مطلقات بوظبي ساعدوني

[أم شوشو83]

أنا أبا أطلق لأن حياتي صارت مستحيله مع زوجي وبس أبا حد يخبرني لأن أنا عندي بنت عمرها سنه شو بيصير فيها مابيه ياخذها بلييييز اللي تعرف عن مواضيع الطلاق و المحكمه تخبرني لأن هالشي اللي مخلني أتردد أخاف ياخذها و هو وايد يهدد أنه راح يخسس فيني و ياخذها

المزيد من آخر المواضيع من نفس القسم:

• تأثير الطلاق على الاطفال
• اشهر العلامات التي تسبق الطلاق بين الزوجين
• ابرز التغيرات في نفسية المرأة بعد الطلاق
• نصائح للتغلب على الحزن والألم بعد الطلاق
• نصائح للمرأة للتغلب على الم الطلاق
• اسباب غير مباشرة قد تؤدي للطلاق
• دعاء تيسير الزواج
• اسباب تؤدي لحدوث الطلاق السريع بين المتزوجين...
• تقرير عن تأثير الطلاق على الابناء في سن...
• اشهر اسباب الطلاق المبكر بين الازواج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صعب المنال2004]

الغالية بعد الطلاق تكون الحظانة للأم الا في حاله انها تزوجت من شخص اخر بس انا اقولج فكري بموضوع الطلاق وااااااااااااااااايد الأمر مب سهل فكري بنتج كيف بتعيش وادعي ربج يسخر ريلج ويهدية

[محد شرواي]

أنا أبا أطلق لأن حياتي صارت مستحيله مع زوجي وبس أبا حد يخبرني لأن أنا عندي بنت عمرها سنه شو بيصير فيها مابيه ياخذها بلييييز اللي تعرف عن مواضيع الطلاق و المحكمه تخبرني لأن هالشي اللي مخلني أتردد أخاف ياخذها و هو وايد يهدد أنه راح يخسس فيني و ياخذها

قبل هذا فكري تروحين عند الدكتوره ناعمه الهامشي وباذن الله بساعدج وتصير حياتكم حلوه

الله يسعدج ياربي

[روح_الإمارات]

ياااااااااااا أم شوشو والله والله الطلاق مب حل وصدقيني اللي واقف معاج والله بينساج مجرد ما تاخذين ورقتج

إذا ما يضرب ولا يشرب سيري بيت هلج يلسي إرتاحي إسبوع راجعي حياتج معاه شوفي حسناته والأشياء اللي سواها لج بنتج كيف بتتربى بعيد عنه
تعوذي من الشيطان لا تفكرين بأحد بها الإسبوع إلا ريلج وبنتج أسرتج
بس لمعلومتج مب لج الحضانة في بوظبي للأم إذا كان اليهال مب بسن يقررون فيه وين يبون وهم بيكونون معاج إلا لو يدخل الريال المحكمة في ها السالفة وها الشيء شيء يصعب يحال من التوجيه إلا بعد جلسات وجلسات عقب يطلع للمحكمة أو يسمونه إحالة

خويتي إذا عندج مشكلة غير الشرب والضرب والهجر وعدم الصلام إعتبريني إخت لج وعالخاص إذا تبين

[mazyo0na]

الله يسهل عليج يارب

[أم شوشو83]

ماعتقد فيه فايده قعدت بالشهور بس ما تغير و يضربني دوم بدون سبب و حتى انا حامل ضربني ماقدر اتحمل اهانات اكثر و نحنا نكره بعض و اعترفنا لبعض بهالشي

[أسيرة الماضي]

ماعتقد فيه فايده قعدت بالشهور بس ما تغير و يضربني دوم بدون سبب و حتى انا حامل ضربني ماقدر اتحمل اهانات اكثر و نحنا نكره بعض و اعترفنا لبعض بهالشي

الله يعينج .... كلمي اهله واهلج

[زهرة السوسن]

اول عالجي الموضوع بكل الطرق اذا هو ما يضربج ما يشرب ولا يشك فيج .... الباقي امره بسيط عالجي بكل الطرق او اطرحي المشكلة ويمكن البنات يساعدونج وعقب فكري بالطلاق تون الناس اختى اصبري شوي

[خدويا]

انا اعتقد ان الحضانه بتكون للأم طبعن اذا عرست بياخدها ابو البنت عنها

وها اخيس شي لوووووولززز ووالاب معظمهم مايتنزلوون يربوون عيالهم بعض الطلاق

يفرووونهم عند يدتهم وهذا اذا ماعرست وفرها عند حرمه الثانيه
ومحد يتشتت غير العيال

والقهر ان الاب اصلن يبا ياخد العيال علشان يحرق فواد حرمته امحق

الله يعينج يا ام شوشووووووووووووووووووووووووو

[كيم كارداشيان]

انا ضد الطلاق


الله يعينج

[اسعد تعيسه]

تكون الحضانه لج بس اذا تزوجتي ترجع حقه

[روح_الإمارات]

شوفي حبيبتي في بوظبي ما ياخذ الياهل إلا بعد العشر حتى الولد يمكن 11 أو 12 ويتمون في حضانتج
والبنت لين ما تعرس أو تخلص المراهقة
وها تقدرين تقولينه للقاضي أو الموجه الأسري قبل لا يطلقج وتكتبين في طلب الإستدعاء الشيء اللي تمرين فيه واللي تبينه
للعلم في حالتج ما يطلقون للضرر إلا لو يبتي ورقة تقرير من الشرطة والمستشفى إنج إنضربتي وبصراحة الموجهين اللي عندنا يطلعون عينج قبل لا يطلقون

