سكن عمال

**umm azooz** · 2009-03-05, 18:24

السلام عليكم ورحمة الله وبركاته

خواتي عقب ما اطرح لكم مشكلتي ودي كل وحدة منكم تبدي رايها او على الاقل تنصحني شو اسوي

خواتي انا متزوجة وصار لي سنتين خذت واحد من دبي وساكن فبيت ايجار مع اخوه وحرمته وعياله وامه طبعا 0000المهم كملنا 7 شهور فهذاك البيت وعقب انتقلنا منطقة ثانية نسكن فينا بعيدة تقريبا من دبي

بسبب زيادة اسعار الايجار واخوه ما يداوم طبعا واللي كان يصرف على البيت زوجي وامه تحط شوي

المشكلة الحين نحن ساكنين فشقة متكونه من 4 غرف وصالة ومطبخ وحمامين

وعقب فترة انصدمت ان اخوه يايب زوجته الثانية وعيالها تعيش ويانا وهني بدت المشاكل 0000هو فالبداية كانت في مشاكل حفيفة بينا بس كنت اطنش

الحين عددنا كلنا فالشقة يتكون من 15 شخص مع الشغالة

عمتي يوم تصرف على البيت بالذل يعني منه تصرف وتقول انتو من بركاتي تاكلون وتشربون ومن بركاتي محصلين رياييلكم غير انها تحاسبنا على الاغراض اللي فالمطبخ حتى تسبنا وتقول انتو حريم ما تسوون بيزة 0000000المشكلة انه ماشي اغراض فالمطبخ غير اللوبيا بكل انواعها وعلى هذا ذالتنا 000000 الله يسامحها تاخذ من ريلي بيزات شهريا وتسير الجمعيه تاخذ الاغراض بروحها ما تفكر هم الحريم شو يبون فالبيت والقهر نحن الحريم ناكل عيش يابس 0000 وحق عيالها تاخذلهم باسمتي 000000 تخيلو ان نحن نطبخ بس دياية وحدة وكوبين من العيش فاليوم مع هذا العدد

ومن سوالفها بعد انها تشتكي عني جدام حميي وتتشكى عن حريم حميي جدام ريلي غير السب اللي تسبه

وكل ما اكلم ريلي فالموضوع يقول انتي غلطانه اذا انتي تبين تعيشين تقدرين 000 ولا انتي اصلا ما تبين هالشي 000000000 بنات كله تشيش ريلي علي يوم تطلع وياه ويوم يرد يتغير 180 درجة وتقوله لا تقول حق مرتك 00000000 وبصراحة هو اخوه وايد يسمعون كلام امهم

المهم الحين انا عندي بنت والبيت مستوي زحمة غير حشرة عيال اخوه ولا تنسون ان نحن فشقة 0000طرحت على ريلي انه نطلع من البيت لان اخوه حصل شغل ويداوم 0000000جان ريلي يعصب وطلع برع

وقبل يومين يقول شو رايج نسوي شيك اوت يعني نطلق ومفكر يخلي البنت عندي مرات ومرات عنده

والسبب اني نكدية وهو ما ستفاد شي من الزواج ولا شي اطور واونه هو مايقدر يطلع من عند اهله واخوه

بنات يمكن انا نكدية يعني ريلي مب مجبور يتحملني عيل هو ما فكر انا كيف متحملة وعايشة معا ه مب فبيت تقولون سكن عمااال يعني انا اتحمل عمتي ولا اتحمل ظروفنا المادية ولا حريم خواته

بصراحة ماعرف شقول وتعبت من حياتي انا ملييييت 00000اونه عاطني مهلة افكر بعد

بنات انا صابرة على كل هذا بس عشان بعدين ريلي يجازين بها الشي

اترجاكم خواتي حد يعطيني حل

الله يفرج همي وهم غيري اميييين يا رب العالمين

المزيد من آخر المواضيع من نفس القسم:

**ms.goldy** · 2009-03-05, 18:37

والله الله يعينج على هالنوعيه من التفكير ,, ويفرج عنج ولا تطلقين عشان هالسبب حراااام

يمكن الله يفرجها عليكم عقب

**أمل سالم** · 2009-03-05, 18:42

ربـــــــــــــج بيفـــــــــرجها إن شــــاء الله

**حنين البدر** · 2009-03-05, 19:24

ربي يعينج ويهون عليج... أختي تحملي إشوي ... ولا تفكرين بالطلاق .. رب العالمين بيفرجها عليكم إن شالله ...

