معاناتي

[سبلونة]

هلا خواتي
انا واااااااااايد اعاني من ولدي الله يحفظه ويخليه لي يا رب
ولدي وااااااااااايد يعاني من الغازات والمغص وهو الحين بيكمل شهرين
ما خليت مستشفى ما وديته ولا ينفع الدوا له
وعطيته ينسون ما نفع ونعناع ما نفع وشاي البابونج ولا نفع
ادهن بطنه بمكافح الارياح واحيانا بزيت زيتون دافي ولا نفع
شو اسوي والله تعبت ويغمضني ويقطع قلبي من كثر ما اشوفه يتعصر ويصير احمر ويصيح حتى انه ما يقدر يرقد ولا يرضع من كثر المغص
ساعدوووووووووووووني

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[UAE_CONDOR]

توكلي ع الله كل اليهال جي

يمكن اختي اذاا كنتي اترضعينة طبيعي احذري بعض الماكولات لاناا هي سبب الغازات و ينتقل لولدج

كانت رفيجتي جي تاكل اي شي و ايد ولدها غازات و امساك

اسمحيلي

[حـور العين]

جربي انفاكول زين للغازات
وعقب كل رضعه حطي ولدج ع كتفج خليه يتدسع
وبعد جبيه ع بطنه لدقايق

[حلى دنياي]

لا تخافين الغاليه
بس من بعد كل رضعه خليه على بطنه
علشان تطلع الغازات
وإن شاء الله خير

[pink.dreams]

مثل ما قالوا البنات،، ها الشي عادي في ها السن،، ومهما سويتي ماراح تروح الغازات،، بس يمكن تقل شوي،،
وما بترتاحين إلا لما يبدأ ينجلب على بطنه.. لأن الرقدة ع البطن تريح الياهل..

[قلبي من ألماس]

والله الغاليه وحدة اعرفها تقول انها تشتري لعيالها عشان الغازات .. الفكس الاصفر (( ماعرفه )) بس تقول حتى مكتوب عليه ( مكافح رياح البطن للاطفال ) او شي بهالمعنى ..

بس طبعا تقول اول شي احط زيت بكمية على بطن البيبي .. وبعدين احط نقطتين بس .. واتم افكره شوي شوي بطريقة دائرية ..
بس حاسبي لان الفكس حاااار مثل ما تعرفين
تقول هالطريقة نافعة معاها لكل عيالها .. ويرتااحووووون وايد

ولا تنسين انج بعد ما ترضعين البيبي تخلينه يتدسع .. يعني يظهر الهواا ..

امممممم هييييه وبعد حاسبي على اكلج يمكن في شي تاكلينه ( مثل البقوليات ) وهي اللي تسوي غازات للبيبي ..

[BaToOoL]

يمكن من الأكل اللي تاكلينه .......أكلات فيها بهارات وسبايسي ..قللي منها وأعطيه ماء غريب اوكي ...وادهنيله مثل ما قالوا الأخوات ..وخليه يتدسع بعد كل رضعة ....أنا بنتي بعد جي ..بس الحين أخف من أول بوايد الحمدلله ...وانتي بعد اشربي الأشياء المهدأ للغازات مثل اليانسون والبابونج ...فيه أعشاب يبيعونها في الجمعيات مهدأ للغازات وانتفاخ البطن صراحة اوكي اشربيه انتي مب للبيبي
وهي فترة وبتعدي

[دلوعة_راك]

انا بنتي كانت جي مانفع معاها اي دوا وبعد ما كمات 3 شهور احسها احسن شوي وهي الغازات لابد منها وسألت استشاري اطفال قالي في اطفال يفيدهم ويريحهم الدوا وفي اطفال ما يفيد معاهم اي دوا حاول بعدل رضعة يجتدع وبعدين ارفعي ريوله وخليها على شكل اكس وبنشوفين الغازات بتطلع وبعد خلي ينام شويه على بطنه بس تحت المراقبه

[الدلـــع]

الغاليه لازم بعد كل رضعه تخلين الياهل يتدسع
وخليه فتره نايم على بطنه بس لا تغفلين عنه
وبتعدي عن اكل البقوليات والملفوف والزهره والبصل والاكلات الحاره والحليب
وبعد كل رضعه شربيه يانسون وكراويه زين وااايد حق الياهل
وفي دوا وايد حلو للمغص ياخذه الطفل كل 8 ساعات اسمه Bonnisan
من الهملايا وهذا استخدمه لولدي من شهرين والحمدالله ارتحت من المعاناه وكل كلمه كتبته والله انا مشيت عليها دكتور الاطفال اللي اسيرله قالي هالكلام والحمدالله ماشي غازات بعد ما تجننت منها

[السكوت]

انا بعد نفس الحاله اعاني هالشي ويا بنتي وبعدها ماكلمت شهرين على قولتج ما خليت مستشفى الا وديتها بس كل الدكاتره يقولون هالشي طبيعي لين 4 اشهر بس والله يتقطع قلبي كل ما اشوفها تصيح صياح من الخاطر يحليلها ....عطيتها colic drop بس ما فاد بس اخر شي اختي نصحتني Bonnisan من الهملايا بس بعد ما نفع وكل ما احاول اعطيها ينسون بس ماتبي تشربه ...والله حتى الرقاد ما ترقد وذا رقدت تنش تصيح ...الله يعينا ويعينهم بصراحه

[BaToOoL]

انا بعد نفس الحاله اعاني هالشي ويا بنتي وبعدها ماكلمت شهرين على قولتج ما خليت مستشفى الا وديتها بس كل الدكاتره يقولون هالشي طبيعي لين 4 اشهر بس والله يتقطع قلبي كل ما اشوفها تصيح صياح من الخاطر يحليلها ....عطيتها colic drop بس ما فاد بس اخر شي اختي نصحتني Bonnisan من الهملايا بس بعد ما نفع وكل ما احاول اعطيها ينسون بس ماتبي تشربه ...والله حتى الرقاد ما ترقد وذا رقدت تنش تصيح ...الله يعينا ويعينهم بصراحه

أختي حطي سكر نباتي مع اليانسون عشان تشربه .أنا جي سويت بس لا تكثرين

[ظبية*الامارات]

الله يعينج هم جيه اليهال بهالسن

[Um7maid]

الوالدة دايماً تنصح بـحبة سكر نبات صغيرة مع الماي

وشربوا الياهل، بيمشي له بطنه وبيخفف عنه الغازات

بس كل طفل غير عن الآخر، وهذي فترة صعبة وبتعدي إن شاء الله

[ام الغاوي]

انا بعد كنت اعاني شراتج
نصيحه لا تعطيه اي شي ... لانه الغازات ما راح تروح الا بعد عمر 3 شهور

خليه ع بطنه شوي ومسحيه وبعد ما ترضعينه خليه يتجدع

ولا تخلينه يصيح وايد لانه يوم يصيح يدخل هوا فبطنه ع قوله الدكاتره