زوجي يخوني ساعدوني

**أم دانووه** · 2009-02-28, 13:02

الله المستعان

**امبرطورة بوظبي** · 2009-02-28, 13:26

الله يهدية يارب

**اريج 7** · 2009-02-28, 13:32

الله المستعاااان اطلبي له الهداية في صلاتك ان شاء الله ربنا يهديه على هده الردائل

**lobnania** · 2009-02-28, 13:36

بالتوفيق ان شاء الله

**سامرية الليل** · 2009-02-28, 19:01

يا اختي شو الفايدة يوم يقولج خلاص تبت ويرجع للغلط مرة ثانية ؟؟؟!!!

معناته انه انتي مب هامتنه .. او انه معتبرنج مقصة كلمتين وبترضين عليه

وبعدين شو دراج انه البنات اللي يروح لهن مب صايعات؟؟ او مب فيهن مرض الايدز والعياذ بالله ؟؟!!!

شو بتستدفيدين لو يابلكم مرض من الامراض وعداج انتي وولدج؟؟؟

حبيبتي روحي بيت اهلج ... وكلمي حد منهم تثقي فيه ... ممكن يساعدج ويرجع ريلج لصوابه ... عشان ما تهدمين بيتج

كلمي اخوج او عمج او ابوج .. شخص تحسين انه ما بيتسرع وبيكبر السالفة .. لا .. انتي تبين شخص يحلها بهدوء وبدون لا حد يدري

**rozee** · 2009-02-28, 23:43

**وصايف خلي** · 2009-02-28, 23:55

يالله تعينج تقربي من ربج اكثر ورديله بشروط قاسيه صدق حسسيه بقيمتج وانتي ولا عليج تعدلي وعيشي حياتج

**ام السلايم** · 2009-03-01, 01:20

شوفي اختي نحن الحريم معروف عنا حساسات وايد وعلى ادنات الشي نصيح خاصه من كلمه الريال ..فما بالج من تصرف شفتيه على ريلج .. يمكن في اشياء انتي تشوفينها كامله فيج بس هو يشوف برع الوضع غير وانتي ادرى بريلج ..

شوفي اختي انتي تصيحين وهالشي يقوي الريال عليج ويزيد من الخطا اللي هو قاعد يسويه ..وحاس انج ضعيفه وايد ومافي لج سند ولا ظهر وعلشان جي يكرر غلطته حتى لو حلف وتاب بيرد لانه يعرف صياحج وكلمتين حلوين منه بيراضيج باي طريقه يعني بيب راسج .. لانج متعلقه فيه وتحبينه وتشوفينه هو الملاك اللي جدامج ..وهو عارف تمسج فيه ..وانج مستحيل تودرينه ..والريال مايحب حد يقول عنه انت غلطان خاصه جدام اهله ..يحب يكون العيب فالحرمه ..

لا حبوبه لازم تكونين قويه وتعلمينه منو انتي بنت ناس وعرب ..لازم تقولين له يا انا يا الحريم اللي تروح لهم وماعليج من كلام الناس قوليله انا فبيت اهلي يوم بتكون ريال وبتعرف قيمه الرجوله تعال خذني من بيت اهلي وانا ماارضى بحرمه ( معنهم مب حريم صايعات ) تشاركني بريلي ..وخليه يحس بقيمتج اختي وخليه بروحه برايه يروح يلعب بس ودريه يوم او اسبوع ولو بيتم يلعب بيتم يفكر بالوضع واذا هو حس بيردج ..بس خلج قويه اختي ..عيشي حياتج وخل يحس انج سعيده وفرحانه بدونه حتى لو من داخلج بتفجرين لاتبين له

..المعاش اللي انتي تتعبين فيه وتشتغلين علشان تقولين تساعدينه هو قاعد يصرفه اكيد على هالحريم وعلى فنادق ..فليش انتي تعطينه يقولج الريال يوم يكون محتاج ممكن الوحده تعرض عليه المساعده بس فلوسج لج روحج ..ماسمعتي الدكتور احمد النجار يوم يقول لو الريال يعرف عن راتبها كل شي لازم يكون لها صندوق ادخار يعني مب لازم فالبنك يعني لو خاشه لج للمستقبل فالبيت ومحد يعرف انج تخزنين ..على العموم اختي راسليني وبعطيج بعض نصايح الدكتوره ناعمه الهاشمي وان شالله بتستفيدين منها وااايد ومابتندمين ..انتي لو كنتي تقرين لها او تحضرين محاضراتها جاني عرفتي كيف تتعاملين فمثل هالمواقف ..

