زوجي يخوني ساعدوني

[حلاااااااايم]

ساعدوني ارجوكم انا زوجي يخوني ولا اعرف شو اسوي ألبس له احلى الملابس واحطي احلى المكياج ولا اقصر عليه ف شي و اشتغل عشان اساعده ف مصاريف البيت السالفه من البدايه انا مزوجه عن حب من سنه وشهرين وعندي ولد من ثلاث شهور من زواجي حسيت تغيير من زوجي و لما شيكت على موبايله شفت فيه ارقام ومسجات بنات و لما كلمته عن السالفه في البدايه نكر وكذبني قلت له عندي الرقم والحين بتصل عشان اعرف انت صادق ولا اتصلت ردت علي قلت ليج انتي اتكلمي زوجي سكرت التلفون ف ويهي قعدت اصيح ولما شافني زوجي اعترف وقال هذي آخر مره وسامحته وبعد شهور رد يخوني وكل مره يقولي هذي آخر مره وامس يوم الخميس قالي بروح دبي انا شكيت فالموضوع قعدت اتصل مايرد ساعتين وانا اتصل مايرد علي لما صارت الساعه وحده باليل رد قلت له ليج ماترد قال كنت فالسينما وماسمعت التلفون مشيت الموضوع ولما رجع البيت رقدنا ولا كأن في شي انا قلت بسكت لين احصل دليل ولما صار يوم الجمعه قمت من النوم الساعه ست طلعت وفتحت السياره وياليتني مافتحتها شفت فيها موبايل وارقام وصور بنات نايم معاهم ماقدرت استحمل حسيت اني بموت طرشت كل الصور عاى موبايلي وبعدين لما قام حس اني متغيره قالي شوفيج قتله ليج البارحه كنت رايح دبي قال كنت عند ربعي قتله كذاب كنت رايح حق بنات وراقد وياهم نكر السالفه قلت انا عندي دليل وعندي كل الصور وانا خلاص مااقدر استحمل اكثر بروح بيت اهلي حاولت اطلع ماخلاني قال بتفاهم مارضيت قهدت اصيح قلت انا شومافيني عن البنات ليج تعور قلبي والله اني تعبت منك ابي اموت وارتاح ولا اشوف هذي الصور قال سامحيني والله آخر مره وحلف على القرآن ان مايعيدها قلت مابسمحك ليوم الدين انت ذبحتني حاول معاي واشوي وقعد اصيح وقول سامحيني والله الشيطان لعب فيني سكت عنه ولااتكلمت .ساعدوني مااعرف شو اسوي والله اني تعبانه اللي شفته مب اشوي قولولي شو اسوي ارجوكم .

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي