مصير عيالي عقب ابوهم

[أبنةأمنة]

اخواتي :

رفقا بسارة فهي تحتاج للمؤازرة وليس للمحاربة .....

هداكن الله ......

الله يطمنج ياسارة وطمنا عليج.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احتاجك..]

والله احس اني ابا اصيح فديتج

ماعرف ليش بس كلامج يعور القلب

حبيبتي ما عندي غير اني اقولج استخيري ربج لانه هو الاعلم منا كلنا
ولان هو يحبج اكثر عن اي حد وما يبالج غير الخير

[حرم المرزوقي]

اتوكلي ع الله .. وصلي استخااره والله الموفق ان شاء الله

[روح الوفا]

هلا اختي الحبيبه

نصيحتي لج

اخذيه


وماعليج من الناس


الناس مايخلون حد في حاله ابدا

ومثل ماقالن خواتيه

ماحد بيحب عيالج كثر عمهم


وفي النهايه انتي حرمه ومحتايه عون لج

مابتقدرين تكملين روحج


وانتي اكيد عارفه طبايعه

وان شاء الله بترتاحين وياه


وهذا يمكن تعويض من الله لج الغاليه

[شمسه المرر]

أنا ويا مشرفتنا الغاليه ام حمد فديتها رأي حكيم وسديد الله يحفظها

[مي الاماراتية]

استخيري ..

[موق عيني]

شوفي حبيبتى عرسي وتوكلي ع الله لاهو عيب ولا حرام مادامه حلاله الله ماعليج من الناس
وبعدين صدقيني اذ ع الناس الناس ماترحم اذ خذتيه وال ماخذتيه فكري بعدين فحالج وفحال اعيالج وماتظمنين الايام يمكن ماتلقين ريال يسندج بعدين والحرمه لازم ايكون عنده سند فالدنيا . والعرس ستر للمره والمره ظعيفه تحتاج للحب والحنان والعطف... بعدين عمتى والله عمتي تزوجت اخوى ريلها وهو ملتزم. لم مات ريلها الله يرحمه تعبت وايد ع فراقه وحزنت بعد ماطلعت من العده خطبها اخوى ريلها وكان اصغر منها . ام المرحوم اصرت عليه ان ياخذ ارملت اخوه وهي وافقت برغم ماكان عندها عيال بس بعد وفات زوجه بسنتين تقريبا سوى عرس ولبست فستان ابيض وتحنت وطلعت فالكوشه وبرغم صدقيني الله يعلم بحاله وحال اخوى رياله بس الحيته لازم تستمر والحين ماشاء الله تعودات عليه ... وبعدين الناس مابنفعونج بشي اذ تميتي بروحج وماعندج احد

[فديتني دلوعه]

استخيري و توكلي صدقيني محد بيحافظ عليج و على عيالج كثر عمهم توكلي

[دانة السويدي]

حبيبتي ان شاء الله يجدم لج الي فيه الخير واذا انتي تحسين ان هو ريال زين وقادر عليج وعلى عيالج فوافقي حبيبتي..
بس بليييز ودي لو تمسحيين موضوعج لان صدق ماااتستاهلين هالرمسه من البنات انا اقرا وبموووت من القهر من اسلووبهم.. الله يهدييهم

الله يحفظلج عيالج ان شاء الله

[امل الحياة]

عظم الله اجرج اختي

انا مع الخوات الاستخارة احسن حل

بالاضافة تقدرين تسألين المشاايخ عن هالموضوع

وان شاء الله بيفيدونج

[megastore]

عظم الله اجركم ....وربي يرحمه و يغمد روحه الجنه
استخيري ... و توكلي على الله مادام مرتاحه داخليا و متصالحه مع نفسج
ماعليج من الناس انتي اللي بتعشين مع هالشخص .. الناس خليها تتحرطم وماعليج منهم متى الناس قالت شي عدل..عليج بنفسج و اهلج
وشوفي لو انتي و عيالج بترتاحون توكلي على الله
وربي يوفقج باللي فيه الخير

[OM JOOD]

هو صح انج تاخذين عمهم احسن من واحد غريب .. ومن حقج تتزوجين ..

واصلا واااااااضح جدا من كلامج انج ترغبين فالزواج بنسبه كبيره ..

وهالشي من حقج مانقدر نقولج لا .. لأنه مب حرام وحلاااااااااال لج هالشي ..


بــــــــــــــس

الغاليه ... ماتشوفين انه بدري واااااااايد على هالكلام ..

يعني كيف يهون عليج تاخذين ريال وانتي توه ريلج متوفي من كم شهـــر .. !!!

اصبـــري شوي والله قلبي يعورني ..

ما اتخيل بعيد الشر ريلي متوفي من 5 شهور والا 4 .. واسير اعرس حتى لو عشان العيال

ماشاء الله قلبج قوي .. والله يعينج على كلام الناس ..

اتوقع اذا عرستي هالاشهر بيقولون ماصدقت ريلها مات على طول عرست

واصلا طز في كلام الناس ... انتي لازم تصبرين وفااااااااااء لزوجج ..

اصبــري اصبري وقوليلهم يصكرون هالموضوع لين عقب ...

اقلها خليج وفيه لأبو عيالج الاصلي ..

تخيلي لااااااااااسمح الله ... لاااااااسمح الله ..

انتي توفيتي .. والله خذ امانته وريلج بعد 5 او 6 شهور يعرس ...

في ذمتج مب شي يحرق القلب !!!!!!!!

صح هو ميت ولاحاس بشي .. بس بعد في عشره وفي حياه وفي مقارنات بتصير لو عرستي احينه

فأفضل شي تستخيرين .. وتترين فتــــــــره ..

وخص انه الحين مايجوووووووز شرعا انج تفكرين بريّال ثاني .. ولاتقولين طبعا انج مافكرتي في اخو ريلج

مستحيييييل ما يلستي تفكرين فيه ساعات وساعات حتى لو مجرد تفكير بالموافقه عليه او لا ..

هذا بحد ذاته حرام .. عشان جذي بدري على التفكير فالعرس و الزواج مره ثانيه ..

.
.

فكره الزواج بدري عليها مثل ما قلتلج اصبــــــري شوي وقوليلهم يصكرون المووضوع

والعيال تراهم مابيموتون جوع .. بترومين تصرفين عليهم من معاش ريلج

وياااااكثرهم الي ماتو اهلهم وهم صغار وعاشو مرتاحين ماشاءالله ..

لأنه خطوه الزواج ممكن تكون سريعه في هالوقت .. ممكن تاخذين قرار تندمين عليه عقب ..

فالاحسن تتريثين .. واذا الريال شاريج ترااااااااااه بيتريا وفااااااء لأخوه بعد

[cute_girl611]

الله يسويلج اللي فيه الخييييييييييييييييير يارب ...

[المصارعه]

الاستخاره مب بدليل الاستخاره اذا وافقتي بتتسهل امورج واذا واذا ماتسهلت يعني مافي خير دامج ستخرتي توكلي عربج واذا تسهلت امورج خير وبركه

[سلرا]

عظم الله اجرج اختى واجارج في مصيبتج خيرا الاستخاره احسن من شور كل من يشور عليج انتى بتشاورين رب الناس تبارك وتعالى في سماه