نشتري ولا ما نشتري ... بس كيف !!

**ليل العنا** · 2009-03-09, 13:30

السلام عليكم ورحمة الله وبركاته

حبيت اتشارك معاكن في موضوع المشتريات المطلوبه من النت ... اليوم كنت رايحه افتح خدمة Shop & Ship في الارامكس خدمة جدا حلوه وممكن تفيد في وايد اشياء .. عرفت من خلال بعض المواقع انه في اشياء لو تبين تشترينها ما تتصدر خارج الدوله مثلا في الولايات المتحده تكون بعض البضايع ما تخرج عن نطاق الولايه وكذلك بريطانيا .. خدمة Shop & Ship هاي اتوفر عليج انهم يفتحولج بريدين عندهم واحد في امريكا والثاني في لندن .. لو تطلبين اي شحنه من برع او بضاعه نطاقها بس في حدود الدول المذكوره هالخدمه اتوفرها لج لين عندج .. حلوه صح !!
وهو بريد تفتحينه مره وحده مدى الحياه على قولتهم ما يحتاي تجديد ولا يحتاي تدفعين رسوم غير مره وحده اللي هيه 130 درهم في بداية الدفع وبس ....
.
.
.
.
بس سألتهم عن بطاقة الماستر كارد للأرامكس نفسهم .. انا عرفت انها بطاقه مسبقة الدفع يعني انتي تحطين فيها المبلغ اللي تبينه .. بس يا بنات محد مدحها .. لانها اولا .. من تحطين فيها مبلغ يوصل المبلغ عقب فتره يعني ياخذله 4 ولا 6 ايام لين يوصل .. وبعدين ما يوصلج مسج فوري يخبرج بالمبلغ اللي انسحب من البطاقه ..
عرفت انه بطاقة بنك أبوظبي الوطني بطاقه جدا رائعه ..تدفعين اليوم باجر الفلوس يكونن في البطاقه هذا من غير انه توصلج مسج فوريه على طول من يتم سحب اي بلغ منها عن طريق النت ..
وهذا عنوانها للي حابه تعرف عنها اكثر . . .

ممنوع وضع المواقع على العام
بس خواتي عندي استفسار يا ليت لو منكن عندها معلومه اتخبرني بها ولا نتساعد كلنا فيها ..
1- المواقع المضمونة للشراء ... غير طبعا ebay و amazon
2- الأشياء اللي تقدرين تطلبينها .. شو نوع الخامه او شوه نوع الطلبيه هل هيه بس ملابس ولا كريمات ولا ... الخ ..
3- اكيد حد منكن طلب من النت .. اتقولنا شو نوع الخدمه وشوه حالة البضاعه اول ما وصلتها ..
4- هل صادفت مشاكل مثل استبدلت البضاعه اللي هيه طالبتنها وكيف قدرت تتصرف في هالموضوع ..
5- شو احسن بطاقه استخدمتيها "" البطاقات المدفوعه مسبقا اللي هيه قابله للشحن "" .. ومن اي بنك وكم كلفتها البطاقه .. وهل لازم يكون للشخص اللي بياخذ من عندهم البطاقه حساب عندهم أو انه له معاش جاري ..؟

هل الأسئله اللي تدور في بالي الحين ياليت لو نتساعد .. واللي عندها خبره في هالشي تقولنا عليها .. جعله الله في ميزان حسناتها ..
واللي عندها اي استفسار او تحب اتضيف شي للموضوع اتضيفه .. يمكن اكون نسيت نقطه او في اشياء تدور في بالكن غير اللي عندي ..

ماعرف اذا الموضوع متكرر ... أرجوا المساعده

وشكرا للجميع

المزيد من آخر المواضيع من نفس القسم:

**الوزيرة** · 2009-03-09, 14:32

عرفت انه بطاقة بنك أبوظبي الوطني بطاقه جدا رائعه ..تدفعين اليوم باجر الفلوس يكونن في البطاقه هذا من غير انه توصلج مسج فوريه على طول من يتم سحب اي بلغ منها عن طريق النت ..

حبيت اوضح لج شغله ان الفلوس على طول تدخل في البطايه مش اليوم الثاني .. بس للاسف ما يوصلج مسج بالمبلغ المسحوب والمتبقي ..

