ابغي شوركم

[r3bobah]

يعصب على اي اساس ترى هو بعد مطنش

قوليله انت بعد مطنشني وما سألت علي ولا اطرش مسجات ولا شي

الله يهديه ان شاء الله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بقايا جروح M]

ههههههههههههههه ..... مرحبا اختي همس ....حبيبتي والله انج يوم ترمسين عن حالتج جني اسمع مشكلتي ويا ريلي ... والله ان ريلي شرااااات ريلج بالضبط ما يتصل وعادي يقعد 3 ايام ما يتصل واذا دق يكلم دقيقتين ويبند

وانا جربت سالفه اني ما اعبره ولا اتصل فيه ولا اطرش له مسجات وزعل وتضايق مني ...... حبيبتي رياييلنا من النوع الي يوم قرروا يعرسون قرروا لانهم محتاجين الحب والحنان ويبونه بالحلال ..... وهم يمكن من النوع الي مايعرف يتعامل مع الجنس اللطيف وماعندهم اسلوب

دخيلج انا الحين استوالي 6 شهور مالجه ولاعمري سمعت منه كلمه احبج ولا حتى اشتقتلج حتى ولو بالغلط .... بس هو يباني دوم اعبر له عن حبي وشوقي له

بصراحه انا ما انكر احس كل ماقرب وقت العرس كل ماتغير ريلي واستوا يتصل ويسال ويسولف ..... حتى ربيعتي مرت بنفس الحاله وقالت انه يوم قرب وقت العرس وما بقى شي عليه تغير ريلها وقام يتصل واااااااايد ويسولف


فديتج عودي عمرج على التطنيش وعيشي حياتج واشغلي عمرج باي شي مهما كان الشي سخيف ولا تضايقين عمرج نحن داخلين على حياه زوجيه تبي منا ان نكون قويات لان في امور اصعب بنواجها ....

بس نصيحه لا تقطعين شي انتي عودتي ريلج عليه لانه بيدوره من عند غيرج

لا تقطعين المسجات الي تطرشينها مهما صار .... بس لا تتصلين ابد عليه واذا اتصل ردي عليه ويوم تردين كوني هاديه ولا تتكلمين ابد يعني بعد ما يسلم انتي سلمي عليه اسكتي انتي بهالطريقه بتحسسينه انه غلطان بدون ما تجرحين كرامته وبتخلينه بموقف يتطر انه يسولف وياج لانج ساكته وشوي شوي بتغير


انا ادري ان فتره الملجه المفروض تكون احلى ايام العمر بس انا وانتي الظاهر مالنا نصيب فيها وان شاء الله الله يعوضنا عقب العرس ....ههههههه <<< وحده تعطي عمرها امل

[دلووعة زماني]

ههههههههههههههه ..... مرحبا اختي همس ....حبيبتي والله انج يوم ترمسين عن حالتج جني اسمع مشكلتي ويا ريلي ... والله ان ريلي شرااااات ريلج بالضبط ما يتصل وعادي يقعد 3 ايام ما يتصل واذا دق يكلم دقيقتين ويبند

وانا جربت سالفه اني ما اعبره ولا اتصل فيه ولا اطرش له مسجات وزعل وتضايق مني ...... حبيبتي رياييلنا من النوع الي يوم قرروا يعرسون قرروا لانهم محتاجين الحب والحنان ويبونه بالحلال ..... وهم يمكن من النوع الي مايعرف يتعامل مع الجنس اللطيف وماعندهم اسلوب

دخيلج انا الحين استوالي 6 شهور مالجه ولاعمري سمعت منه كلمه احبج ولا حتى اشتقتلج حتى ولو بالغلط .... بس هو يباني دوم اعبر له عن حبي وشوقي له

بصراحه انا ما انكر احس كل ماقرب وقت العرس كل ماتغير ريلي واستوا يتصل ويسال ويسولف ..... حتى ربيعتي مرت بنفس الحاله وقالت انه يوم قرب وقت العرس وما بقى شي عليه تغير ريلها وقام يتصل واااااااايد ويسولف


فديتج عودي عمرج على التطنيش وعيشي حياتج واشغلي عمرج باي شي مهما كان الشي سخيف ولا تضايقين عمرج نحن داخلين على حياه زوجيه تبي منا ان نكون قويات لان في امور اصعب بنواجها ....

