منو تقدر تساعدني

**حرمة الذيب** · 2009-03-08, 15:05

انا متزوجة من مواطن من سبع سنوات وما طلعلي الجواز رغم اني عمانية صح بس مولوده هني وعايشة هني وتخرجت من جامعة الامارات وكل حياتي هني والله قهر المصرية والهندية يتجنسون وانا بنت العرب والناس ما عطوني تخيلوا كل ما نروح نسال يقولوا ماشي واني عندي اربع عيال
انا ما اعرف شسوي مليت الظلم
اسمحولي ما قادرة اكمل الحين بس اللي تقدر توصلني حق اللي يقدر لاتبخل علي

المزيد من آخر المواضيع من نفس القسم:

**حرمة الذيب** · 2009-03-08, 15:23

ولا وحدة حابة تساعدني الله يقويكم عالخير

**tilkalora** · 2009-03-08, 17:39

ياليت لو اقدر اساعدج والله ماعرف

**rose_dxb** · 2009-03-08, 18:30

حبيت ارفع الموضوووع ...ياليت اقدر اسااعدج

الله يهونها عليج

**العسلاية** · 2009-03-08, 18:33

للرفع

**rozee** · 2009-03-08, 23:44

**فلانة** · 2009-03-08, 23:56

والله زمان اول تغير اول الامور ميسرة الله يرحمك يالشيخ زايد
اعرف وحدة عمانية مثل حالتج لين الحين ماطلع لها الجواز
ماعليه حبيبتي الامور تطول
وعليج بالاستغفار والله يكتب لج الفرج ان شاء الله

عيناوية* · 2009-03-09, 00:23

اختي اول كان الموضوع سهل الحين على الكل صعب ،ومب زين منج تقولين( المصرية والهندية يتجنسون وانا بنت العرب والناس ما عطوني ) تراهم بعد بنات ناس ، جارتنا يمنيه متزوجه ولد عمها من 6 سنوات وعندها عيال ما خذت الجواز للحين ،والقانون يمشي عالكل واللي عايش في دار زايد ما ينظلم

**hind25** · 2009-03-09, 05:53

هم انا يارتى مصريه ومتزوجه مواطن تقريبا من 7 سنين وما طلعلها الجواز لين الحين ومسكينه كاسره خاطرى لان ريلها ما طاع يسويلها الجواز لين الحين والبيت واليهال والمسئوليه كلها فوق راسها لا وزود انه ميلسنها مع اهله وكل ما يت يلست وياى سالتنى عن موضوع الجواز لانها تبا تشتغل وانا ما اقدر اساعدها بشى فياليت اللى تعرف طريق ولا حل لها السوالف تخبرنا والله يعين اللى مثل حالتهم

**رنوسي** · 2009-03-09, 06:05

والله اعرف وحدة مصرية مسكينة متزوجة من 11 سنة للحين ماخذت الجنسية ووحدة عمانية من 9 سنين بعدها ماخذت الجنسية لكنهم صابرات والحمدلله على كل حال والقانون ترا يمشي ع الكل يا اختي الكريمة
عليج بالاستغفار والدعاء

**شهلا ...** · 2009-03-09, 06:50

للرفع

الموضوع: منو تقدر تساعدني

أدوات الموضوع

عرض

العرض المتطور