افضل عيادة اطفال؟؟؟

**الحياة** · 2007-02-20, 04:28

مرحباااا

ممكن تخبروني باحسن عيادة اطفال في سواء في دبي او الشارجه او ابوظبي

وهل سمعتوااا عن الدكتور فتحي عماارة في دبي؟؟

وشو رايكم بمستشفى زايد العسكري وعلاجهم للاطفال؟؟؟

وجزاكم الله خيرا

المزيد من آخر المواضيع من نفس القسم:

**ام خالد وشمسة** · 2007-02-20, 09:58

مرحبا اختي
بعد تجارب مع عيادات الأطفال بصراحة اتضح لي ان المركز الطبي الجديد اللي في بوظبي احسن علاج للأطفال
وبالنسبة لمستشفى زايد العسكري علاجهم وايد زين بس بعد يعتمد على الدكتور
لاني كم مرة اودي ولدي عندهم القى بصراحة عناية واهتمام وعيادة الاطفال عندهم تفتح المساء يعني اللي بيشوف العيال دكتور متخصص وفيه عندهم دكتورة للأطفال مصرية وايد زينة اسمها نادية

**saasmo** · 2007-02-20, 14:03

انا اتعامل مع الدكتور احمد حلمي في العياده السويديه بابوظبي دايما وممتاز

ومرات اروح المركز الطبي الجديد بعد اوكيه

وبعد مستشفى دار الشفا بس ما عيبني هذاك الزود

**أم التوووت** · 2007-02-20, 14:14

انا اتعامل مع الدكتور احمد حلمي في العياده السويديه بابوظبي دايما وممتاز

ومرات اروح المركز الطبي الجديد بعد اوكيه

وبعد مستشفى دار الشفا

وانا نفسج بالضبط

اختي انتي تبينه بخصوص شو ؟؟ ولا قصدج بس العلاجات العاديه

ياليت توضحين اكثر عشان نفيدج احسن

**الحياة** · 2007-02-21, 01:34

مشكورات خواتي على الردود

وانا اباااهم بخصووص التهابات الصدر والحساسية الدائمه عند الاطفال

**نوارتي** · 2007-02-21, 07:58

أحسن عايدة أطفال في أبوظبي العيادة السويدية د: أحمد حلمي ... ومستشفى دار الشفاء د: بشرى
.
وعن تجربتي مع حساسية الصدر المتتكررة دايما عند العيال وصفت لنا د: بشرى بخاخات علاج مع

وقاية استمرينا عليها مدة مع المتابعة مع الدكتورة والحمد الله تحسنوا العيال وايد ،وبعد طعمتهم عن

الانفلونزا عندها اشان ما يمرضون وتتكرر ماساة حساسية والتهابات الصدر المزعجة اللي تزيد مع

نزلات البرد .
.

**bntanoor** · 2007-02-21, 08:05

احسن عياده اطفال عيادةالعبدالرزاق (دكتور مسعف دكتور وايد شاطر حتى الشيوخ يتعاملون وياه
وعيادة الدكتور عبد الكريم خلوف وهو متخصص وي الحساسيه والربو

**Baith** · 2007-02-21, 10:27

اختي بالنسبة حق حساسيه الصدر انا عندي عيالي فيهم ربو ورحت كل مكان بس مانفع معاهم غير الدكتور محمد هنداوي وله عياده خاصه اسمها عياده الدكتور هنداوي بس فعلا شاطر بالنسبة حق أزمات الربو وحساسيات الصدر وانا امس اكتشفت مستشفي اسمه الخليج التخصصي في ابوظبي بس بصراحه انا صار لي شهر ماخليت مستشفي خليفة والطبي الجديد محد عطاني سالفه ليما بنتي خلاص هلكت امس يوم رحت مركز الخليج التخصصي اهتموا في بنتي وعطوها ادويه الحمدلله اهي احسن وننتظر انكمل باقي العلاج

**ام السنافي** · 2007-02-21, 23:43

انا ما اعالج عيالي الا عند الدكتور علي هندوى في مركز هندوى الطبي...وفعلا علاجه فنااان في الربو وحساسيه الصدر لانى عيالي كانوا يعانون من هل الشي بس الحمد الله رب العالمين انقلت خارج بوظبي وما رجعت لهم الحساسيه ولا الربو اللهم لك الحمد.

**طاسة خبز** · 2007-02-22, 13:17

المشاركة الأصلية كتبت بواسطة bntanoor

احسن عياده اطفال عيادةالعبدالرزاق (دكتور مسعف دكتور وايد شاطر حتى الشيوخ يتعاملون وياه
وعيادة الدكتور عبد الكريم خلوف وهو متخصص وي الحساسيه والربو

يا أختي هاذيلا الاثنين ما اقتنعت فيهم موووول
عبد الكريم خلوف أكل وشرب الدهر عليه
وما طور نفسه مول كل علاجاته قديمة

ومسعف أنا أسميه بياع كلام
وفي الاخير كل حد له وجهة نظر
والسموحة منج حبوبة

وفي رأيي أحسن دكتورين :
1- سعيد العمودي اللي في مركز العمودي في الشارجة
جدا الكورنيش يحضر آخر المؤتمرات ويطبق أحدث
العلاجات يعني مواكب بصراحة.

2- دكتور أحمد محمد اللي في الضيافة في عيادة
بالهول رووووووعة
هاذا صدق دكتور الشيوخ واحد فاهم وشاطر

**MISS SHJ** · 2007-03-01, 12:59

يمدحون الدكتور جاويد صوب برجمان

حق الحساسية والربو

**عود الموز** · 2007-03-02, 18:32

.. أنا أعرف الدكتور رعد في أبوظبي في النادي السياحي واااايد زين بصراحه ...

.... وحبوب مع الاطفال واهتمام النرسات حلوه ...

**Baith** · 2007-03-03, 01:29

صح انا الدكتور رد اهوه اول من اكتشف ان بنتي عندها حساسيه وكانت بدايه للأزمه مع ان كان عبالي اللي فيها بس كحه بس صج اهوه شاطر اختي اهوه وين بالضبط في النادي السياحي لاني انا كنت اروح له من سنين بس من غير عيادته كل من يقول انه في النادي السياحي بس مااعرف وين بالضبط ابي اسم العياده اللي اهوه فيها اذا ممكن

**عود الموز** · 2007-03-06, 20:35

انشا الله بس نستنها يوم بروح بوظبي حق اودي بنتي بيبلج اسمها

**الحياة** · 2007-03-09, 16:23

شكرا لكم

الموضوع: افضل عيادة اطفال؟؟؟

أدوات الموضوع

عرض

افضل عيادة اطفال؟؟؟

المزيد من آخر المواضيع من نفس القسم:

المواضيع المتشابهه

افضل عيادة اطفال في العين

اي عيادة افضل لطب الاسنان الجارودي أو عيادة الجندي ؟؟

عيادة اطفال

عيادة اطفال

عيادة اطفال