بس نصيحه لا تقطعين شي انتي عودتي ريلج عليه لانه بيدوره من عند غيرج

لا تقطعين المسجات الي تطرشينها مهما صار .... بس لا تتصلين ابد عليه واذا اتصل ردي عليه ويوم تردين كوني هاديه ولا تتكلمين ابد يعني بعد ما يسلم انتي سلمي عليه اسكتي انتي بهالطريقه بتحسسينه انه غلطان بدون ما تجرحين كرامته وبتخلينه بموقف يتطر انه يسولف وياج لانج ساكته وشوي شوي بتغير


انا ادري ان فتره الملجه المفروض تكون احلى ايام العمر بس انا وانتي الظاهر مالنا نصيب فيها وان شاء الله الله يعوضنا عقب العرس ....ههههههه <<< وحده تعطي عمرها امل

الغالية انا من راي اختي بس لا تسوين منها مشكلة انا زوجي كان ايااام الملكة لا يطرش مسجاااات

وانا كل يوم اطرش والاتصال اذا اتصل دقيقتين ويسكر لي ما استوت حالتي النفسية صعبة

ووصل الامر اني كنت ابي افسخ الملكة بس الحمدالله الكل نصحني بالصبر وهو ما شاء الله عليه

ريااااال ما ينعاب اخلاق ودين وطيب وكريم والكل يشهد انه محبوووب من الكل

وتزوجنااا ولله الحمد احنا نحب بعض ومتفاهمين والله لا يحرمنا من بعض

ويوم قلتله يوم من الايام اني كنت بفسخ الملكة عسب هالاسباااب زعل مني وقاالي انا ما كنت اعرف

هالسوااالف ولا عمري كلمت بنيه فساااامحيني الحين بنوعض بعض

هههههههههههههه اسفة طولت عليييج بس مااالج الا الصبر

وان شاء الله الله بيسعدج

[مرت حبيبها]

يمكن يكون مشغول .. لأن في بعض الأحيان ممنوع استخدام الموبايل ف الدوامات . إذا هو ف الجيش ممنوع يستخدم الموبايل لين آخر الدوام .. وو الغائب حجته معاه .. أدري ان هالشي صعب عليج لأنج اتعودتي تسمعين صوته و ما ترتاحين لين ما تسمعين صووته بس يمكن طبيعة شغله ما تسمحله .. و أنتي استفسري منه و أساليه عن السبب

[بنوتة اماراتي]

اثقلي
ولا تقطعين المسجات لانج عودتيه عليها
بس خففي منها
واذا سئلج وقالج ليش
قوليله لان ما احصل منك تجاوب يشجعني
بس ييبيها بدلع

واتصال لا تتصلين و يوم يتصل لو دقيقتي برايه
يمكن هو ما يعرف كيف يسولف معاج
انا ريلي جيه
ومثل ما قالت وحده الخوات رده كان انه ما عنده تعامل مع البنات
ومب عارف كيف؟
فانتي علميه
وقوليله الكلمه الحلوه
خليه يتعود يسمعها منج
بس مب بشكل يومي تقولين له احبك و اشتقت لك
بس عوديه عالكلام الحلو بشكل عام
وحاولي مثلا يوم يسالج عن شي مثلا
وين بتروحين مثلا
قوليله حبيبتك بتروح الصالون مثلا
هو صح ما قالها بس انتي قوليها
وان شاء الله شوي شوي بيبدا يقول
بعد يمكن يستحي حليله خخخ

[تسونامي]

الله يتمم لكم على خير

[$فاقده غالي$]

الله يحنن قلبه عليج

[سالفـة عنـاد]

يمكن الريال طبعه جيه او يمكن عاقل زياده وما عنده سوالف حب وما حب او دلع وغيره لان نصهم جذه


انا ريلي قبل بالملجه وايد يتصل ونرمس بالساعات (( تعرفون معرس يديد فرحان )) :12 (51)

والحين مب نفس اول يقولي الرمسه وايد مب زينه قرقر زياده ما في زين

[Um 9ale7]

اول شي افهمي منه انج غلطتي معاه بشي واذا قال هيه حاولي تحلين المشكله

واذا قال انج ماغلطتي بشي خلاص اتركيه بهواه شوفي هو وين يبا يوصل معاج وشو اخرته

وحاولي تكسبينه مو تشردينه منج اعزميه في بيتكم وسويله عشا او ناديه على ريوق او عصريه اهتمي فيه من البدايه وعلى كل زياره عوديه تعطينه هديه لو تكون بسيطه مثلا عطر او تيشيرت الخ وقبل مايطلع من عندج بخريه

خليه يهيم ويموت فيج من ايام الملجه وعلى فكره الريال يحب الفرفوشه مو المعقده الحنانه راجعي نفسج

وييبيله سوالف ضحك مواقف حلوه تضحكه تخليه مره مايرتاح الا بقربج وخليه يقول فقلبه وينها هذي عني من زمان وخليه يقول متى بنعرس خلاص مااصبر عنها

وبس هذا الي فبالي الحين

والله يوفقج

[اسياا]

حبيبتي في ريااييل مااايحبون كثرة الكلااام يعني بالمختصر سولفي وياااه

انااا ريلي ايااام الملجه كااان مااا يحب يرمسني يعني لوو يبي يسال عليه يدزلي مسج وكان كل سوااالفناا بالمسجات والله يعني بناادر بس انااا مليت وابي اغير هاااشي مره قلتله عنووووني اناا اذا ماا سمعت صوتك اذوووني تعووورني ومااا ترتاااح الا واسمع صووتك صوووتك واااايد حلووو عقب صار يتصل فيني بس مااا يطول معاااي كلمتين ورد غطااهاا ومع الاااااياااام تغير شوووي وانتي عيشي حياااتج وضحكي ولااا تفكرين بهاااشي تراااج بتتعبين والله فديتج خلج عااااديه ولااا تهتمين من هالشي والسمووووحه على الطااااااااااااله

[جرح وحداوي]

الموضووع قديم..

[ذوقي صعب]

مادري ليش يقولون فترة الملجة وايد تكون حلوة ..انا اشوف العكس ..

مادري بس من رايي احس ان فترة الملجة ثقيله شوي .. وتكثر فيها المشاكل لان التواصل يكون بسيط وبالتلفون غالبا ..بس عقب الزواج تخف المشاكل ..وكل واحد يفهم الثاني ..وعلى حسب في ناس يعيشون في المشاكل سواءا في الملجة ولا عقب الزواج ..سيم سيم .. والله يعينا
وانا عن نفسي .. الحمدلله المشاكل خفت عن قبل العرس .. بس (التفاهم )كلمة احط تحتها خط احمر واااايد مهمبين الزوجين

[Miss_Patchi]

اب اب اب
اب اب
اب

[Yuki-chan]

طنشيه بعض الرياييل يحبون الحرمة الثقيلة دام هو ما يرد خلاص لا اطرشين ولا اتييبين له طاري ولا اتعاتبينه واذا عرسكم بعيد نصيحة مني لا اطولون فترة الملجة لان البعض يمل ويصير فتور في العللاقة فاحسن اتعرسون قريب واذا اتصل فيج وشكله يبا يرمس معاج فترة اطول اتعذرني منه وقوليله انج مشغولة وبتسكرين ولا اتبينين له انج متضايقة خلج كووووووول يعني سوي فيه نفس ما يسوي فيج فهمتي علي

[вiηт вo'9αвi]

الله يوفقج و يسعدج و يرزقج مرادج