بنت والا ولد دخلي وسجلي

**قمر سهيل** · 2009-03-01, 14:15

هلا حبيباتي شو رايكم كل وحده تكتب لنا كيف كان حملها في الولد وشو كانت اعراض حملها وكيف كان حملها في البنت وشو اعراض حملها والي جربت الاثنين تكتب لنا واين الي كان اخف في الحمل من ناحية الوحم والنوم والترجيع والتعب

المزيد من آخر المواضيع من نفس القسم:

**ام مايد33** · 2009-03-01, 15:07

انا فحملي الأول فمايد الله يحفظه كاان وحامي ارفففففففففففففففففففف والله تعب والم وترجييع ليين السابع وصداااع يعني والله تعب فتعب

والحين الحمل الثاني الوحاااااااااام خفييييييييييف لا ارجع ولا شي عاادي عادي بس لوعه خفييفه وكنت متاكده انها بنووته والمفاجأه طلع ولد لووووووووووووووووووول

يعني الوحاام واله دخل في نوعية الجنييين

والحمدالله على كل حاال

نتريا البقيه

**لولو حلوه** · 2009-03-01, 15:12

الله يعلم يا اختيه انا هذا اول حمل لي بس الحمد لله خفيف وحامي والترجيع ... بس يقولون الولد يتحرك قبل البنت يعني يتحرك في الثالث ولا الرابع؟؟؟

**أم_رواضي** · 2009-03-01, 15:16

أنا من الي مايشربن المشروبات الغازيه...بس سبحان الله قبل ماعرف اني حامل...استويت مدمنه ع البيبسي...وعادي انش الفير وشرب غرشه بيبسي ورد ارقد...ماكنت ادري اني حامل لووول وريلي يقولي شوه يااج....

وعقب..جلبت ع الموالح والفلفل الاخضر خخخخخخخ...ويوم دخلت الشهر الرابع قالولي أنه فيه ولـــــــد...

**قمر سهيل** · 2009-03-01, 15:19

تسلمون على الردود والله يقومكم جميعا بالسلامه ويتربون بعزكم ان شاءالله ونتريا الباقي

**مجنونة ريلها** · 2009-03-01, 15:54

أنا ترجيع ولوعه وأرف وضيجة وهموم الدنيا والله كانت حالتي مايعلم بها غير رب العالمين وماكنت أحب الأكل غير الفواكه البرتقال واليح أدمنت عليه وكرهت الدياي وصرت مدمنة برتقال ويح لين أحينه والحمد لله اللوعه والترجيع راحوا عني من دخلت الشهر الرابع الحمد لله والحركة عندي كانت من الشهر الرابع وهذا أول حمل لي والحركة كلهاااا تحت السرة بمين ويسار بس كلها تحت ورحت أمس فحصت طلع بنووووووووووووووووووووووووووووووووووووووتة الله يثبتها يارب وأضمها بين صدري ويفرح أبوها فيها مع أنه ريلي كان يبا ولد بس الحمد لله بعد استانس لأننا نننتظر من 4 سنواااااااات والله يارب يرزق كل محرومة بالذرية الصالحة يارب

**Um Rasho0ody** · 2009-03-01, 15:57

للرفع

**ام مايد33** · 2009-03-01, 16:34

حتى الحركه مالها دخل فالجنس فولدي الأول تحرك من نهاية الثالث وهالحمل ولد وماحسيت فالحركه الا الحين فالخامس

**shamsih** · 2009-03-02, 00:03

انا حمالي الاول كان صعب.. لوعة على تقيأاات بس حسيت اني كنت حلوة في الشكل يلين ماربيت

ويبت مهاري الله يحفظها
اما اخوها محمد كان وحامه غير كنت ماطيق ريلي يوم يتكلم خاطري مرة مايسولف وياي

..من ربيت اعترفت حق الريال بوحامي قال :جان قلتيلي علشان نخف من الكلام
تصدقون كان شكلي بالولد مش حلو سويدة وضعيفة

**فلونا الجميلة** · 2009-03-02, 01:06

الحمد لله في حملي الاول و الثاني ماحسيت باي شي كل الامور كانت عادية و لله الحمد بس في الحمل الثاني صار لي نزيف ف الشهر الخامس الى السابع وهذا اللي لعوزني اما من وحام وترجيع و دوخة
ماحسيت بشي

