[سـاره]

[دلوعة حبيبي]

يوم صدت عنك ساره أظلمت كل الخطاوي
وجرحتني ثم نستني آه يا أغلى خليل
ليتها ما هيضتني من شجوني والبلاوي
عقب ما جفت جروحي عاد جرحي للعويل
عدت أنادي يابنيّه مات قلبي بالرجاوي
عدت أصوت يافلانه ودمعي من عيني يسيل
يومها بس تلفت لي يرتعش قلبٍ هواوي
ليتها تعرف غلاها تسوى عندي كل جيل
ليتها بس يوم صدت ذبحتني بالخلاوي
ودمي من شانه هديه لا تطالب بالقتيل
مت أنا من يوم راحت ذابلٍ والله وذاوي
ما بقت في عيني دمعه تحتمل حرق الفتيل
آه من هم بقلبٍ جرب أنواع الشقاوي
آه من جرح لفكرٍ مالقى لحبك دليل
جيت ابمزح في كلامي وعاجلتني بالمكاوي
كنها كانت تحرى زلة منّي وميل
كنت وربي يوم جتني شايفٍ فيها هقاوي
كنت أشوف العمر فيها وانتظر وانا العليل
ضعتي ساره من يديني وصار صدري كنه خاوي
كود دقات لقلبي تنتظر طيفك يخيل
ضعت انا وضيعني حبك والله إني صرت غاوي
ما أظن إني أبنسى ياهوى بالي الإيميل
ليت لو بس لي تكرم في صدودك ويش ناوي
خبّر القلب المعني فات عقبك كم ليل
ساره وانتي بالفعل عشقٍ لشخصٍ فيك هاوي
سارة وانتي في مسيرك مالك بعيني مثيل
لو نسيتك ما نسيتك ويعلم الله ماني قاوي
ولو عطيتك عمري كله والله انه لك قليل
وإن رسمتك في عيوني برسمك نجمٍ سماوي
بس أشوفك من بعيد وفي وصولك مستحيل
اسمحيلي بس كلمه شوفي حبك فيني ضاوي
إيه أحبك ثم أحبك ثم أحبك ياجميل
يكفي يعني في هوانا تضوي لو بعض الخطاوي
لو تداري بي جروحي وما تخليها تسيل



عبدالعزيز بن محمد التميمي

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي