هـــديتي للعرايس (( شنطــــــة شهر العسل ومحتوياتها)) بالصور

[الـــذوق]

مرحبا خواتي الغاليات وعرايسنا الحلوات



شو أخباركن بخير وعافيه

حبيت أبارك حق كل العرايس..وأتمنالهم التوفيق في حياتهم اليديده والله يتمم زواجكم على خير
حبيت من موضوعي هذا أساعد كل وحده هب عارفه كيف تجهز شنطة شهر العسل
وإنشالله أقدر أساعدكم ولو بالقليل من خبرتي ومن الأشياء ألي صدق أحتجتلها أكثر

وعن شنطة (شهل العسل) أتمنى من كل عروس ترتب شنطتها قبل العرس بأسبوعين لأن الأسبوع ألي بيكون فيه العرس بتكونين مشغوله بالصالونات والحناء وغيره...فأحسن شي تجهزينها عشان ما تنسين شي ويكون عندج وقت أن نسيتي شي ترجعين تحطينه في الشنطه

قبل كل شي وأهم شي شنط اليد ألي راح تشلينها لازم يكون فيها ها الأشياء

مصحف صغير


كتيب الأدعيه ( دعاء السفر- ركوب طياره-الجماع.....)


شنطة صغيره (عدة الأظافر)


معقم للأيد


عطر صغير للشنطة


علكة




نرجع لشنطة وترتيباتها ومع صور توضيحيه للأستفاده



شنطة شهر العسل

رقم (1) نحتاج شنط للسفر نوعيتهم حلوه وشكلها حلو وغير مكلفه وتقدر تحافظ على أغراضج
وكل وحده وذوقها في الأختيار




رقم (2) محتويات الشنطه وراح أقسمها للتسهيل

(العده الشخصيه)

كريمات العناية بالبشره الخاصه فيج


طقم كامل للجسم حسب أختيارج ( بخاخ للجسم-كريم-بودره-ديودرنت)

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الـــذوق]

العنايه الشخصيه

غسول للمنطقه الحساسه+دش مهبلي غسول عن اللألتهابات



كوتكس


فوط يوميه


موس حلاقه (للحلات الطارئه)


رغوه للحلاقه


مكينة لنزع الشعر


ملطف للجو ممكن بخاخ أو كليك ( للحمام ) هاهااهاها


العنايه الجماليه (مكياج-شعر أكسسوار-عطور)

مكياج بسيط ومنوع لا تكثرون خذو الأشياء الأساسيه مثل كحل وقلوس وبودره......


مكواة سيراميك أنا أحسه أحسن عن الأستشوار لأنه عملي وبسرعه + مشط للشعر




مجموعة عطور بسيطه + دهن عود

[الـــذوق]

الملابس ( عبي- أطقم ملابس-ملابس داخليه)

خذي طقمين عبايه وأحسن لو وحده سوداء وحده تكون فيها شغل ملون

ملابس داخليه قطنيه ( للمشي – أو للدوره)

ملابس داخليه منوعه (خذي ألوان مختلفه)

طقم (قميص+روب) لا تكثرين واحد يكفي

أطقم الدلع (كثري منها لأنج راح تغيرين في اليوم كم مره)

ملابس للطلعات

[الـــذوق]

خذي 2 نعال (أسود مريح للمشي+ واحد على ذوقج)




وخذي شنطتين للطلعه ( سوداء + ملونه)




خذي أكسسوار (أطقم ناعمه+ وللشعر) ولا تاخذين معاج ذهبج بس أكسسوار منوع وناعم







وفي الختام أهم شي ألي ما راح يكتمل شهر العسل بدونه
وإلي راح يخلق ليالي رومنسيه ما راح تنسى وألي لازم يالغاليه تبدعين فيه عشان تغيرين من الجو بأحلى حركات لشريك حياتج مثل

ديكورج للغرفه وغيره



الشموع لتعطي جو رومنسي وريحه حلوه



وحركه للحمام



ولبس دلع




وأتمنى أني قدرت أوضحلكم وأسهلكم بالصور وطبعا كمية الأغراض ألي بتاخذينها معاج حسب المده ألي بتروحيلها أن كانت فتره قصيره أو طويله تختلف ونوعية الملابس حسب جو البلاد الي بتروحيلها وأي سؤال خواتي أنا حاضره...