**بهلولة** · 2009-03-05, 19:28

الله يعينج
زين فديتج اهلج وين؟
شو رايهم بالموضوع؟؟
ومبين ان ريلج طفران من الوضع
ويالس يطلع حرته فيج
بس هو ساكت لانهم اهله
بصراحة فعلا سكن عمال

**سارا الحلوة** · 2009-03-06, 22:56

المشاركة الأصلية كتبت بواسطة بهلولة

الله يعينج
زين فديتج اهلج وين؟
شو رايهم بالموضوع؟؟
ومبين ان ريلج طفران من الوضع
ويالس يطلع حرته فيج
بس هو ساكت لانهم اهله
بصراحة فعلا سكن عمال

انا ويا اختي بصراحه ...

**teers** · 2009-03-05, 20:03

الله يعينج ويفرج همج
انا مريت تقريبا بنفس تجربتج في اول زواجي وفعلا حياة صعبة
لكن اصبري الصبر مفتاح الفرج الحينه الحمد لله مرتاحة في بيت بروحي صدج شقة بس لي بدون زن وانتي اصبري والله يفرجها ترى ريلي كان عنيد مثل ريلج في هالموضوع
بس الله كريم

**نجمه بالعالي** · 2009-03-05, 20:04

حياة لا تطاق لازم يكون في حل ...إذا هو مقترح الانفصال يعني يقدر يتنازل عنج ببساطه أنتي روحي عند أهلج فتره يمكن يحس ببعادج...ويحاول يلقى حل ..... دخلي حد كبير يتفاهم معاه ....والله يهديه إن شاء الله ... لكن بها الوضع الإنتي عاشه فيه ماراح تخلص مشاكلج

**megastore** · 2009-03-05, 20:07

الله يعينج و يفرج همج

**shaikha75** · 2009-03-05, 21:05

الله يعينج

**umm azooz** · 2009-03-05, 22:58

مشكورين خواتي على نصايحكم ودعواتكم الحلوة

خواتي انا ما افكر بالطلاق عسب بنتي بس ما اقول الا الله يهديهم

**Maria_Louisa** · 2009-03-06, 01:23

اللة يعينج

**أنت عمري1** · 2009-03-06, 02:20

الله يعينج و يفرج همج

**umm azooz** · 2009-03-06, 02:44

مشكورين خواتي على دعواتكم الطيبه

الله يستجاب منكم ان شاء الله

**معصقلة** · 2009-03-06, 03:21

شو هالريال؟؟مايشوف ؟؟هاي شقة كيف اتمون طايحين ع بعض جيه!!!

اونه ياتمين وياي بهالحال او بطللقج؟

حبيبتي خبري اهلج انج مب مررتاحة فبيت جنه سكن عمال

وشوفي شو بيسوون

بس خففي طلبات لاتقولين ييب وييب حتى لو اشيا بسيطة

ولاتمين تتحرطمين دوم عسب ماتكونين نكدية

خلج دووم عكس اجواء البيت النكدية

البيت حشرة وصياح ويولة..سيري غرفتج نظفيها رتبيها دخنيها وريحي اعصابج ولاااااااااتسمعين الحشرة

تعدلي وتكشخي لانه هالشي يأثرر عالنفسية ويخليج مستنانسة والله

ويوم ايي ريلج خلج دوووووووووم مبتسمة حتى لو مضاربة مع امه

يعني شوفي اللي انتي تسوينه احين فايامج العادية كله اعكسيه وغيريه

يمكن نفسيتج النكدية تتغير ويستانس ريلج

والله يوفقج

الموضوع: سكن عمال

أدوات الموضوع

عرض

العرض المتطور

سكن عمال

المزيد من آخر المواضيع من نفس القسم:

المواضيع المتشابهه

عمال بناء

عمال صيانه

ابا عمال جبس في بوظبي

إلى أين يا عمال البلدية

استقدام عمال ؟؟