مساجله شعريه

[سراب الشارجه]

مرحبا خواتي عضوات منتدى سيدات الامارات

القسم على ما اعتقد كان به هذا الموضوع وين راح كنه نزل واختفى لنه مب مثبت

الحين انا ببدى بالموضوع واللي تدخل بعدي تبدى بآخر حرف من اللي انا بكتبه

الليل طول من بعاد المحبين *** وان كانوا قربي يستوي لي ثواني

غالين هم عندي والله غالين *** حبهم بقلبي قد شـيــد اركــاني

حرف الياء (( ي ))

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عشوق]

ياليت يرجع نظر عيني واقوله عن كل اخباري بغيابه
وشلون عانيت وعيني ما غفت بلياليها
ابي افرح وابتسم بس لازم ارضا بمكتوبي
اعيش الدنيا بلياه بصبري وقرار القدر

لج تحية مني يا سراب الشارجة وان شاءالله تتقبلين تكملتي

[سراب الشارجه]

يا هلا وغلا عشوق نورتي المساجله

روح يا حبيبي ويا عساك دوم في خير *** حبك وسط هالقلب انا اصونه

غالي وغلاك بالقلب ما يوصله غير *** وحدك حياتي دوم اتفدى عيونه

حرف (( هـ ))

[ام انصاري]

رسملي بكفه الايسر ذكراه ذكري بحرف الميم ذاكرها

[كيلو غلا]

هوجاس تالي الليل والعبرات تخنقني
والحزن لا تعنونه دمعة عيني هماله
يا مدور الرحات ترا الحزن سارقني
لا تشتكي محزون ترا الرحات آماله

وسلاامتكم

ه

[سراب الشارجه]

حياكم الله جميع
*******
هلا يا مرحبا مليون *** هلا بك يا بعد روحي

هلا بك عد ما يشكون *** اهل الحب مالجروحي

حرف (( ي ))

[عشوق]

يا شوقي ولهفة شجوني ويا منور دروب نسايم الهوى
كيف انا ارحب فيك وطيوفك تخاويني بكل سيراتي
حبك ملكني بأول نظرة عيونك واسمك على لساني
لقيت فيك الطيب وحب الكلام ياللي ملكت الروح
اشلون انا اوصفك وانت بأوصافك مكمل يا حياتي

مرحبا يالغلا سراب الشارجة تسلمين يالغالية على جهودج ومواضيعج الحلوة ويعطيج الف عافية

[سراب الشارجه]

الله يسلمج عشوق ولا يحرمنا منج
****************

يكبر غلاك اللي بقلبي حبيبي *** كل يوم وانت تعرف يا اغلى لحباب

اموت في حبك ليوم المشيبي *** لين العمر يرحل واسكن انا تراب

حرف ( ب )

[رويــانــة]

بيت الغلا بيتك
,, ,, والقلب بك محظوظ

فديتك يا فديتك
,, ,, الغــــلا لك محفوظ

[ ظـ ]

شكـــرا ســـراب ^^

[عشوق]

ظائرمن بعد ما خنت عهدك
يا شين فيك يا صاحبي
صدق طحت من عيني
من بعد ما شلتك
الله يسامحك بغدرك
عسى رب العلمين
يعوضني وينسيني
غدرك وطاريك


يالله يا بنات كملو بحرف(ع)

[جوهرة الدوحه]

ظلمك تعدى الحد وزاد وأنا أمسيت حالتي جريح
لا تعتذر
ولا تعتبر
تراها
صفحه من الأيام بتنطوي وجروحي أنت دواءها.

يسلمووو سراب ويعطيج العافيه الغاليه وآآآآآآآه منج سروب تبيني ارد اكتب شعر ؟

[ربيع القلوب]

مرحبا خواتي عضوات منتدى سيدات الامارات

القسم على ما اعتقد كان به هذا الموضوع وين راح كنه نزل واختفى لنه مب مثبت

حياك الله أختي الحبيبة سراب الشارجه ,
الموضوع السابق لازال موجودا يمكن استرجاعه عبر البحث أو تغيير تاريخ عرض المواضيع ,
لكن ما دمت بدأتيه من جديد فإن شاء الله فاتحة خير و انطلاقة إبداع بإذن الله ,
و أبشري بالتثبيت إن شاء الله .
ودي و تقديري لك يا غالية .

[سراب الشارجه]

حياك الله أختي الحبيبة سراب الشارجه ,

الموضوع السابق لازال موجودا يمكن استرجاعه عبر البحث أو تغيير تاريخ عرض المواضيع ,
لكن ما دمت بدأتيه من جديد فإن شاء الله فاتحة خير و انطلاقة إبداع بإذن الله ,
و أبشري بالتثبيت إن شاء الله .
ودي و تقديري لك يا غالية .

مشكووووره مشرفتنا ربيع القلوب على جهودج الطيبه

ولو كلمة شكر ناقصه بحقج على اللي تقدمينه من اجل قسم الشعر

الله يحفظج ولا يحرمنا منج

[سراب الشارجه]

جوهره شو فيها ارجعي لشعر واكتبي تحت شجرة ليمونج وانتي تجوفين القمر

اسافر كل ساعه في خيالي *** مع اللي القلب ما يوم نساهم

احبهم وهم بعد حبوا وصالي *** وعندي ما احد يوصل غلاهم

حرف (( م ))

[(( عيون ))]

ما اضمن لك الايـــام.. اضمن لك احساسي.. لو نفترق اعــــــــوام.. مايموت اخــــــلاصي..