**Dr. Um FahaD** · 2009-03-02, 01:40

انا هذا أول حمل لي و قالوا لي ولد ..... بس آآآآآآآآآآآآه من الوحام و الله اني ما هقيت الوحام و الحمال يسوي كل هاااا كان على بالي نفسيا >>> طلعت السالفه صدق ههههههههه وحامي كان واااايد صعب ترجيع و لوعة جبد و ضيج و وصلت فيني اني كرهت الناس كلها و ما كنت احب اشوف الناس و اجتمع فيهم حتى اهلي.. و وحامي طول لين بداية الخامس و الحين خف الحمدلله ....أما حركة البيبي حسيت فيها من آخر الرابع و الحين فديته و ماشاء الله عليه مب مخليني أرقد من كثر ما يرفس و يتحرك ...
و أحلى ما في حملي ان كل من شافني يقول لي محلوه >>>> وناااااسه
و الله يتمم علي و ألم ولدي ف حضني و يتمم على اليميع
دعواتكم ...

**Dr. Um FahaD** · 2009-03-02, 01:41

انا هذا أول حمل لي و قالوا لي ولد ..... بس آآآآآآآآآآآآه من الوحام و الله اني ما هقيت الوحام و الحمال يسوي كل هاااا كان على بالي نفسيا >>> طلعت السالفه صدق ههههههههه وحامي كان واااايد صعب ترجيع و لوعة جبد و ضيج و وصلت فيني اني كرهت الناس كلها و ما كنت احب اشوف الناس و اجتمع فيهم حتى اهلي.. و وحامي طول لين بداية الخامس و الحين خف الحمدلله ....أما حركة البيبي حسيت فيها من آخر الرابع و الحين فديته و ماشاء الله عليه مب مخليني أرقد من كثر ما يرفس و يتحرك ...
و أحلى ما في حملي ان كل من شافني يقول لي محلوه >>>> وناااااسه
و الله يتمم علي و ألم ولدي ف حضني و يتمم على اليميع
دعواتكم ...

**حرم الحارثي** · 2009-03-02, 01:55

أنا هذا أول حمل لـي .. الحمدلله الحمدلله الحمدلله مليـــــــــــــــــــــــــــــــــــــــــــــــ ـــــووووووون مره اني ماتعبت ذاك التعب اللي أسمع عنه.. اللهم لوعه فأول 4 شهور تقريبا وبس مرتين رجعت بسسس هههههه هذا كل همي الترجيع أخاف من شي اسمه ترجيع .. أنا فالحمل أحس اني أحب ريــلي واااايد كله أبا أجـــابله بس كنت أكره الجقاره اتلوع جبدي منها ... واتوحمت على على على على كل شي فالدنيا هههههههه استويت مفجوعه ابا كللل شي أبا لبن عيران "شتــوره" أبا جاينيز فود .. *** دوق من الشيشه .. ككاو توبليرون بو يبــل.. يقط .. الخ ... ههههههههههههههه
ومن دخلت فأول الرابـع قالولي بنــووووته أسميني فرحت مع انه ريلي كان متوقع انه ولد بس هالكثر استانست هيهيهيهيهي ^.^
وشكلي ما اتغيــر مثل ماهو اللهـــــــم احلويت اشوي
هيهيهيهيهيهي ^.^ والله الكل يقولي انتي فيج ولد لانج ما اتغيرتي بالعكس احلويتي اقوللهم لا بنووته ..
ام ام ام بعد شو هيه .. حتى بطني مايبين واايد .. أمممم بعد .. شعري طول واظافري تطول ابسرعه

وبــــــــث ^.^

الله يسهل علي الحمل والولادة انشالله .. واتقر عيوني بشوفة اللي فبطني بنوتتي اللي امخبله فيني

^____________________________^

**ام سعيـــد** · 2009-03-02, 02:16

اب اب اب

**mmks75** · 2009-03-02, 22:29

الموضوع حلو

الموضوع: بنت والا ولد دخلي وسجلي

أدوات الموضوع

عرض

بنت والا ولد دخلي وسجلي

المزيد من آخر المواضيع من نفس القسم:

المواضيع المتشابهه

بليز ساعدوني رحاب والا ريحانه والا نبيلة والا امنة الحوسني ..

ادخلي وسجلي اسم الشريط الذي اثر فيك