احدى ضحايا التمليس تستغيث....... النجدة

**وهج** · 2006-04-02, 03:13

السلام عليكم
اختكم في الله عشمها فيكم كبير ، انا احدى ضحايا التمليس شعري راح فيها هو اصلا قصير ولا يطول بعد التمليس ذاد الطين بلة ولي سنة في علاجه دون جدوى من منكم تعرضت لتلك التجربة وفادها شئ تخبرني جزاء الله كل خير ،
أخواتي : ممكن تدلوني وين ممكن اجد السدر اليمني الاصلي في الامارات انا الحين في ابوظبي ، لما اروح السوق احصل بس الايراني وكمان ابغى اعرف وينهم العطارين وسوقهم الاول كنت اشوف بعض الايرانين في السوق القديم قبل تكسيره بس ما ادري وين راحو، ممكن الاخوات من كافة الامارات يساعدوني وين القى السدر اليمني الاصلي .
وشاكرة لكم تعاونكم مسبقا

المزيد من آخر المواضيع من نفس القسم:

**شمس القوايل** · 2006-04-02, 07:30

مرحبا اختي وهج بصراحة ما اعرف إن شاء الله البنات بيساعدونج،، بس مركز مدينة زايد ما فيها عطارين؟؟؟ وماجربتي تروحين تشوفين؟؟؟

**saasmo** · 2006-04-02, 07:51

حبيبتي اسمحيلي بخصوص الشعر ما اقدر افيدج وبالنسبه للعطارين في كم واحد امممممممممممم كيف اوصفلج
شفتي الي عند السوق الدله والمبخره والمرش وغيرها المجسمات الكبيره الي في نص الشارع وانتي يايه من صوب شارع المطار بيكون على ايدج اليسار خنجي يبيع قطع بالضبط خلف البنايات هناك كم واحد يعني عند سوق السمك

وانشاء الله اكون افدتج

**النورة** · 2006-04-05, 12:20

مرحبا قلبي معك فيه عندكم مركز التجميل للدكتور مبارك الشقر
عنده كل شي وهذي وصفه من عنده
بياض بيضه+2ملعقه زيت زيتون+2ملعقه زيت جوز الهند+1ملعقه خل التفاح
ممتازه لشعر المحروق عن تجربه

**دنورة** · 2006-04-05, 14:13

الله يرجعلك شعرك مثل اول واحلي انا مثلك التمليس قضي علي شعري بجرب وصفة الغالية النورة ان شاء الله بتجيب نتيجة حلوة

**نويره** · 2006-04-10, 21:27

الله يعينج يا ختيه
عليج بحمامات الزيت

**moonmoons5** · 2006-04-11, 23:43

مرحبا
الغاليه
انا شعري تم سنين ما يطول
بس الحين الحمدلله
عليج بهذي الاختيارات و الي تختارينه داومي عليه مرتين بالإسبوع و لمدة ساعتين و عقب اغسلي شعرج
و الاختيارات هي
زيت دابر املا
زيت زيتون منقوع فيه ثوم و تخلينه شهر بالشمس عشان مفعول الثوم يروح ف الزيت
زيت جوز الهند

و كله مجرب

أم خالد

**نبضة قلب** · 2006-04-12, 08:35

عزيزتي في المجلات والوسيط يحطون دعايه لعطارين كلهم عرب والتوصيل للمنازل

**غلا راك** · 2006-04-12, 14:48

بصراحة انصحج انج تعرضين شعرج لأختصاصين بهالمجال علشان يعطونج الحل الاكيد

واللللله يعينج

**دمووع الحب** · 2006-04-15, 01:36

.
.
.
الله ييعينج ويعوضج

عليج بحمامات الزيت

اصلا التمليس يخرب الشعر
.
.
.

**ريمي** · 2006-04-15, 01:47

انا بعد انصحج بحمامات الزيت

وفي طريه انا جربيتها وشعري اعتدل وطول

هاتي زيت عافيه واخلطيه مع حلبه مطحونه وشويه عنبر واستخدميها على شعرج وشوفي النتيجه

**بنت من بلد الخير** · 2006-04-24, 04:24

نا شعري كمان متضرر من التمليس بس انا استخدمت خلطة حلوة مرة ونفعتني كثير الحمد لله
اتبيها وراح تشوفين الفرق من اول استخدام انشاء الله
1-بياله زيت اللوز الحلو
2-بيالة زيت اللز المر
3-بيالتين فاشكول بالثوم
4-بيالة عسل
5-اصبع زبده
6-بيالة زبادي
7-صفار بيضه
وبعدين خليها على شعرك اقل مده نصف ساعة وراح تشوفين الفرق باذن الله وادعيلي ان الله يسخر لي زوجي ويهدي عيالي

**المخملية** · 2006-04-25, 17:32

ما شا الله البنات ماقصرن معاج...............

ربي ويفقج وحل لج مشكلتج عليج بالزيوت الغالية............

**شيما** · 2006-04-28, 21:13

ليش مارحتي عند دكتور جلدية الله يعينج والسموحة

**سلم بوها** · 2006-04-29, 16:17

روحي مدينة زايد بتحصلين الجبل الأحمر يمكن تحصلين عنده لأنهم يبعون هذي الشغلات
وهذا المحل مقابل خياط العربي الممتاز للرجال

الموضوع: احدى ضحايا التمليس تستغيث....... النجدة

أدوات الموضوع

عرض

احدى ضحايا التمليس تستغيث....... النجدة

المزيد من آخر المواضيع من نفس القسم:

المواضيع المتشابهه

النجدة النجدة ساعدوووووووووووني

النجدة .......النجدة....................يابنات المنتدى

النجدة النجدة سااااعدوني بلـــــــــيز

وفاة احدى الفتيات السعوديات وهي عارية في احدى غرف البالتوك؟؟؟؟؟؟