إلى متى...!؟

[أدري بـ شري]

أول شي خواتي....لا أنوي الهجوم..و لكني عندما أتصفح هذا المنتدى ، و بالأخص العلاقات العائلية ، أصاب بالذهول....

وحدة تحط آيات قرآنية و تفسرها بقدرة قادر بأنها كذا و كذا...و بدون مصدر أو شرح علاّمة!!

و وحدة تقول..المتحرشة ما تخاف الله (والله صدقتي) و لكن تأتيك بالأدلة إلي تنصفها هي و بس و تنسى إن المتحرشة ممكن تتزوج..و شرع الله المحلل التعدد بعد ...بس نحن نتذكر شي و ننسى شي..سبحان الله


و وحدة تبا تسوي شغل فتوات...و في أماكن عامه..و الله هجووووووم على أي وحده أشك (طبعا غير متيقنه لأن الله إلي يعلم بالنفوس) بس هجوم على أي وحده ممكن تاخذ ريلي..و كن هالشي بينفع...هالشي بينفع حزتها بس...غير جي لأ...باجر بيطلع بروحه و بيسوي وايد أشيا ما سواها جدامج...

و وحدة تبا تبلغ الشرطة..و الأمين...و مادري يمكن السالفة توصل حق الإف بي آي مع الوقت و الجيش يتدخل بعد...عشان ريلها المسكين بنت تتصل فيه! يا الله...ريلها مايقدر عالبنت!!! لو ما يباها يقدر..بس الخوافي الله يعلم بها...


و وحدة تسوي عمرها متدينه بس وقت الخيانات و وقت اللبس....و غير جي أغلاطها مالية الدنيا و الأدلة الدينية ما تطلع إلا خق التبرح لنا تؤمن بأنها بتقلل أونها نسبة المتبرجات و بالتالي تقل نسبة تبصبيص ريلها في بنات خلق الله..يقول المثل : إبدء بنفسك...لإغنك تستطيع تغيير نفسك و لكنك لا تستطيع تغيير الآخرين...إبدي بزوجج

و وحدة معاناتها الأبدية إنها تزوجت قبل لا تاخذ شهادة..و قبل لا تداوم..و ريلها راتبه ما يسد و عايشين بيت أهله...إلخ إلخ إلخ...شبعنا و نحن نقول ..دخيييييلكن خذن الشهادة قبل..ما تدرين شو المستقبل

ما أقول إن كل المواضيع جي,,,لن في بنات ما يقصرون..بصراحه إستفدنا منهم وايد.....بس في بنات..أقول في خاطري..مستحيل هاذي وحدة عايشة هالوقت و جي تفكر....

مابغي أكون فظة....و لكن..يا ليت إن يكون عندنا بعد نظر و نفكر أكثر....موب الكل لازم يشاركني في رايي...لن الإختلاف يولد النقاش و الفادية ، بس إلي أقصده ، في مستويات من التفكير ، لوهلة إعتقدت بأنها أندثرت من الثمانينات و ما بترد.....

في النهاية..السموحة..و لكن شي في خاطري ما قدرت أكتمه أكثر....

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أدري بـ شري]

ماشي ولا رد!!!

[Fafi]

كل وحده و تفكيرهاا .. وو يوم الوحده اتحرج اتشوفينها اتقول و اتسوي اشياااء بدون ما اتفكر اشوي .. هل ها الشيء صحيح .. و اذا انا سويت جيه شو الفايده اللي بستفيدهاا ..

و في بعض المواضيع اللي انتي لاحظتيها و ذكرتيها اختي .. في وايد حريم يحبن يحسنن الظن برياييلهن .. ولو شو ما صار ريلها هو ما يخصه و اللي ما يعرف .. (عشان جيه يضطرون يدافعن عن حياتهن الزوجيه بأي طريقة)

لو شو من المشاكل ما نقدر نفرض عليهن شو ينحط وشو ما ينحط .. لأن كلن له ظرووف ومستواه الفكري و طريقته في مواجهة المشاكل اللي اتواجهه .. و اللي محتاج يعرض مشكلته فالمنتدى أهلا وسهلا و محد حط قوانين تمنع عرض المشكلات .. وو السموحه منج أختي لا انا و لا انتي نقدر نفرض عليهن شو يكتبن وشو ما يكتبن .. ووو بالأحرى ما نقدر نتحكم في تفكيرهن ..