والله يبعد عن رياييل بنات الحرام ..والله يهدي بناتنا وشبابنا ..

ورد على وحده من الخوات مب كل الرياييل نفس الشي اختي لاتخلطين بين الزين والشين ..ومب كل اصبوع ايدج نفس الشي وعيل لو كل الرياييل صيع وخونه شو تم فالعالم منو صاحي !!!!
الله يهديهم بس ..

**غالية82** · 2009-03-01, 01:31

ربي يهديه.....

**dandan** · 2009-03-01, 12:10

عزيزتي لافائده من كثرة الشكوى ... ارفعي يدك لله سبحانه مجيب الدعوات
وادعي لزوجك بالهدايه ولنفسك.
اللهم باعد بين زوجي وبين غيري من النساء كما باعدت بين المشرق والمغرب .

**GirL#1** · 2009-03-01, 12:39

الله يستر عليج اختي و يهون مصيبتج
ويهدي ريلج يارب

**كيلو غلا** · 2009-03-01, 13:10

اناا مكاااانج بسير عند ابوووه وبخبره واذاا ابووه محد ابوي

وان ماياا بطيب بالقوه بيصطلب

بس اتأكدي انج مب من النووع اللي ينفر الريال من بيته وتسألين واايد وليش اتروح وليش اترد

قصي على ريلج ماااتعرفين تااخذينه على قد عقله اعتبريه ياااهل وغلط كيف بتتعاملين معاااه؟؟؟!؟

جوووفي الريال مااايداني الحرمه القويه سوي اللي اقولج عليه لو ماكاان عندج ولد جاان قلتلج طبيه

بس عندج ولد ومب زين تعذبوونه من صغره اتفااهمي معاااه وهالمره هدديه قوليله لو كررت الساالفه

مب تسوين شرات غيرج طلقني لااااا استوي شريره بس حاافظي على الفاااظج وكل مااتشوفينه يلعب ويا الولد شلي الولد عنده قوليله يووم تبااا تلعب وياااه خل عنك الطفاااسه

هاريااااييل شوو يبوون بظبط؟؟؟؟؟؟

ماافيهم عقل ويحطون البلاا على حريمهم الله يهديه ويبعد عنه اللي ماالهن واالي هذيلاا خربات البيوت

انقهرت عليج والله احس حرقه في قلبي من اللي صااير معاااج وبعدين لااتسااعدينه في مصروووف البيت خليييه يكد مصروووفج لج ولولدج

**السنيوره..** · 2009-03-01, 16:45

أختيه لا تتنازلين عن حقوقج ولا تبينين أنج ضعيفه أو أنج ميته فيه واجهيه بحزم وخلي حد من أهله يعرف بسواياه عشان وقت الجد محد من أهله يدور ضدج وأدعيله بالهدايه والله يكون في عونج

**اناناسة** · 2009-03-01, 16:57

بكل صراحة و بعيد الشر عني و عن الجميع

لو انا بتركه و بنفصل منه

عزة نفسي و صحتي فوق كل شئ

و اسمحيلي غاليتي بس ان يمشي في هالطريق ممكن اييب امراض لنفسه و لج

عقب ما بينفعج الندم

العيال بيكبرون ان شاءالله و حتى لو تضحين عشانهم بيي يوم بينسون تضحيتج

**خلاص** · 2009-03-01, 17:49

الله يكون في عونج أختي ألزم ما عليج كرامتج خليه ايولي

الموضوع: زوجي يخوني ساعدوني

أدوات الموضوع

عرض

المواضيع المتشابهه

زوجي يخوني

زوجي يخوني والحل

زوجي يخوني ويعرف وايد حريم شو أسوي ساعدوني

معرسة من كم شهر و زوجي يخوني