حد يعرف طريقة البلاليط اللي لونه أبيض ؟

**مسايا** · 2009-03-12, 15:50

السلام عليكم ورحمة الله
بنات..تقدرن جزاكن الله خير تساعدني ؟
أدور على طريقة البلاليط اللي لونه قبل الطبخ أبيض اللي حباته صغيرة؟
مب البني...
شوه نوعية البلاليط المستخدمة؟؟

اللي يكون فيه بصل و مكسرات
تعرفن الطريقة؟؟
ياليت تخبرني الطريقة
جزاكن الله كل خير

المزيد من آخر المواضيع من نفس القسم:

**بـنت_زاايـد** · 2009-03-12, 19:58

للرفع

**قطوه مينونه** · 2009-03-13, 00:31

احسن نوعيه حق البلاليط اللي عليه ورده حمره ( من خبرات الوالده الله يحفظها )

**الحب الاول** · 2009-03-13, 01:53

حبيبتي استخدمي البلاليط العادي بو الورده الحمراو لا الامارات

ولاتقلينه ولا شي وبيكون لونه ابيض

والطريقه اول شي انج اتفورينه ويا شوي زيييت وخليه ع جنب بنفس الجدر اللي مفوره فيه حطي زيت شوي وبصل وخليه لين ماحمر البصل وممكن اتحطين المكسرات نحن مانحط وطبعا البلاليط اللي مصفاي ظيفي عليه الشكر وممكن زعفران شوي وهيل مطحون وجلبيهم وعقب حطيهم فالجدر اللي فيه بصل وسخنيه لين ماينشووف عنه اي مااي وبس

**ورودة دبي** · 2009-03-13, 12:54

اختي البلاليط ابو بطه او الامارات اوكي

فوريه في الماي دقيقتين ثلاث بس يكفي عسب لا يصير عيين

**"ام صهيب"** · 2009-03-13, 16:17

و الله ما اعرف

**غــــلا عيمــان** · 2009-03-14, 08:59

اللي اعرفة انج تفورينة شوية ......

وبعدين تسوين نفس حمسة المعكرونة وتصبينه على البلاليط وتحركينة .......

واسمحياي هذا اللي اعرفة .........

**مسايا** · 2009-06-09, 13:26

يزاكن الله خير و غفر الله لكن ولوالديكن

**Lujain** · 2009-06-09, 16:12

الابيض الرفيع.. اللي تقصدينه.. اللي مصنوع من الارز ...
يكون في الكيس لونه ابيض و رفيع.. مصنوع في تايلاند و عليه شعار الفيل...
وافضله عن المعكرونه.... ويكون خفيف على المعده

**حزينة المساء** · 2009-06-09, 17:07

لا تقلينه ولاشي

**الخفاشه** · 2009-06-10, 00:10

سلام عليكم
البلاليط يا حبوبهانا اقولج طريقتي واتمنى تعجبج.
اولا :- تفوحين الماى وبعدين حطي اشوي زيت وحطي البلاليط ولما يستوي شوي شخلي .

ثانيا :- تكونين مجهزه نص كوب ماءورد وزعفران وهيل ناعم قبل لا تسوين البلاليط علشان الزعفران يعطي لون .

ثالثا :- حطي نص البلاليط في قدر وحطي عليه كوب سكر ثم مع ملعقة اخلطي ماءالورد والزعفران و ضيفي عليه .

رابعا :-حطي النص الثاني من البلاليط و سوى نفس الطريقة وضيفي عليه ربع كوب زيت وخليه يتسكر مثل العيش .

وبلهنا ء والعافية بس دعواتج لي ولعيالي .

**الخفاشه** · 2009-06-10, 00:19

طبعا لما تضيفين خلطة ماءالورد ضيفي نصه وخلي الباقي حق الوجه فوق السكر لأنك سوف تضيفين كوب ثاني من السكر على الوجه ثم تسكبين الزيت وماء الورد ........... اتمنى تكوني فهمتي قصدي .

**Al_Dloo3aa** · 2009-06-10, 02:25

يا بنات هي موقصدها البلاليط العادي هي تقصد البلاليط الابيض هو شرات البلايط العادي بس اي على اضعف شوي واطول وهو غير بعد عن بلاليط الفالوده
احيدني مره كلت منه وعيبني وكان وياه كاجو روعه ولذيذ
وانا ادور عليه ومو محصلتنه

**بدوووورة** · 2009-06-10, 07:16

انا بعطيج الطريقه اللي انا اسويها والكل يحبها ..
اول شي اتيبين كيس او كيسين من البلاليط او الشعيريه البيضه الرفيعه وتحطينها في جدر فيه ماي حار ومع شويه زيت واتخلينها لين تستوي شوي وبعدين شخليها وحطي عليه 4 فناجين شكر وخليه على جنب
الحين حطي جدر على النار وحطي شويه سمن وحطي عليه بصله وحدة كبيرة وحمسي شوي لين يستوي البصل واضيفي فوقه المكسرات اللي تحبينهن واهنيه اذا تحبين اضيفين بيض اختياري طبعا انا اكسر بيضتين في طاسه صغيرة مع شويه ملح وفلفل اسود واضربهم عدل واصبهم فوق الخليط واحمس الخليط لين يتسوي البيض بعدين اضيف البلاليط واخلطه زين وبعدين اضيف ملعقتين هيل وزعفران منقوع في فنجان ماي ورد من دون مااخلطهم واقصر على الضو واخليه يسكر 10 دقايق وبعدين احمس الخليط قبل التقديم
وهني على قلوبكن
انشااالله طريقتي اتكون سهله عليكن ..

الموضوع: حد يعرف طريقة البلاليط اللي لونه أبيض ؟

أدوات الموضوع

عرض

حد يعرف طريقة البلاليط اللي لونه أبيض ؟

المزيد من آخر المواضيع من نفس القسم:

المواضيع المتشابهه

طريقة البلاليط بالبيض من مطبخي وبالصور

طريقة سهلة لعمل البلاليط..

مشد أندنوسي لونه أبيض ؟!

طريقة البلاليط

الجدار دائما لونه أبيض ........ شوفو كيف ممكن انخليه لوحة فنية