وشو معنى إن المتحرشة ممكن تتزوج !! .. كل حرمه على وجه ها الدنيا ممكن تزوج دام في ريال يبغي يتزوجهاا .. بس اللي نحن انعرفه مب الحرمه اللي اتراكض ورا الريااال .. الريال هو يوم يرغب بالزواج يدق الباب .. مافي داعي للحركات الثانيه .. و أكيد الحرمه ما بيعيبها ان تي حرمه و اتم اتغازل ريلهاا و تتحرش فيه إن كان في الأماكن العامه و إلا الدوام .. باتباعها الطرق المتنوعه (مسجات - إيميلات - ترقيم ) .. يعني اي وحده تتحرش تبا اتعرس !!!!!!!!!!!! .. راكضت ها الركيض و ها الحركات كلها ووو الريال شاف ابعينه اسلوبها الوااطي ووو يتزوجهاا !!!!!!!! لازم الزوجه بتشوف انها إنسانه قذرة وو عله و تبغي تتخلص منها بأي طريقة ..


و صدقيني لو كل حرمه التزمت ابدينها و ما اتبرجت تبرج الجاهليه اللي للأسف موجود لين الحين جان الدنيا بخير .. جان ما استوا الفسق و المغازل اللي انشوفه .. لأن اللي يطلع و يسير و يرد .. صدقيني بيشوف و بيشوووف و بيقول مستحيل هاي بلادنـــا .. بتقولين الرياييل .. !!! الحين المطاوعه مب سالمين من المتحرشات وين الرياييل العاديين ..

و الله يعينااا يا رب ويقوي إيمانااا و يبعد عنا كل حراااام ..

وهذا رأيي

[زهرة السوسن]

صدقتي والله ..... والله يعينا

[فجر الغلا]

لاتعليق (للرفع)

[دلووعة زماني]

لا تعليييييييق للرفع

[غلا الوصل]

لا اله الا الله محمد رسول الله

[أدري بـ شري]

كل وحده و تفكيرهاا .. وو يوم الوحده اتحرج اتشوفينها اتقول و اتسوي اشياااء بدون ما اتفكر اشوي .. هل ها الشيء صحيح .. و اذا انا سويت جيه شو الفايده اللي بستفيدهاا ..

و في بعض المواضيع اللي انتي لاحظتيها و ذكرتيها اختي .. في وايد حريم يحبن يحسنن الظن برياييلهن .. ولو شو ما صار ريلها هو ما يخصه و اللي ما يعرف .. (عشان جيه يضطرون يدافعن عن حياتهن الزوجيه بأي طريقة)

لو شو من المشاكل ما نقدر نفرض عليهن شو ينحط وشو ما ينحط .. لأن كلن له ظرووف ومستواه الفكري و طريقته في مواجهة المشاكل اللي اتواجهه .. و اللي محتاج يعرض مشكلته فالمنتدى أهلا وسهلا و محد حط قوانين تمنع عرض المشكلات .. وو السموحه منج أختي لا انا و لا انتي نقدر نفرض عليهن شو يكتبن وشو ما يكتبن .. ووو بالأحرى ما نقدر نتحكم في تفكيرهن ..


وشو معنى إن المتحرشة ممكن تتزوج !! .. كل حرمه على وجه ها الدنيا ممكن تزوج دام في ريال يبغي يتزوجهاا .. بس اللي نحن انعرفه مب الحرمه اللي اتراكض ورا الريااال .. الريال هو يوم يرغب بالزواج يدق الباب .. مافي داعي للحركات الثانيه .. و أكيد الحرمه ما بيعيبها ان تي حرمه و اتم اتغازل ريلهاا و تتحرش فيه إن كان في الأماكن العامه و إلا الدوام .. باتباعها الطرق المتنوعه (مسجات - إيميلات - ترقيم ) .. يعني اي وحده تتحرش تبا اتعرس !!!!!!!!!!!! .. راكضت ها الركيض و ها الحركات كلها ووو الريال شاف ابعينه اسلوبها الوااطي ووو يتزوجهاا !!!!!!!! لازم الزوجه بتشوف انها إنسانه قذرة وو عله و تبغي تتخلص منها بأي طريقة ..


