شدو مبروك

[جوريه83]

حبيباتي بنات اريد اسألكم عن شدو مبروك منو جربته ؟ وهل الشدو ثابت والوانه حلوة؟ وهل يستحق اني اخاطر واشريته لوووووووووووووول حلوة مخاطرة بس صج يعني هل يستحق ؟؟


بليز حبوبات خبروني

لاني على وشك اني اشتريه فقلت اخذ خبراتكم بالأول

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مريم الشحي]

حددي عندج مبروك المخملي والمائي والبودرة العادي

على حسب

انا عالعموم اي ميكاب مهمن كانت ماركته دامه مخملي ميعيبني لأنه احسه شرات الرمل ^_____*

ممم شوفي بالنسبة لي افضل فيراروشي او عقولتهم فيراروسي هذا فنان صح

يكتبلج عليه مائي بس اترومين تستخدمينه بدون ماي بعد

هاي العلبة الي اتييج ب48لون كنت ابيعها قبل بس احينه ما عندي منها و من خاطر فنانة انا انصحج فيها

بس مبروك حلو للي تبا المكياب الخفيف الهادي
عرفتي ^___^

[مطنشة]

الألوان وايد مكررة

[الروح الولهى]

مشكورة فديتك

[جوريه83]

تسلمون حبايبي نصايحكم تهمني

يلا بنات منو بعد جربها ؟؟
وشو رايكم بشدو فيراروشي اللي تقول عنه الاخت الغاليه مريم الشحي....مبروك احسن ولا فيراروشي ؟؟؟

[مريم الشحي]

جوريه هههه بصورلج على اصابعي الالوان

اليوم ان شاء الله

الي هن المائية بالنسبة لفراروشي و مبروك
انا عندي مبروك المائي وعندي فيراروشي روحي استخدمه مب للبيع ^____*
وشوفي بروحج

تعالي نحن ما طرينا الماركات ؟!!!!!

اذا عالماركات ترى شي ثاني

بس انتي احس رمستج عن المكياج الي بتلاقينه فالسوق العادي وتبين تاخذين منه ولا؟

من جذا انا قتلج فيراروشي احسن شي ^_____^

يالله نتريا اراء البنات

وبالتوفيق حبي

[*أم الميث والشيوخ*]

انا سمعت كمن وحده قالت انه فيراروشي يتكسر بسرعه

[مريم الشحي]

كيف يعني يتكسر؟!!!!!

[عيون زوجها]

مبروك لونه مب هاك القوة يعني مب ثابت ما انصحج فيه لا تخاطرين مثلي الماركة الثانيه مثلها لmb اعتقد؟؟ والله مادري المهم احسن عنها

[شوق _ زايد]

للرفع

[MAHA21]

بالعكس شدو مبروك المائي ما عليه رمسة وتجارب البنات دليل والوانه قوية وثابته

وهنا الموضوع
http://forum.uaewomen.net/showthread.php?t=376929

[D.banoota]

أنا شريت شدو فيرارسي العلبة اللي فيها 80 لون من القرية العالمية..ألوانه حلوة بس مب كلها قوية..
بس عيبتني صراحة...يعني لو اتحطين تحتها بيس أو فاونديشن يطلع اللون أقوى و واضح ...
مع اني اخاف اشتري شي مب ماركة بس هالشدو عيبني..ما يسوي لي حساسية...

واايد رمست..

[جوريه83]

مشكورات حبيباتي شكلي هونت ما بشتري هالماركه نصايحكم فادتني

زين حبيبتي مريم الشحي شو من الماركات اللي تنصحيني فيها يعني اوفيس شدوهاتها حلوة وثابته؟
انا اريد اخذ من هالعلب اللي يكون فيها الوان وايده ...وبنفس الوقت اريد الكواليتي تكون زينه ..
مب شرط تكون مائية ...يعني اهم شي عندي تكون عندي باليته فيها الوان وايد وبجوده زينه ..
المخملي نو وي اخذ منه مره ثانيه بحياتي لوووووووووول يوم احطه جني حاطة تراب واللمعه فيه وايد قويه ...يعني اصير شمس ساطعه لوووووووووول

يعني خواتي اريد شدو بجودة ممتازة وبنفس الوقت السعر ما يكون غالي ..يعني باليته فيها الوان وايده ....خبروني عن اسعار ماك وفور ايفر غاليه ولا شو؟

[ام مثالية]

ما جربت هالماركة

[ام عمر1]

اذا تبين شدو للاستخدام اليومي او الزيارات والمناسبات الخفيفه انا انصحج بمكياجي ..عندهم الباليتات اللي فيها مجموعة الوان واسعارهم زينه..