**بدون_عقل** · 2009-03-09, 15:57

انا جربت بطاقة الارامكس بالبطاقة وايد اوكيه بس للايف القوها
عندج بنك ابوظبي الاسلامي بطاقته وايد اوكيه بس المشكله مش أي مواقع يوافق انه يسحبها الا المعروفه ويوصلج مسج بالمبلغ المسحوب

أبوظبي الوطني تقبل كل المواقع

**الورد** · 2009-03-09, 16:06

متابعه ^_^

**miss-cristalo** · 2009-03-09, 16:08

انا عندي بطاقة مصرف دبي ووايد مرتاحه

**ليل العنا** · 2009-03-09, 19:14

مساء الخير ...
شكرا على المرور خواتي ... والحلو انكن شاركتن في الموضوع .. على قولتهم اثلجتن صدري .. قلت محد بيرد..
انزين انا اللي قريته في قايمة ارامكس لبضايع الغير قابله للشحن انه من ضمنها ممنوع العطور وممنوع الاكل يخافون انه يخيس انزين ماعليه ندري الاكل بيخيس هب مانعرف نحن هالاشياء بس في حلويات ما تخترب لو من متى منقوله ... صح ولا مثل الاصبيعات المصاصات ....> مال اول انا على قولتهم البرميت ..
.
.
بعدين استغربت قلتله كيف ما تشحنون العطور ..!! اوكي مب مشكله قلتله على اساس مضارب زجاج ومادري شوه بس مادخل عقلي اللي كاتبينه ... قلتله انزين علب الكريمات تي في بلاستيك ما يخصها بالكسر وغيره ... "" لازم اعرف كل شي وليش ممنوع "" ... ودخلني في متاهه وقالي من عقب سالفة 11 سبتمبر ومادري شوه ... بداااا المواال قلت
ياهي نشبه وبعدين .. قلت عيل انا شله مسوتنها هالبطاقه ....!!! وانا اطالعه
قالي شوفي السياره اللي برع انا طالب الرنجات " الرنغات " من برع بالشحن ... جان اقوله زين ما شاء الله عاد انا ما بطلب رنجات الله يهديك
....!!!!
المهم حبيت حد يساعدني منكن ماشي طريقه ثانيه للشحن .. ولا كل مراكز الشحن تتعامل نفس الشي ؟ يعني في اشياء ممنوعه واشياء مسموحه ..
ويسلمو على المرور مره ثانيه .. ^^

**rozee** · 2009-03-09, 20:10

**دلوعه الموت** · 2009-03-09, 20:40

متااااابعه معااااااج

**ليل العنا** · 2009-03-09, 22:11

هههههههههههههههه دلوعه .. دوري انزين معايه ساعديني الفزعه ... على قولتهم

**ريمي** · 2009-03-09, 22:46

انا ربعتي تطلب من موقع فكتوريا سكرت ومره طلبت شنطه وفي هالشنطه عطر وكريمات احجام صغيره بس الظاهر الجمارك ما انتبهوا ان الشنطه فيها عطور

**دلوعه الموت** · 2009-03-09, 23:26

انا ريلي عنده بطاقه نت من دبي الاسلامي ولاازم يكون عندج حساب هناك وراتبج ينزل هناك بس البطاقه تكوون لفتره معينه ومب لازم تحطين فيها بيزات يعني الرصيد الي يكون في بطاقه الفيزا يكون في بطاقه النت ..
والي اعرفه العطوووور والاشياء السائله ممنوع مايشحنونهاا ..

وانا من فتره يالسه ادووور مواقع اطلب منها قبل ماتخلص صلاحيه البطاقه .. عشان جيه سحبتلي كرسي وبجابل موضووعج ,, يمكن استفيد

**ليل العنا** · 2009-03-09, 23:32

تعرفين دلوعه نبا نستفيد من البنات اللي يطلبن هالنوع من البضاعه اللي هيه سيت كريمات .. الأطقم
كيف انزين ...

**الدلع كلـه** · 2009-03-10, 00:00

للرفع

**دلوعه الموت** · 2009-03-10, 00:29

شوفي انا مره دشيت موقع للبودي لوشن وهالسوالف وقلت بخلي تاجره تطلبه لي من المنتدى ويوم قلتلها قالتلي ممنوع مايشحنونه ..
فانا الله يسلمج غسلت ايدي منه ,, وقلت ماعليج الا باللبس والنعله وهالسوااالف ..
مع انه في واااايد اشيا للجسم وعطوورات برع مافي هني ,, بس ماباليد ..حيله

**yuliaa** · 2009-03-10, 00:52

انا ربيعتي جربت ها الخدمه و وااايد تمدحها بس تقول يتاخرون .. بس دايما تووصل الاشيا و تطلب جم مره من فيكتووريا سيكرت و المواقع الثانيه اللي يبيعوون فيها اللانجريهات و التنكري و قمصان النووم و تووصل بعد

الموضوع: نشتري ولا ما نشتري ... بس كيف !!

أدوات الموضوع

عرض

نشتري ولا ما نشتري ... بس كيف !!

المزيد من آخر المواضيع من نفس القسم:

المواضيع المتشابهه

من وين نشتري بنات

شو نشتري من النمسا؟؟؟

كيف نقدر نشتري بيت؟؟؟

من وين نشتري الجليسرين؟

منو تعرف من وين نشتري هذا