و صدقيني لو كل حرمه التزمت ابدينها و ما اتبرجت تبرج الجاهليه اللي للأسف موجود لين الحين جان الدنيا بخير .. جان ما استوا الفسق و المغازل اللي انشوفه .. لأن اللي يطلع و يسير و يرد .. صدقيني بيشوف و بيشوووف و بيقول مستحيل هاي بلادنـــا .. بتقولين الرياييل .. !!! الحين المطاوعه مب سالمين من المتحرشات وين الرياييل العاديين ..

و الله يعينااا يا رب ويقوي إيمانااا و يبعد عنا كل حراااام ..

وهذا رأيي

من ناحية المتحرشة ممكن تتزوج....أول شي لازم الزوجة تييب دليل إن هاذيج الإنسانه متحرشة...موب تختلق مواقف غير موجودة عشان تسميها متحرشة و كن ريلها يعني لهالدرجة لقطة... ثاني شي تتأكد إن ريلها و مونه ريال يقدر يصد اي وحدة..لو هو يبا...

أنا ما قلت بتدخل في مستواهم الفكري...بس عالأقل يوم أحط آية و أستشف من الآية مواضيع يعني....ماقدر أوصفها...بس على العموم أنا كعضزوة أو مشرفة بطالب بمصدر الشرح إلي يقول (أفضل أوقات الجماع....*إلخ! قبل ما نتداول معلومات خطيرة مثل هاذي و ندلل عليها بكتاب الله...لابد أن نمحّص ، لأن هاذي مسؤولية نحاسب عليها ..تعرفين كم وحدة بتقرا هالشي و بتتناقله للحريم الثانيات...؟؟؟


و بالنسبة للتبرج....كلنا نتفق إنه ما يجوز...بس الواحد يبدا بنفسه ، يعني ياما حريم لابسات خمار و العبي مرصصة من فوق و الخصر ضيق...مع إنها موب حاطة ميك أب...و هي عادّه عمرها غير متبرجة! يعني..إلي أقصده...الناس إلهم مقاييسهم الخاصة بينهم ..إلي يعتبرونها وصلت مرحلة التبرج أو لا ، و نحن بدال ما نركز على هالأمور..خلونا نركز عاغيبة و النميمة مثلا...أو الكذب ..أو الإسراف ..أو عدم الإخلاص في العمل ، أو عدم الإنتاج من الأصل...هاذي مشاكل مجتمعنا طفح منها...و مازلنا بس نقول لا تتبرجون مع إن كل وحده مصطلح التبرج في مخها شكل,,أظني الخطايا الناجمة عنن الأشيا لإلي ذكرتها يمكن أكبر....الحمدلله و لو شو كانت البنت متبرجه في النهاية عباتها عليها و عصاقيلها مستورة.. و يمكن بدون تبرج تلفت....في أشيا أهم كلنا نسيناها...

[Fafi]

من ناحية المتحرشة ممكن تتزوج....أول شي لازم الزوجة تييب دليل إن هاذيج الإنسانه متحرشة...موب تختلق مواقف غير موجودة عشان تسميها متحرشة و كن ريلها يعني لهالدرجة لقطة... ثاني شي تتأكد إن ريلها و مونه ريال يقدر يصد اي وحدة..لو هو يبا...


