مشكلتي! حد مر عليه ؟

**ام مناير22** · 2009-03-06, 02:08

السلام عليكم
بخبركم بسالفتي
اولا انا البس عباة راس وقفازات يعني كلي سواد مايبين مني شي
لاحظت يوم اسير اتسوق وادخل محل يكون في مول ولا من المحلات الراقيه اول ما ادخل محد يعطيني ويه اتقولون يايه اشحت ولايتحسبون داخله اطالع بس ليش يعني المتحجبات مايشترون شي مايكشخون يعني لازم اييهم متكشخه عشان يسولي سالفه لاكن انا ماعطيهم ويه اخذ اللي اباه واطلع ولا يستغربون يوم يشوفوني متشريه اشيا وايد بقولكم في مره دخلت محل مكياج وعطور طبعا ولا وحده عبرتني جنهم يقولون شلها والمكياج والعطور ويوم شافوني اخذ واسال عن اشيا اشوف الكم يمكن اربع ورايه مستغربات ولاسويتلهن سالفه خذت الي اباه وظهرت من المحل
ومحل القمصان بعد استوالي نفس الشي شافتني ودبرت عني اللي في المحل وعقب يتني يوم شافت اني ماخذه وايد ولا وكلهم قصار وحركات عاد اونها يت تسالني جان اقوللها انتو الظاهر ماتبون حد ياخذ من عندكم وعقب ماشلتهن عني وتبى اتحاسب جان اخليهم واطلع عنها غياظ حقها ولا يالسه تزقرني عشان ارد لكن ماعطيتها ويه ودخلت محل ثاني
واسمحولي طولت عليكم وهاي سالفتيه اشرايكم وقد حد استواله جذيه .

المزيد من آخر المواضيع من نفس القسم:

**دموع2009** · 2009-03-06, 02:14

لا تخلين هالأشكال تأثر فيج
ما عليج منهم انتي عزيزة النفس وبتبقين عزيزة
ولا تحطين في بالج هالأفكار

**هـواجس** · 2009-03-06, 02:15

ماعليج من حد
دامنج الصح والقافله تمشي والــ *** تنبح !!
يتحسبن الي بعبيهن ومستورات مايفهمن بشي
مايعرفن ان هذيلا حاشمات اعمارهن ويعرفن يكشخن عند منو ويتسترن جدام منو
ولكن هايـ دنيا جي اذا تبينها تعري لها
واذا ماتبينها أغتربي
وطوبى للغرباء

ماعليج اختي والله يثبتج على طاعته

**ام مناير22** · 2009-03-06, 02:21

مشكورات الغاليات
اصلا ماسويلهم سالفه
والله يثبتنا على طاعته

**wegdan_111** · 2009-03-06, 02:25

حبيبتي ام مناير ما عليج منهم خليج جي اصلان هم يمرون عليج دقيق ليش تزعلين عمرج عليهم وين بتشوفينهم تاني وانتي على حق انا احس تصرفتهم هذي احترم لج موب خوف الحرمه يوم تكون ملتزمه يكون لها هيبه ربي يوفقج

**فطــامــي** · 2009-03-06, 02:28

المشاركة الأصلية كتبت بواسطة هـواجس

ماعليج من حد
دامنج الصح والقافله تمشي والــ *** تنبح !!
يتحسبن الي بعبيهن ومستورات مايفهمن بشي
مايعرفن ان هذيلا حاشمات اعمارهن ويعرفن يكشخن عند منو ويتسترن جدام منو
ولكن هايـ دنيا جي اذا تبينها تعري لها
واذا ماتبينها أغتربي
وطوبى للغرباء

ماعليج اختي والله يثبتج على طاعته

**فديتني** · 2009-03-06, 02:28

الله يثبتج ويثبتنا وياج ع هدايته وطاعته يارب

^_^

**ام راشد..** · 2009-03-06, 02:41

ما عليج منهم الغالية
الله يثبتج انشاءالله
ولاتحطين هالسالفة في بالج انسيها
الله يوفقج

**دبي1212** · 2009-03-06, 02:53

الحرمه يوم تكون ملتزمه يكون لها هيبه ولا تسوين لهم سالفه ^_^

الله يثبتج ويثبنا اجمعيييييييييييييييييييييييييييييييييييييييييييييي يين

**دهن_العود** · 2009-03-06, 02:58

خخخخخخخخخخخخخخخخخخخخ

الصراحه نفس التيه بس انا بنقاب وكلهن ترا جذيه وانا من ادخل خاااصه لاسنزااااا اتقولين شبح داخل عليهن

انا ماسويلهن سالفه..ابد

ازقرهن واخليهن ايراووني كل قطعه على صوووووووووب عاد غياااااااظ

واتفنن واخبرها بالمقاااااس واطلعليه الف لون وشكل لوووووووووووووووول

شريره

اصلا دواهن جذيه ...

لو منج باخذ وبرقا فووووووووووق ولا عليج حبيبتي لاتسولهن واخذي واتشرطي وادللي انتي الزبونه واهن اللي يخدمن دام جذيه سالفتهن

...والله ذكرتيني كل ماسير السوووق اخذ غرض اليه يستويبي جذيه...........

حاله

اللله المستعان ولا علييج منهن
وربي ايثبتج على دينج اجمعين

**سارا الحلوة** · 2009-03-06, 03:02

حبيتي والله ... خلهم يولون ... اهم شي انتي ... لا تظايجين ولا عليج منهم ...

**معصقلة** · 2009-03-06, 03:06

ماعليج اختي ولاتهتمين والله

انزين انا من النوع اللي ماتغشى وماحط مكيب يوم اظهر

ويوم ادخل محلات ميكب مااحسهم يسونلي ساااااالفة
خخخخخخخخخخخخخخ

بس طبعا طاااف

**كلمه_حلوه2010** · 2009-03-06, 03:11

تصدقين عيل انا بعد البس عباة راس -بس بصراحه ما استوت هالحركات فيني-ما عليج منهن -

**بنوته غير** · 2009-03-06, 03:22

الله يثبتج ويثبتنا ياااارب

**][ماريا ][** · 2009-03-06, 03:24

الله يثبتنا واياج أختي أم مناير ويزيدنا من فضله يا رب

صارت لي هالحركة كثيييييييير ولكن طنش تعش تنتعش

والحمدلله أعتز بديني وأفتخر بحجابي وأمشي وأنا رافعة رأسي فووووق ولله الحمد
واسويلهم طاااف من الخاطر وبعد شوي ألاقي الكل مهتم فيني شرات ما يستوي لج بالضبط خخ

وأعزي نفسي واصبرها بأننا في زمن الغربة اللي ذكره الرسول صلى الله عليه وسلم "بدأ الإسلام غريبًا، وسيعود غريبًا كما بدأ، فطوبى للغرباء"

الله أكبر

فأسأل الله أن نكون منهم وأسأله تعالى لي ولكم الثبات على الدين

الموضوع: مشكلتي! حد مر عليه ؟

أدوات الموضوع

عرض

مشكلتي! حد مر عليه ؟

المزيد من آخر المواضيع من نفس القسم:

المواضيع المتشابهه

شوروا عليه فـ مشكلتي مع أمايه والعرس

مشكلتي غريبه وهينه دشن شورن عليه وساعدني

مشكلتي ويا شركة البوم؟؟؟شورروا عليه!!!

بنات انا ماكتبت الاودموعي غرقتني دخيلكم شورو عليه <<مشكلتي مع ريلي