بليز ابي نصائحكم

**كلي دلع ^^** · 2009-02-20, 16:21

السلام عليكم ورحمه الله وبركاته

بليز اخواتي انصحوني !!!

انا شرات اختكم ، وانا ما اقدر اطلع اللي في قلبي عند اخواتي ، يمكن يخبروني اهلي ويصيرلي مشاكل

انا حالينا اتدرب ومرشحه ع وظيفة

ما شااء الله عليه عندي جمال وأنا بنت خلوقه وااايد طيبه ...

من المؤطفين في قسم ثاني كان عنده معامله

طلب مني رقم موبايلي ، انا ما عطيته رقمي ، خذ رقمي من الاداره ....

بس هو اتصل عليه وكلمني بخصوص يبه يخطبني ، بس انا واااايد خايفه وما اعرف شو اقوله ، والحين ما ارد ع مكلماته شو الحل ، ما اعرف شو اسوووي بليز اخواتي ابي وقفتكم معايه ...

المزيد من آخر المواضيع من نفس القسم:

**يامن يرى** · 2009-02-20, 16:40

ابد كلمي امج وقوليلها واحد من الدوام يبى يخطبني
وامج بتشور عليج
وبس

**نــــوره** · 2009-02-20, 16:45

كلمي الوالده قوليلها فيه موظف يبا يتقدم لخطبتي

و الريال لا تردين على اتصالاته

عقب ما تسمعين رد الدوالده

بس طرشي مسج واحد بسسسس

اتفظلو

**غرور_انثى** · 2009-02-20, 16:47

خبري امج عن الموضوع هذا عن يصير عقب شي لا يحمد عقباه
واذا وافقت امج طرشيله بس مسج انه يتفضل هو واهله البيت ومن عقبها سوي طااف ولا اتردين لا على مكالماته ولا مسجاته

**غيورة** · 2009-02-20, 17:03

عطيه رقم امج أو رقم بيتكم وخلي كل شي يكون رسمي

**cute uae** · 2009-02-20, 17:38

المشاركة الأصلية كتبت بواسطة غيورة

عطيه رقم امج أو رقم بيتكم وخلي كل شي يكون رسمي

**أحلا ورده** · 2009-02-20, 17:44

لا تردين عليه .......

طرشيله مسج حياك البيت و الي يقوله الوالد انا راضيه ......

لو صدق يباج بيي يخطب رسمي ....... لكن لا تعطينه ويه قبل ما يكون كل شي رسمي......

**عذب الاثير** · 2009-02-20, 17:48

فديييتج كلمي الوالده وهي افهم عنج وتعرف مصلحتج

**سارا الحلوة** · 2009-02-20, 17:56

اختي الغاليه ... انا بقولج سالفه واتحملي انها اتصير لج ... انا اختي صار لها مثل ماصار لج بالظبط بالظبط ... وعقب ملت من كثر ما يتصل ... فطرشت له مسج تباني تعال اخطبني من هلي ... والغلطة الكبيرة انها ماخبرت حد ... عسب جي هو استغل هالشي يوم ما كانت تعطيه ويه ... فسوالها مشاكل مع اخواني ... وقال حق اهخواني ان اختكم تترجاني عسب ايي واخطبها ....
المهم حبيبتي لا تغلطين واطرشين له مسج ولا ادقين له ... بس اذا دق ردي عليه مرة وقوليله يافلان هاي اخر مرة برد عليك فيها تباني تعال بيتنا وانا ماعندي مانع ... وانتي استعيلي وخبري امج ع الاقل عسب اتعرف وقولي لها الصدق والي الي يقول ويسوي الصدق يسلم ... وموفقه يالغاليه ....

**guess_ who** · 2009-02-20, 18:17

الله يوفقج ويبعد عنج كل شر

**جوري خجول** · 2009-02-20, 18:25

المشاركة الأصلية كتبت بواسطة غرور_انثى

خبري امج عن الموضوع هذا عن يصير عقب شي لا يحمد عقباه
واذا وافقت امج طرشيله بس مسج انه يتفضل هو واهله البيت ومن عقبها سوي طااف ولا اتردين لا على مكالماته ولا مسجاته

**الغلا 88** · 2009-02-20, 20:35

مب شرط تخبرين امج..
طرشي له مسج اذا انت جاد ادل البيت وين ...
واذا هو جدي تراه بييكم لين البيت ..

والله ييسر كل الخير

**بدر0البدور** · 2009-02-20, 20:54

عطيه رقم امج أو رقم بيتكم وخلي كل شي يكون رسمي

**شقرووووه** · 2009-02-20, 21:00

المشاركة الأصلية كتبت بواسطة غيورة

عطيه رقم امج أو رقم بيتكم وخلي كل شي يكون رسمي

افضل حل..

**هايدي 22** · 2009-02-20, 21:38

طنشيه ولا يقص عليج الشيطان وتردين عليه شوفي راي أهلج وبعدين طرشيله الجواب بمسج واحد بس وحتى لو حاول يطرش مسجات ثانية طنشي

الموضوع: بليز ابي نصائحكم

أدوات الموضوع

عرض

بليز ابي نصائحكم

المزيد من آخر المواضيع من نفس القسم:

المواضيع المتشابهه

تجاربكم\ آثار حب الشباب \ نصائحكم \ بليز محتاجه فزعتكم

نصائحكم لي

أتمنى نصائحكم يا ناصحات

ماميز ابي نصائحكم بليز

أريد نصائحكم ياحبوبات