أختي في الله الطلاق مب مريح من الناحية الإجتماعية إلا لو تنعزلين عن الناس ، ولاحظي ترا الناس بيشوفنج إنتي الغلطانة مب هو ألحين معاج بس بعد الطلاق الكل بيكون ضدج ، ممممم في التوجيه (ترا الطلاق بالتوجيه مب في المحكمة ) الموجه بيلف وبيدور وبيلف وبيدور ولا بيطلق إلا لو الريال مصر ، بيرفض الموجه وبيعطيكم ألف عذر وعذر إنه سببكم في الطلاق تافه

بخبركم كل خواتي ترا الريال لما يضرب مب لازم نسكت لا لأني ندمت إني سكت ضربج وفيج جروح قوي قلبج وسيري المستشفى كتبي تقرير عليه بتقولين فضايح أقولج والله والله ما أحد بينفعج كم مرة إنضربت وسكت شد شعري كسر الشغاب بإذني ضربني وأنا حامل وبقولكم مات طفلي في الشهر الرابع من زود المشاكل ههه قلت ولد عمي عيب عيب وطعوا السكوت شو فادني ماشيء آخر يوم كنت عنده مسكني برقبتي والله برقبتي ناوي يخلص علي وعيالي جدامي لما تكلمت طردني من بيته وطلقني أحد فادني لا أحد حس فيني لا حتى التوجيه يقولي لااا خليج كوول وإنتي السبب هاذيل الرياييل شياطين في هيئة أنس أي كوول

أبويه خل أبوج أو أخوج يكلمه أنا يتيمة وما أحد وقف ينبي إنتي لا تسكتين و لا تطلبين الطلاق خلج في بيت أهلج لين ما يتيمعون كل رياييل عيلتج ويوقفونه عند حده ويهددونه إنهم بيغسلون شراعه لو بس فكر يضرج سمع الكلام ردي بيتج معززة مكرمة ورافعة راسج ولا تذلين عمرج لريال أبد

[LoOveNisTa]

شوفي حبيبتي في بوظبي ما ياخذ الياهل إلا بعد العشر حتى الولد يمكن 11 أو 12 ويتمون في حضانتج
والبنت لين ما تعرس أو تخلص المراهقة
وها تقدرين تقولينه للقاضي أو الموجه الأسري قبل لا يطلقج وتكتبين في طلب الإستدعاء الشيء اللي تمرين فيه واللي تبينه
للعلم في حالتج ما يطلقون للضرر إلا لو يبتي ورقة تقرير من الشرطة والمستشفى إنج إنضربتي وبصراحة الموجهين اللي عندنا يطلعون عينج قبل لا يطلقون

أختي في الله الطلاق مب مريح من الناحية الإجتماعية إلا لو تنعزلين عن الناس ، ولاحظي ترا الناس بيشوفنج إنتي الغلطانة مب هو ألحين معاج بس بعد الطلاق الكل بيكون ضدج ، ممممم في التوجيه (ترا الطلاق بالتوجيه مب في المحكمة ) الموجه بيلف وبيدور وبيلف وبيدور ولا بيطلق إلا لو الريال مصر ، بيرفض الموجه وبيعطيكم ألف عذر وعذر إنه سببكم في الطلاق تافه

بخبركم كل خواتي ترا الريال لما يضرب مب لازم نسكت لا لأني ندمت إني سكت ضربج وفيج جروح قوي قلبج وسيري المستشفى كتبي تقرير عليه بتقولين فضايح أقولج والله والله ما أحد بينفعج كم مرة إنضربت وسكت شد شعري كسر الشغاب بإذني ضربني وأنا حامل وبقولكم مات طفلي في الشهر الرابع من زود المشاكل ههه قلت ولد عمي عيب عيب وطعوا السكوت شو فادني ماشيء آخر يوم كنت عنده مسكني برقبتي والله برقبتي ناوي يخلص علي وعيالي جدامي لما تكلمت طردني من بيته وطلقني أحد فادني لا أحد حس فيني لا حتى التوجيه يقولي لااا خليج كوول وإنتي السبب هاذيل الرياييل شياطين في هيئة أنس أي كوول

أبويه خل أبوج أو أخوج يكلمه أنا يتيمة وما أحد وقف ينبي إنتي لا تسكتين و لا تطلبين الطلاق خلج في بيت أهلج لين ما يتيمعون كل رياييل عيلتج ويوقفونه عند حده ويهددونه إنهم بيغسلون شراعه لو بس فكر يضرج سمع الكلام ردي بيتج معززة مكرمة ورافعة راسج ولا تذلين عمرج لريال أبد

احلى شي (ولاتذلين عمرج لريال ابد) والله مايستاهلون اللي جيه


اشكـــــــــــــــــــر فنج ,,,

خلــــــيج ذيب في زمـــــــــــن الذيابـــــــــــــــــــه

[AMAL08]

الله يعينج اختي بس اللي اعرفه ان الحضانة تكون للام الا اذا تزوجت في هالحالة تنتقل الحضانة للاب

[أم جوجو وخوخو]

مرحبا اختي..
اول شي لازم اتفكرين ببنتج..لانها هي اللي بتتأثر بالطلاق...
ولازم اتحلين مشكلتج بشتى الطرق لين تعرفين الطريقة اللي تناسبه...
وبعدين صلي قيام الليل وادعي ربج وان شاء الله بيستجيب لج...
ولاتنسين الاستخارة...
ودعواتج