بنتي صرخة في وجه.....

[&:) ام حمد :)&]

السلام عليكم ورحمة الله وبركاته

خواتي ساعدوني في شخصية بنتي...عمرها 3 سنوات....


اليوم الصبح وديتها المدرسه مدرسه خاصه كلها اجانب(خضانه بشكل راقي)والمدرسه عندها مساعدة مدرسه البنت شكلها ماتحب هذي المساعده فاول ما شفتها صرخة في وجهها لدرجه انه المساعده عطة بنتي نظره ما انساها لين ما اموت وانا حاولت اخلي بنتي تعتذر من الساعده بس ما رضت بالمره وحطووها في النوتي جير ....

يمكن المدرسه تعامل بنتي غير فالبنت ماتحبها معلش بس انا اريد حل في بنتي ما اريدها اتصارخ او تقل ادبها على الي اكبر منها فلهذا السبب وافقت انها تنحط في النوتي جير


ما اعرف وين المشكله بس انا متضايقه من الي صار؟؟؟

المزيد من آخر المواضيع من نفس القسم:

• قصة الفتاة الشجاعة لرياض الاطفال
• قصة الحوت السعيد لرياض الاطفال
• قصة النسر الأعمي لرياض الاطفال
• قصة الحطّاب الفقير والعجوز لرياض الاطفال
• قصة الضفدع الذي كان امير لرياض الاطفال
• قصة الفأر فرفور الغبي لرياض الاطفال
• قصة البطة الشقية لرياض الاطفال
• قصة النملة الكريمة والنملة البخيلة لرياض...
• قصة الذئب والكلب لرياض الاطفال
• قصة الدببة الثلاثة والطفلة الصغيرة لرياض...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صدى حنيني]

اسئلي المدرسه عن تصرفات بنتج ... ماقصد المساعده لا ... المدرسه الاصليه ماعرف شو يقول لها ... وتمي تابعي بنتج ... وحتى اسئلي ربعها ترا اليهال يفضحون الواحد وعادي يخبرونج بكل شيء .. يمكن هالمساعده شرية ويا بنتج ... وانا اتوقع هالشيء لن مستحيل اتصارخ بدون سبب !! وشمعنى على هذي بالذات !!!

والله يكون فالعون ..

[أم رفيعة]

الغاليه انا لو مكانج وسوت جي في بنتي والله اذبحها والعيال اكيد شافو شي ولا بنتج ما بصارخ انتي كلمي المدرسه وقوليلها لا تسوين جي في بنتي والغاليه واايد شي حضانات واحلى مدرسات فيهن وانتي كلمي بنتج وخليها تفهمج ايلسي نفس مستوى بنتج وخليها اتشوف عينج وخبريها عيب ماما انصارخ في حد كبير اذا حد سوالج شي خبريني وجي وبهالاسلوب والله يحفظها وخليلج اياها الغاليه

[نبض قلبي]

انصحج كلمينها عشان ماتعقد بنتج وتكره المدرسه ..وبعد هاي ياهل كيف تتطالعها بهالنظره حتى لو ضربتها لازم تتحمل لانها ياهل وصغيره ..

[العذوب]

راجعي تصرفات بنتج ... حتى اللي في البيت ,.


شوفيها هل من طبعا تصارخ عليج أو على أبوها .؟


هل هي من النوع العدواني شوي مغ غيره ؟



تحب السيطرة أو ترضى بأي شيء.؟



شوفي ردود فعلها ..



وعقب بتفهمين إذا البنوتة خطأ أو المدرسة خطأ... بتحكمين

[&:) ام حمد :)&]

جزاكم الله الخير والله وايد استانست بردوودكم

سالت بنتي وقعدت وياها ليش ما تحبين فلانه قالت ماماه هي تطالعني جذيه اخاف منها (((يعني تبحلق فيها ))) اتطير عيوونها على بنتي فشكل بنتي استجوت يومم شافتني عندها ففجت حرتها والعالم الله....

[صدى حنيني]

فديييييييتها حراااااااااااااااااااااااام
سيري عند المدرسه وكلميها ولو تشتكين عليها تسوين زين .. شو ماتخاف ربها تعامل الصغيرونه جذيه !!
واعليه تلقينها شاله فقلبها من متى