بعطي أبو سويج سيارتي .. و خلاص من الي اشوفه مابي اسوق بعد اليوم

[النور نوره]

السلام عليكم و رحمة الله و بركاته

الحمدلله على النعمة الي نحن فيها

الحمدلله إن بلدنا اعطى للمرأة حق قيادة السيارة

استغلينا بأنفسنا و قمنا نسوق و نروح و نرجع بلا سواق غريب(دريول) نركب معاه بروحنا

بس أنا خلااااااص مابا اسوق عقب الي اشوفه

كلنا نقرا لافتات بالخط العريض

(القيادة فن و ذوق و أخلاق)وين الفن؟؟ وين الذوق؟؟ وين الأخلاق

الفن: نوووووووقف نص ساعه على الدوار نتريا انمر و آخر شي لا إشارات من أصحاب السيارات يخبرنا انه بيلفون يمين أو يسار ؟؟؟؟

الذوق: هذا يلز عليه و هذا يعميني في عيني بالفول لايت؟؟

الأخلاق: ينزل واحد الدريشة يهزبني ليش ما عطيته مجال يجاوزني

يا خاي وين اسير اركب فوق السيارات الي حذالي و لا اطير!!!!!!!!!!!!

اعتقد من خلال قرائتكم بتقولون الاخت ما تعرف اتسوق الظاهر ههههههههههههههه

الحمدلله اعرف اسوق ماشاء الله اللهم صلي على محمد

بس شو صارت السواقه هاذي الأيام؟؟؟؟

امس عورني قلبي على بنت داشه بشبه في الشارع و الرياييل متيمعين عليها و آخر شي وقفنا نسألها أختي شو صار عليج

تقول واحد بغى يجاوزني ما قدرت اتفادى السيارات قااااام و لز عليه يبا يظهرني من الشارع لين دخلني بشبه

لو ماتت هالبنت بسم الله عليها كان بيستانس؟؟؟؟؟؟؟؟؟؟

بس خاطري اعرف ليش صنعو الاشارات في السيارات (يمين و يسار) مب عشان نستخدمها؟؟؟

انا اشوف انه صار ناااااااااادر الي يستخدمها

وبنااااااااات عدن على الشباب فالسواقه

يااااااربي داشات حلبة ريس

انتي انثى خلج ذوووق رقيقة فالقيادة شو تسوين؟؟ تناطحين شباب و رياييل؟؟

ترا هاذي مب شطاره

السموحه منكم طولت بس من الي اشوفه جدامي

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مشاعر طفلة]

هي والله وانتي الصادجة
الكل الحين قام يسوي هالحركات
ما همهم حياة الناس
الله يعينا بس

[في القلب زايد]

ههههههههههه داشت ريس ضحكتيني

الله يهدي الجميع ان شاء الله

[اموووووواج]

مشكوره فديتج على الطرح الصراااحه صااادقه مشكله هالشباب عبااالهم هم بس اللى يعرفون يسوووقون وقاااعدتهم اذا شااافو سياره جدامهم ماتخووز عنهم وقت مايديمولها قالو اكيد سووواقه حرمه ماااعرف ليش مش مااازرين عينهم ...
مثل الموقف اللى انقهرت فيه اليوم الصبح سايره اوصل بنتي الروضه وطلعت من الباب الروضه وفيه لفه تم واااحد عنده استيشن يضربلي هرن عساس اطلع انزين كيف اطلع وسيارت يايه وقريبه مني وااايد ومن طلعت شوفي كيف يا ولف على وروح خلاني منقهره وتمنيت عندي فورويل جان براويه ابدال مايخق علينا

[جرح الخفوق]

ترا الحينه اللي في الشوارع كل واحد يبي يظهر فنه وسواقته

ما يدرون ان هذا قلة ادب وانهم ما يحترمون اللي بالشوارع

الله المستعان

[شعماوية 2007]

الله يستر بس

[بكيزه الدرملي]

اوف انا مليت من هاي السالفة..لوعو بجيدي هذيله اللي يديمون لنا في الطريج..اذا الشارع سرعتة 120 وانا اسوق بنفس السرعه- وييي الاخ يديم لي ..بالله وين اسير..

الله يهديهم ويحفظهم...

[ثمرة القرآن]

خاطري اسوق بس من اللي اشوفه خفت

[الغـر الحـشيم]

والله كل كلمه كتبتيها صح
الظاهر الناس نست ان السياره فيها اشاره _يمين ويسار_ وان لازم يشغلونها عشان نعرف وين بيلفون
لا يتعضون ولا يعتبرون من اللي يستوي لغيرهم
ياما ناس ماتت والسبه هالطيش فالسواقه
انزين اذا انت ما تخاف على عمرك شو ذنب غيرك يتحمل استهتارك وطيشك!!!!!!!

[نــــوره]

اسمها بطره غناتي

خلاص الشباب بطرو

كل واحد يتحرى الشارع ملكه

و بعض البنات نفس الشي

صدقتي بكل كلمة

[جمر بارد]

اوف انا مليت من هاي السالفة..لوعو بجيدي هذيله اللي يديمون لنا في الطريج..اذا الشارع سرعتة 120 وانا اسوق بنفس السرعه- وييي الاخ يديم لي ..بالله وين اسير..

الله يهديهم ويحفظهم...

حتى انا هو ما يباج تزيدين السرعه

يباج تخوزين

شارع ابوه

بس انا ادحق لهم جبدهم ما اخووووووووز

[النور نوره]

الله يعييييين

[طموحة]

و ليش تحرقين اعصابج ...ما تعرفين تطنشين ..طنشي بترتاحين ..الحمدلله انا اسوق من عمري 18 سنه ...
اسوق بالطريقه اللي تعيبني ..و اللي بيدق هرن يدق و اللي يبا يهزب يهزب ..و الله اطنشهم و لا اعطيهم سالفه دام اني اسوق صح ..عادي ...شاريه دماغي على قوله اخوانا المصريين ...

[banota.a7]

المشكله ان الشباب حاطين ف بالهم ان البنات مايعرفن يسوقن<< بعدهم ف العصر الحجري..!!

بس ولله الحمد بناتنا يعرفن يسوقن واحسن سويقات بعد ..

من جي يسووون هالحركات يوم يشوفونهن..

والله يعينكم على هالعقول المتخلفهـ ـ ..

[من الغلا]

انا عن نفسي لو يديمولي من اليوم لين باجر ما بتحرك من مكاني خلهم ينقهرون و آخر شي يعصبون و يتجاوزوني من اليمين ..على بالهم الشارع بس حقهم....يعني نطير فوق السيارات