوس شغلها بتيبلها الدنيا ومافيها حتى لوتعطيها معاشها كله بس مب مهرها !!

مشكوره على ردج ^^

**Asooma** · 2009-03-20, 14:11

انا اشوف لو البنت تشتري هديه لهم وايد احسن

وبعدين هالزمن كل شي غالي اذا عطيتهم نص المهر هي من وين بتييب فلوس عشان تزهب؟!!

انا اعرف ناس يزيدون لبناتهم عشان الزهبه

الاهل يستاهلون كل خير

لكن المهر شي خاص للبنت

وفشله اتروح بيت ريلها بشنطه وحده

انا ولد خالتي عطى حرمته مبلغ محترم

اهلها شلووا نقريبا نص المهر وزود

ويايه بيت ريلها ابأشياء رخيييصه

وصارت مشكله بيت خالتي والبنيه لانها فشلتهم جدام الناس

والسموحه

**فط فط 83** · 2009-03-20, 14:16

انا الصراحه عطيت امايه فلوس المهر عشرين الف
من خاطري لانها تستاهل فديتها الله يطول بعمرها ان شاء الله
اما فلوس الزهبه تزهب فيهن عادي ما نقصني شي الحمدالله
من غير الهدايه الي يني ..
اصلا انتي بروحج ترتاحين يوم تعطينهم بس الاهل الي ياخذ
مهر بنتهم بالغصب لااا الصراحه بيكون قهررر ...
وتسلمين الغاليه

**سفيرة الفقراء** · 2009-03-20, 14:26

حبيبتي لا تزعلي كلنا بنات نفسج وحاسين والله مريت بنفس التجربة ..

بس الفرق اني عطيتهم من خاطري كل شي وربي شاهد عدلنا فيه البيت كامل يعني ما بقى لي غير 25ملابس وكفتني وربعها بتبرع فيها بس والذهب كلفني طقمين بس25 والله العظيم زادت وفيها البركة توكلي ع الله ولاتخافي من ترك لله شيئا ً عوضه الله به خيرا ومن توكل ع الله كفاه والوالدين مهما نسوي لهم ما بنوفيهم حقوقهم ..

**UAE.G** · 2009-03-20, 14:49

:
:
:
انا ابغيهم يعيشوون الفرحه ويايه..}
بس مب معناته اعطيهم نص المهر....!!
عالاقل عدوولهم في ليله العرس يكون على حسابي
من حنا وميكب ولبس..} مع انهم قالوا مانبى ...
بس انا مابحس بالفرحه الا لما اعطيهم شي
يستااهلون فديتهم..ماقصروا فيني
ومااتخيل اسير بيت ريلي بشنطه وحده .!!!!!!!!!!!!!!!!!!!!!!!!!
اسير زاايده ولا نااقصه..}
وسلمتي عالموضوع

**روح ملاك** · 2009-03-20, 15:21

للرفع^_^>>>>>>>>>>>))ان شاء الله بالتوفيق((

**cutyah.87** · 2009-03-20, 15:28

اقل شي في حق الام والابو البنت تعطيهم مهرها

**مريم الشحي** · 2009-03-20, 16:29

الصراحة اول مرة اسمع انه العروس تعطي اهلها من مهرها؟!!!!!!!!!!

عادات غريبة !!!!!!!!!!!!!!!!!!!!!!

**مجنونة عرب** · 2009-03-20, 16:42

انا عطيت ابوي وامي 30 و100 فالجيب

**بنوته ذووق** · 2009-03-20, 18:12

انا بصراحه صارت لربيعتي هالسالفه ابوها خذ عنها 20 الف وخذت الباجي بتحطه فالبنك وامنت على امها بالبيزات والبطاقه مالت البنك وانصدمت بمسج وصلها انه في حد سحب من رصيدها بمبلغ 5000 بدون علمها وسكتت عن الموضوع تتنتظر امها تفتح لها السالفه امها ما قالت انها سحبت من المهر خمست الاف راحت ربيعتي خذت البطاقه من امها وقالت لها حد خذ اليوم من بيزاتي خمسه وبدون شوري قالت لها امها انا سحبتهن لابوي وكل هذا صار غصب عنها ومب برضاها ...

انا ما عرفت كيف ارد عليها بس حسيت الموضوع غريب علي شوي ..

**هنايف** · 2009-03-20, 18:22

لا تعليق

الموضوع: :: عطيــــت أمي وأبوي من مهـــري ومابقى شي عندي شو الحل؟!! ::

أدوات الموضوع

عرض