أنا ما قلت بتدخل في مستواهم الفكري...بس عالأقل يوم أحط آية و أستشف من الآية مواضيع يعني....ماقدر أوصفها...بس على العموم أنا كعضزوة أو مشرفة بطالب بمصدر الشرح إلي يقول (أفضل أوقات الجماع....*إلخ! قبل ما نتداول معلومات خطيرة مثل هاذي و ندلل عليها بكتاب الله...لابد أن نمحّص ، لأن هاذي مسؤولية نحاسب عليها ..تعرفين كم وحدة بتقرا هالشي و بتتناقله للحريم الثانيات...؟؟؟



و بالنسبة للتبرج....كلنا نتفق إنه ما يجوز...بس الواحد يبدا بنفسه ، يعني ياما حريم لابسات خمار و العبي مرصصة من فوق و الخصر ضيق...مع إنها موب حاطة ميك أب...و هي عادّه عمرها غير متبرجة! يعني..إلي أقصده...الناس إلهم مقاييسهم الخاصة بينهم ..إلي يعتبرونها وصلت مرحلة التبرج أو لا ، و نحن بدال ما نركز على هالأمور..خلونا نركز عاغيبة و النميمة مثلا...أو الكذب ..أو الإسراف ..أو عدم الإخلاص في العمل ، أو عدم الإنتاج من الأصل...هاذي مشاكل مجتمعنا طفح منها...و مازلنا بس نقول لا تتبرجون مع إن كل وحده مصطلح التبرج في مخها شكل,,أظني الخطايا الناجمة عنن الأشيا لإلي ذكرتها يمكن أكبر....الحمدلله و لو شو كانت البنت متبرجه في النهاية عباتها عليها و عصاقيلها مستورة.. و يمكن بدون تبرج تلفت....في أشيا أهم كلنا نسيناها...

كل شيء مبني على المصارحــه بين الزوجين .. في وايد رياييل للأسف و هذا موقف صار لإنسانه مقربه مني .. إنه زميلة ريلها اطرشله إيميلات في الدوام وو عرفت رقمه و تمت تتصل و اطرش مسجات .. بس ريلها من النوع الخجووول الملتزم و ما يقدر يرد عليها و يصدها ويقول لها احترمي نفسج .. و العتب عليه لأن كل شيء يبتدي ابخطوة دام انه استقبل اول ايميل و ما علق بيتوالى عليه الكثير .. فمثل ما ذكرتي الرياااااااال مسؤووول عن حمايته لبيته من هاي الشبهاات .. فعشان جيه من الأفضل يخبر حرمته إذا شاف الموضوع اتفاقم عشان اتكون في الصورة ... ولو كانت في علاقة شغل .. مثلا هو مسؤول و عنده سكرتيره إدارية .. اطرش مسجات عن الشغل أو تتصل .. يبلغهاا ترا هاي سكرتيرتي و من واجبها اطرش لي مسج عن اجتماعات اليوم عشان الحرمه اتعرف و ما تتسرع و تحكم على بنت الناس انها لعابه ووو متحرشـــة...


للاسف اختي أغلب المواضيع منقوله .. و أكثر المواضيع مغلوطــة و مشكوك ابها و للأسف يستشهدون بآيات و يفسرونها على كيفهم عشان جيه من الغلط إني انقل موضوع أنا مب متأكده منه و من مصدره .. ووو في استغفر الله ناااس ألهم منتديات علمانيه يحرصون على نشر ها المواضيع ووو نحن كوبي وبيست .. و الحل الوحيد إن اللي في خاطره موضوع يكتبه من نفسه ووو يكون من مصادر موثوقــة كشيوخ الهم محاضرات وو كتب و مقالات (أقصد الأمور الدينية)

حلوو لو كل شهر انظم حملة مثلا حملة شهر ابريل (الغيبة و النميمة) وو انيمع مقالات وو فتاوى من كبار علماء الدين عن هذا الموضوع و القصص المذكورة الحقيقية عن الشيووخ اللي ذكروهن في اشرطتهم .. وو كيف تقدر الوحده منا تتجنب ها المشكله مثلا .. عشان انساعد ابعض ووو نقدر نتغلب على هاي المشاكل الموجوده .. ولو ما قدرنااا .. اللي سعت لها الشيء بتحصل أجر في النهاااية ..





أشكرج أختي ..