سوق نايف

[ضي عيني]

السلام عليكم ,,,

بنات بغيت اتخبر يوم اسيرون سوق نايف شوه تاخذوون ...

الكل يمدح فيه ولا مره قد سرت له ,,,

ان شاء الله بسيير له قريب بس ياليت تنصحوني شوه اخذ مناك .,, وشووه مااخذ,,,

والسموحه

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جـــروح]

تبين الصراحه انا دوم اسير آخذ لبس حق البشاكير من عندهم

بس عندهم شغلات حلوه حق الصغاريه

واذا انتي من الناس اللي تحبين شنط غير الماركات بتحصلين اشكال وانواع

وايد ناس ياخذون من عندهم بناطلين جينز

[هوى الروح]

البجامات عندهم حلوه وعلى 25 و 30

[ميرانا]

انا عن نفسي ماقد اشتريت منه شي!!! بس اللي اعرفه انه عنده قطع حلوه للبيت او هدايا!! بس!

[فولك دبي]

انا من بعد 4 سنوات من يومين دخلته عشان اشتري لي كريستالات سوارفسكي
..
رحت مع ربيعة امي و بنتها...هم متعودين يروحون هناك يتشرون..

ما تصدقون انصدمت بالاسعار و الاشياء اللي عندهم..

قبل كنت اقول اخ شو سوق نايف كل شي رخيص و مب شي...
الحين تعالوا شوفوا كيف الاسعار ضو و عندهم اغراض حلوه وايد
تخبلت على القطع...نفس القطع اللي في المراكز تقريبا و بنص السعر اذا ما كان ربعه

طلعت من هناك و انا شاريه فوق ال 1- قطع من حرير و قطن..وشيفونات تخبل..

واشتريت لي تكرمون نعله مسطحه للاستهلاك اليومي .بضرابه و مكاسر خذت ارخص واحد ب 40...والباقيين 60 و 80 و 70...

عندهم بعد اكسسوارات حلوه...بس ما اشتريت لانه مب هاوية اكسسوارات..

خذت من محلات الدانتيلات سوالف حلوه و بسيطه عشان احطها على العبي و الشيل بفصل لي للدوام ان شاء الله قريب بداوم..

كنت رايحه اشتري بس فصوص و طلعت بكومة اكياس في ايدي

[ام سعووود]

[QUOTE=فولك دبي;

كنت رايحه اشتري بس فصوص و طلعت بكومة اكياس في ايدي[/QUOTE]

هههههه
ضحكتيني والله انا مثلج لما اسير نايف ما اقصر حقي وحق الصغارية و حق الخدااامة
والله نايف عندهم واايد سوالف حلوة بس انصحج لا تفوتيين سوق عكاظ للجلابيات عجيبة جلاليبهم واسعارهم بعد وااايد حلوة...
بتحصلين سوق عكاظ ورا سوق نايف

[فانتا فراوله]

انا صراحه يوم اروح سوق نايف دايما اشتري شرايط وربطات حق شعر بنتي خبركم ماعندي ألا هالبنت الله يخليها لي واهلي يستانسون على الجلابيات والبيجامات اللي حق البيت وحق اليهال اعيالي اخذ بيجامات واااايد شغلات حلوه عندهم اهني في الدوحه ياخذون المحلات دايما من سوق نايف ويضربون ضربتهم

[بقايا جروح]

بصراحه سوق نايف فيه اشياء واااااااااااااااااااايد
وانا بصراحه اسير دايما
وأخذ من عندهم الشلحات اللي تنلبس تحت لثياب لان عندهم ديزاينات مش موجوده برع وإذا موجوده بتحصلينها غاليه
بس انا أخذها على 15درهم عندهم

وبعد عندهم جلابيات للبيت وبيجامات وكل شي انتي محتاجتنها من دانتيلات او فصوص اكسسوارات للثيابج


وبعد أدوات كهربائية

سويت دعاية لهم

[اريام2]

انا سرت مالقيت شي حلويمكن لاني ما لفيت عدل؟؟

[nanane2005]

هلا اخواتي

اضم صوتي مع الاخوات الي يمدحن سوق نايف

انا بصراحة وايد يعجبني فيه اغراض وايد حلوة للكبار والصغار
فيه بناطلين الوساع ب 10 دراهم -شلح نص -بيجامات اشكال وانواع وقمصان نوم وبدل ونعلان وشباصات اشكال وانواع

نصيحيتي روحي بس لا تشلين وياج يهال

الله يوفقج

[ميرال]

انا رحته مره وحده اخذت درزن بجامات جلاليب هدايا

[رافعة الراس]

احلى شي البيجامات حقج وحق الصغاريه

واذا عادي عندج تاخذين تنانيير مش ماركات عندهم اشيا حلوه انا بصرااحه ماعندي مانع اخذ ماركه ولا لا الانه اهم شي عندي تكون حلوه لوووووول

وهيك

[قصة الامارات]

القطع عندهم حلوه

[ضي عيني]

مشكوورات والله ويزاكن الله خير ,,,

وان شاء الله ان سرت بوافيكم با الاخبار ,,,

[مــــيره دبــي]

عن نفسي من سوق نايف نفسه..

(( الشلح15 درهم.. والبيجامات.يعني من 20 درهم وفوق على حسب..كم قطعه..))

والبنايه اللي مجابلتنه.. (( سوق الرخاام أو بناية الكويتي)) والمحلات المجاوره اللي ع الشارع..

قـــطع للمخاوير.. أو حتى للتنانير والقمصاان ..