مشكلة اختي

**احساس طفلة** · 2009-02-16, 13:05

مرحبا اشحالكن

انا بدخل في صلب الموضوع

الله يسلمكم .. انا اختي خطبها واحد من الاهل وهي تحبه وهو يحبها بس الشي الوحيد الي مضايقنها انه هو عمره 20 وهي 26

هي خايفه وايد وصلت الاستخارة وما حست بشي بس مب عارفه شو تسوي ... تخاف ما ترتاح عقب وتخاف لو ما خذته بتم مضايقه طول عمرها

ابا اعرف شو رايكن بهالموضوع

المزيد من آخر المواضيع من نفس القسم:

**يارب فرج همي** · 2009-02-16, 13:09

ياااختي عمره ما كان العمر عاقيل وايد من عايلتنا البنت اكبر من الولد ب 3 او 4 او 5 لكن والله مرتاحين الحمدالله ...

المهم انه يكون ناضج وعقله اكبر من عمره ...لانه في شباب عقولهم كبير تسبق سنهم وفي ريايل في 30 عقولهم شرات المراهقين بو 18 و17 ..

المهم تحكم على الشخصيه ولو الله كاتب ألها اياه بتاخذه يالغلا

**dolfii** · 2009-02-16, 13:12

اذا راعي دين وصلاة ما عليه لانه بيخاف الله فيها

**بنت الطنيجي** · 2009-02-16, 13:15

خليها تصلي صلاة استخاره كذا مره و بعدها تتوكل على رب العالمين

و ربي يحفظها ان شاء الله من كل سوء ومكروه و يرزقها الزوج الصالح اللي يعينها على الدين قبل الدنيا

دمتي بود

**دلوعي** · 2009-02-16, 13:18

حبيبتي هي صلت الاستخاره والخيره فيما اختاره الله يعني اذا كان الولد خير لها الله بيجدمه واذا ما فيه

خير الله ما بيجدمه وبعدين ما في حياة ما فيها مشاكل حلاة الحياه بحلوها ومرها والله يوفقها ويسعدها

يااااااااااارب وعقبالج وعقبالي وعقبال كل العزابيه يااااااااااااااااااااااااااااااااااارب هيه صح انا بنت

خال ابووي ماخذه واحد اصغر عنها ومستاااااااااانسه ولله الحمد يعني عمره العمر ما كان عائق

**UM_RSHOODEE** · 2009-02-16, 13:21

اختي العمر مب مهم اهم شي يكون نااااااااضج ومدام تعرفه عدل معناته تعرف اذا كان ناضج وعقله كبير او لأ ها اهم شي بس انه اصغر وااااااااايد بنات ياخذون شباب اصغر عنهم وعايشين مثلهم مثل غيره الحمدلله وانا اكلمج عن تجربه شخصية وتجارب وايد بنات حواليني وقراب علي مب انهم بعاد وشي مهم عليها بالاستخارة مب مرة لأ كل ليلة والله بيسر لها اذا فيه خير لها

**احساس طفلة** · 2009-02-16, 13:26

بس ما تشوفون انه هو اصغر بوايد .. اناما اقتنعت في البداية بس شفته وايد متعلقة فيها .. بس بعد خفت عليها لانه عادي يطلع مراهق

**فديتني ريماني** · 2009-02-16, 13:30

الله يوفقها يربي وخليها تستخير ثلاث واربع وخمس

والله يوفقها

**برستيج AD** · 2009-02-16, 14:13

المشاركة الأصلية كتبت بواسطة يارب فرج همي

ياااختي عمره ما كان العمر عاقيل وايد من عايلتنا البنت اكبر من الولد ب 3 او 4 او 5 لكن والله مرتاحين الحمدالله ...

المهم انه يكون ناضج وعقله اكبر من عمره ...لانه في شباب عقولهم كبير تسبق سنهم وفي ريايل في 30 عقولهم شرات المراهقين بو 18 و17 ..

المهم تحكم على الشخصيه ولو الله كاتب ألها اياه بتاخذه يالغلا

**احساس طفلة** · 2009-02-16, 16:47

للرفع

**بسكوووته^.^** · 2009-02-16, 20:57

دومنا ندور العيوب دوااره.. سبحان الله القرار صعب
دامها مب مقتنعه ليش حبته من البداية؟؟ مافكرت ان النتيجه ممكن تكن زواج؟
الله يوفقهاا ان شااءالله وييسر امورهااا يا رب

**احساس طفلة** · 2009-02-17, 14:08

هي حبته لانه هو كان متخبل عليها بس يوم يا وقت الجد تحس انها متردده

تقولي انه ربيعاتها دوم يقولولها لا تاخذينه لانه ياهل وبتتلعوزين عقب .. وصلت الاستخاره وايد بس ما حست بشي

بغيت اعرف في حد فيكم او حد تعرفونه خذت واحد اصغر منها بوايد يعني 6 او 7 سنين ...

**بنت_دبي_وبس** · 2009-02-17, 15:24

اسألو عن الريال ..
ترى هالأيام فيه وايد مراهقين يبووون يعرسووون ..

**فديتني** · 2009-02-17, 16:05

مايخصه العمر

تتوكل ع الله وماخاب من استخار ولا ندم من استشار

موفقه

**لذيذه** · 2009-02-17, 16:19

المشاركة الأصلية كتبت بواسطة احساس طفلة

هي حبته لانه هو كان متخبل عليها بس يوم يا وقت الجد تحس انها متردده

تقولي انه ربيعاتها دوم يقولولها لا تاخذينه لانه ياهل وبتتلعوزين عقب .. وصلت الاستخاره وايد بس ما حست بشي

بغيت اعرف في حد فيكم او حد تعرفونه خذت واحد اصغر منها بوايد يعني 6 او 7 سنين ...

انا سمعت عن واحد حب وحده وهوه عمره 19 وهيه عمرها 28

بس احسن المتزوجين يجاوبونج طبعا اللي اكبر عن رياييلهم

بس انا احسه عااااااااااااااااااااااااااااادي

الحب اعمى *_*

الموضوع: مشكلة اختي

أدوات الموضوع

عرض