تراني واااااايد تعبت وأنا أسوي هالموضوع..ما أريد غير دعوة حلوه أن الله يوفقني ويسهل أموري كله وأي وحده تبى تنقل الموضوع ما عندي مشكله بس تذكر صاحبة الموضوع





والسموحه منكم

[قلبي بوظبي]

سهلتي علينا والله

بس قوويه لو شليت بخاخ او كليك ههههههه

شي بخاخ بعده روايح حلوه ف لايف ستايل روعه هذا شي لازم ماننساه ههههه


وانا بزيد من عندي


شلوا وياكم مبخر صغيروني وفحم اللي يولع بسرعه وولاعه وعووود ريحته خبال عشان تخبرين ريل المستقبل وتبخرين الغرفه وملابسج والفراش بعد

فكره حلوه صح ^.*

[مسك دبي]

واااايد مفيد الموضوع

تسلمييين ع المجهود والله ييسر امورج ويوفقج ان شاء الله

[مريم الشحي]

الذوق ما قصرتي ^_________^ كفيتي ووفيتي الغلا

الله يعطيج عقد نيتج^_______^

قلبي بوظبي

حلوة فكرتج ما تخطر عالبال واااايد تراها تنسى ^___*

[الـــذوق]

سهلتي علينا والله

بس قوويه لو شليت بخاخ او كليك ههههههه

شي بخاخ بعده روايح حلوه ف لايف ستايل روعه هذا شي لازم ماننساه ههههه


وانا بزيد من عندي


شلوا وياكم مبخر صغيروني وفحم اللي يولع بسرعه وولاعه وعووود ريحته خبال عشان تخبرين ريل المستقبل وتبخرين الغرفه وملابسج والفراش بعد

فكره حلوه صح ^.*

هلا الغلا
ويا مرحبابج فديتج...

هاهاهاهاهاها عشان البخاخ هذا ألي حصلت صورته بس أنا خذت معايه ألي تقصدينه من لايف ستايل...وطبعاااا هاههااه لازم ياخذن مخلط للفراش والغرفه....

وعن المدخن الصغير شليته معايه بس ما أستخدمه لأن مخلط الغرف سدني وفوق هذا أعرف وحده من ربعي تم يرن جرس الأنذار في الفندق هاهاهاهاهاههاهاهاها جان تفتشل صدق من ريلهااااا...


بس أفكارج حلوه يالغاليه وما قصرتي بوجودج في الموضوع مشكوره

[الـــذوق]

واااايد مفيد الموضوع

تسلمييين ع المجهود والله ييسر امورج ويوفقج ان شاء الله

تسلمين يالغاليه...
وأسعدني وجودج

[الـــذوق]

الذوق ما قصرتي ^_________^ كفيتي ووفيتي الغلا

الله يعطيج عقد نيتج^_______^

قلبي بوظبي

حلوة فكرتج ما تخطر عالبال واااايد تراها تنسى ^___*

يا مرحبابج...تسلمين فديتج ع دعو الطيبه ..
وأسعدني وجودج

[x REEM x]

ما شاء الله عليج ،،، الله يوفقج ويسعدج

فيه الفايده الصراحه ،،،، بخبر أختي العروس

[7ـــنايــا]

الموضوع رائع

مشكورة الغلا ,, لا عدمناج

[عيناويه_طر]

مشكووووره ... هذا اللي نبييه ^_^

[h2h]

وايد مفيد موضوعج .. تسلمين اختي

[$العامرية$]

يزااااااااااج الله ألف ألف ألف خير

موضووووووووووع في قمة الروووووووعه

تسلمين ع المجهووووووووود الطيب وعسى ربي يوفقج ويسعدج