فضيحه في حديقة مشرف

[عذراء الجليد]

السلام عليكم ورحمة الله وبركاته

حبيباتي عضوات المنتدى صار لي موقف الله لايراويكم

كنت رايحه حديقة مشرف ويا الأهل ويالسين و مستانسين جان أشوف حرمة و بنت و الحرمه مبين عليها و حده كبيره و البنت يعني مال 15 أو 16 المهم و نحنا يالسين جان تقولي اختي هاي العيوزه ليش تحط وايد ميكب المهم نحنا ضحكنا و صدينا عندهم....

عقب نص ساعه تقريبا أشوف الحرمه (الأم ) راحت بصوب و البنت راحت بصوب شوي و الا أشوف البنت يالسه تتمشى ويا واحد و متحاظنين و يتلصقون في بعض و مب ناقص الا يفرشون و يكملونها....
البنت صغيره 15 سنه و يالسه ويا واحد و تتلصق فيه وين الأهل وين الرقابه ...

أنا و الأهل مبطلين عيوننا و مستغربين أمي حرجت وزقرت اليهال علشان مايشوفون هالمناظر و تمت تقول بصوت عالي والله لزقر الشرطه و من هالكلام...

عقب جان اتقول لي أمي هاتي دبة الماي من السياره و نحنا موقفين السياره ورا وين الشوي مب صوب الألعاب أذا تعرفون المكان.....
و أنا سايره أشوف الأم منخشه ويا واحد!!!!!!! ورا الغاف!!!!! واااا مصيبتي حتى الأم زاد ان البنت خربانه و قوية عين دام امها مواعده وياها!!!و بنفس اليوم !!!وبنفس المكان!!!

و الله ماعرفت غير أضحك على الدنيا و اللي صار فينا لا حيا و لا مستحى
و الناس اللي قامت تجاهر بالمعصيه

((كل أمتي معافى إلا المجاهرون بالمعصيه))

يابنات قولولي شو اللي صار علينا شو الحاله اللي نحنا فيها؟؟
أنا حسيت انهن مب مواطنات بس لابسات عبي و شيل ....إذا انتن مب مواطنات ليش تخربن سمعة بنات البلاد و تلبسن لبسنا و تسوون هالمناكر ليييييش؟؟

((ملحوظه ردا على استفسار الكثير: حديقة مشرف اللي في دبي))

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير