اريد حل مالى ذكى

**روح _ دبى** · 2009-03-16, 14:25

انا راتب زوجى 25000 درهم ويبقى منة 5000 درهم ابا طريقة اقدر اصرف فيها امورى بهذا لمبلغ مع العلم لدية طفلين

المزيد من آخر المواضيع من نفس القسم:

**دهن_العود** · 2009-03-16, 14:27

للرفع

**فطــامــي** · 2009-03-16, 14:28

للرفع للرفع

اسمحيلي الغالية ما أعرف

أنا بعد أبى أعرف شقى أصرف بعقل لأني مسرفه وااايد ......لوووووول

**rozee** · 2009-03-16, 14:58

**مرايم2000** · 2009-03-16, 15:11

للرفـــــــــــع^^^^

**((أم روعه))** · 2009-03-16, 22:46

انا بعد ابا حد يساااعدني معاش ريلي 10000
وعندنا بيت وبيبي ع الطريق المعاش ما يكفينا ابا حد يساعدني
ابا حد يعلمني التجاره ع الاقل

**um7oor** · 2009-03-16, 23:13

المشاركة الأصلية كتبت بواسطة روح _ دبى

انا راتب زوجى 25000 درهم ويبقى منة 5000 درهم ابا طريقة اقدر اصرف فيها امورى بهذا لمبلغ مع العلم لدية طفلين

الافضل لو تحطون قائمة بالاحتياجات الشهرية والمبالغ اللي تصرفونها
يعني مثال بما انه يتم بس 5000
فوزعوها كالتالي
1500 لريلج يدبر اموره مع انها ما تكفي بس يحاول يصرفها في اشياء ضرورية بترول سياره لبس .. وغيره
1000 اخذي فيها اغراض و ماجله حق البيت يعني اشتري حاجاتكم طول الشهر ودايما دوري على العروض واشتري الضروريات
500 لج انتي دبري فيها امورج وحاجاتج الشخصية وطبعا كل شهر بيختلف عن الثاني مرات بتكفي ومرات لا
1000 اخذي فيها اغراض لليهال إذا كانو صغار يعني بامبرز وحليب وكذا لبس وحاجاتهم الثانية
ال1000 الباقية خليها طوارئ وقت الحاجة وفي حال النقص او دفع فواتير
وصدقيني المبالغ راح تتفاوت كل شهر يعني إذا في شهر 1 اشتريتي اغراض للبيت
وكفتكم الاغراض وزادت للشهر الثاني اهنيه بيكون مصروف البيت الشهر اللي بعده اقل لان معظم الاغراض موجودة ويمكن تصرفين 500 بس
نفس الشي لأغراض اليهال ...
بس هذا ما يمنع انج تحاولين ادورين على مصدر ثاني يعني مثلا تقدرين تدخلين جمعية ب500 وتكون طويلة شوي يعني تستلمين مثلا 50.000 حاول اتاجرين فيهم تجارة مضمونه والربح تصرفين منه يعني ممكن تخلين ال50.000 100.000 بسهوله وهذا اقل شي ان الربح بس الضعف يعني اذا خذتي شي بدرهم وبعتيه بدرهمين يعتبر ربحج مضاعف فما بالج إذا بعتي بخمس او عشر وهذا يعتمد على موهبتج او ان كان عندج هواية
او ممكن انج تصيرين مندوبة لأي وحده من التاجرات معانا وتحصلين لج مبلغ من ربح البيع تغطين فيه على الاقل مصروفج الشهري وتساعدين ريلج وشوي شوي تكتسبين خبره وتبدين تجارتج
وربي يوفقج

**أمــــيـــرهـ** · 2009-03-16, 23:14

المشاركة الأصلية كتبت بواسطة روح _ دبى

انا راتب زوجى 25000 درهم ويبقى منة 5000 درهم ابا طريقة اقدر اصرف فيها امورى بهذا لمبلغ مع العلم لدية طفلين

انزين أخذي منهم مصروفات شهر 2000 أو 2500 حسب اللي يناسبج
والباجي فتحي لج حساب وحطيهم كل شهر بالبنك
بس أهم شي أخذي لج ورقة وقلم وشوفي مصروفاتج ونظميها
والله يسعد حياتج

**زيبا** · 2009-03-16, 23:14

تبون الصراحه انا من فتره كنت افكر بمشروع وطبعا قلت بسويه ان شاء الله لما شتغل المهم هو: اشتري فساتين أعراس من بلاد الشام تعرفون عاد فساتينهم ماعليها كلام وكل شي يخص العروس وابيعه أو أجره لبنات الامارات في البدايه بفتح بيتي حق البنات عقب ان شاء الله بفتح لي محل وبروحي بديره ..
ومن شهر كانت في بالي فكره بس هونت عناها وهي : اساهم في مخبز ( يعني واحد فاتح مخبز وقلت بشاركه ) لانه ماشاء الله لاحظت انه وايد فاتح افرع قلت الريال ماشاء الله كسبان من ورى هالمخابز بس عقب هونت لانه مامدحولي الريال . وطبعا هالشيء كنت مفكرتنه حق واحد من الاهل ...

ومره فكرت اشتري سيايير من الخارج (وارد ) وابيعه في البلاد ..(طبعا بعد ما اشتغل )...
وبعد فكرت بمشروع شراء شاحنات وشيول لانها وايد تكسب .. (طبعا بعد ما اشتغل)

**بثـينه** · 2009-03-16, 23:49

الغاليه اهم شي ترتبين أمورج ...
مثل ما قالت الأخت ام حور يزاها الله خير ..

حطوا جدول .. و لكل شي سعر معين .. و اجبروا عماركم انكم تلتزمون به ..

والله ياليتني سويتها من زمان .. لاني لو يعطوني مليون بايدي عادي اطيرهم بأقل من أسبوع خخخخ

للأسف ما استغليت الفرصه يوم كنت اداوم والحين عاد فنشت ..؟؟ وصج ندمانه اني ما يمعت لي بيزتين ينفعوني ..

بس ادعولي ربي يرزقني بوظيفه تريحني و ما انظلم فيها مثل اللي قبلها ..

و الغاليه انا اقترح عليج تقدمين اوراقج وتشتغلين علشان تساعدين ريلج ..

ترى شوفي حالنا من حالج ... راتب ريلي 16 الف وتخيلي ما يصفى منه الا 4000 ؟
صج صعبه ! قبل كنت اصرف على عمري و ولدي واغراض البيت ومرتاحه بس الحين صج بحس بالمعاناه مع انه ريلي مسكين ما يقصر بس بعد الوحده ما تقدر تكلف ريلها فوق طاقته !!

تدرين لااازم نسوي جدول ونضغط على عمارنا .. نحاول نوفر بأي طريقه ونبدا مشروع بسيط ومربح و تدريجيا بيكون له صج ربح قيم باذن الله ..

الله يوفقج ويفرج همج ويرزقج من خيره يا رب ..

**أمــــيـــرهـ** · 2009-03-16, 23:52

المشاركة الأصلية كتبت بواسطة ((أم روعه))

انا بعد ابا حد يساااعدني معاش ريلي 10000
وعندنا بيت وبيبي ع الطريق المعاش ما يكفينا ابا حد يساعدني
ابا حد يعلمني التجاره ع الاقل

كل شهر رتبي التزاماتكم بورقة
وشوفي الضروري واللي موضروري
وحاولي تشترين من أسواق غير اللي متعودة عليها هالشي بيخليج تقارنين الأسعار وتختارين بينها
وفيه صندوق العايلة ( للطوارئ) هذا بينكم وبين أهلكم تتفقون على مبلغ ثابت بنات وعيال كل واحد 1000 أو 3000 أو 500 على حسب وتاخذونة أول شي وتحطونة بالبنك على طول مثلن فيه ودايع وفيه استثمارات ومتى مابغيتوة تلقونة وبنفس الوقت بيدر أرباح تستفيدون منها بالصندوق وغيرة
والصندوق مو شهري عشان لاتلزمون روحكم فيه
لكن اللي عنده بناااا 00 واللي كذا كذا ويبقى الحق محفوظ للكل طبعن حسب احتياج كل واحد وظرفة
فيه صناديق عائلية توصل 100 ألفــــ وأكثر بس أهم شي ليمسكتوها اتحطونها بشي مضمون يدر من وراها خير مثلن تشترون شالية وتأجرونة باليومية أو شقة
والسموحة من روح _ دبى

**A M N A** · 2009-03-16, 23:56

انا اتفق مع الاخت ام حور ...
اهم شي تسوين لج جدول بالاحتياجات الضرورية ومافي داعي للكماليات والاسراف ..
بما ان المبلغ المتبقي محدود ... واهم شيء الدعااااء حتى يتبارك مالكم ..
ومووووفقه اختي ..

**ياقوتةخضرا** · 2009-03-17, 00:08

أنا بعد أبغي اضيف
انج تبتدين تشترين مونة البيت من محلات معروفة برخص أسعارها
او تتجهين الى سوق الجملة بتلاقين فرق شاسع في الاسعار

شي ثاني تبتدين تسوين لج مصدر رزق
ولا تقولين أستحي والا ما اعرف والا عندي يهال

سوي جدول بحيث تنظمين فيه وقتج وبيتج وعيالج وتكونين انسانة منتجة تصرف على بيتها

يعني مب لازم تشتغلين في وظيفة بدوام كامل

أقصد مثلا تشوفين شو مواهبج ،
شو الشي اللي انتي شاطرة فيه ،
شو الشي اللي يميزج عن غيرج
وحوليه الى تجارة ومصدر رزق

أنا أعرف عايلة باكملها بنو بيت واستوت عليهم قروض وايد
ما يلسو يطلبون من الناس
تعرفين شو سوو ؟

فكرة واااايد حلوة !
كل واحد ووحدة في العايلة استغلو موهبتهم وحولوها الى تجارة
واستوو يكسبون في الشهر آآآآآآلالالالالالالالاف مؤلفة
وقدرو يسددون القروض بمنتهى السهولة ويجمعون بعد

يعني مثلا يبيعون ملابس أطفال من محلات معينه
سوو مشروع يطبعون استكرات أسماء حفلات الزفاف
الاستكر بدرهم (شوفي عاد يوم يحصلون عرسين ثلاثة حريم ورياييل) كم يحصلون
واشيا وايدة اتساعدو وفكرو فيها وحولوها الى مصدر رزق

الحين دورج : هل تعرفين تخيطين ؟
ممكن تسوين اسكارفات مبتكرة للبنات

تطبخين ؟ تسوين حلويات ؟
ممكن تسوين حلويات حق المرابي في المستشفى مثلا

تعرفين تحنين ؟
ابتدي حني في البيوت

تعرفين مهارات على الكمبيوتر ؟
ابتدي سوي تواقيع مثلا ، تصميمات ، الخ

افكارج خلاقة ؟
ابتدي غلفي هدايا

وطبعا أشيا وايدة تقدرين تفكرين فيها
وان شا الله بينفتح لج مصدر رزق تساعدين فيه ريلج وعيالج

**rozee** · 2009-03-18, 14:40

**الحب لك وح** · 2009-03-18, 15:04

الله كريم

الموضوع: اريد حل مالى ذكى

أدوات الموضوع

عرض