إذا المراجل لبسة شماغ وعقال قل للعذارى يلبسنّ العمايم !!!!!!

[سـد اللـيل ـيم]

[gdwl]إذا المراجـل لبسـة شمـاغ وعقـال=قـل للعـذارى يلبـسـنّ العمـايـم

ما عاد يفـرق زول حرمـه ورجـال=دام الفعايـل تشبـه البعـض دايــم

المرجلـه مـا هيـب كلمـه وتنقـال=وتروح ما راحـت هبـوب النسايـم

وإلا خشونة صوت أو رفـع الأثقـال=او رزة صـدور وفـعـل الـزلايـم

ولا هي بعد مفتـاح موتـر وجـوال=وإلا ردى لسانـن حديـثـه شتـايـم

المرجله شيمـه عـن القيـل والقـال=رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال=ودون العقـل وش فرقنـا والبهـايـم

يا مسندي لو مايل الوقـت بـي مـال=يا ولـد أبويـه يـا عظيـم العزايـم

يا معرب الجدين مـن العـم والخـال=با نخـوة المفـزوع وقـت الهزايـم

المرجله يا خوي هـي طولـة البـال=هي العـزم هـي الصبـر فالظلايـم

فيهـا الكـرم عـزه دلـه وفنـجـال=فيها الكرامه عن ردى الطبـع شايـم

والدين لامنـه خـذا القلـب منـزال=مشى طريـق الحـق وابليـس نايـم

ومن لا عرف ربه في طيـب الحـال=لابـد وقـت الضيـق بالهـم هايـم

حتى صلاتك مع جماعـات ورجـال=في خيرها يـا خـوي نعـم الغنايـم

ولامن نصف ليلك قـم صفـي البـال=يا عظم أجـرك بيـن ساجـد وقايـم

ولا من رفع ربي لـه كـل الأعمـال=حسن الذكـر لا قالـو فـلان صايـم

وخلك شريف القصد يا طيـب الفـال =سـوء المقاصـد فالبيـوت الهـدايـم

واحذر تبيع النفس فـي دب الأنـذال= وتتبـع خـوي إبليـس راع النمايـم

النفس خيـل لـك إذا كنـت خيّـال =ومن لا قـوى نفسـه قوتـه الهزايـم

ولا صرت ما تدري لو يش أنت رجال= والله خسـارة فيـك ذبـح التمـايـم
[/gdwl]

للشاعره :نوف بنت شطيّط العتيبي

المزيد من آخر المواضيع من نفس القسم:

• من لا يعارك يعود طفلا
• Golden pools
• كان هنا
• إلا الموت أو الحياة.....لعبدالحليم الطيطي
• اشفق عليه......لعبدالحليم الطيطي
• الجالسون على الهواتف الآن اكتبو شي تأجرون...
• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[درة الإمارات]

جميييييييييل جدا ما نقلتِ يا أخيتي سديم الليل
كلام رائع من أخت أروع
سلمت أناملكِ وسلم ذوقكِ على هذا الإختيار
اتوق للمزيد من مشاركاتكِ التي أنارت النادي الأدبي
تحياتي ودعواتي الصادقة لكِ

[صدى حنيني]

كلمات قوية الصراحة ههههههههههههههه

[روح البداوه]

صراحه
القصيده مسكته
تسلم الشاعره اللي كاتبتنها
و اللي ناقلتنها
و نتريا بعدنا القصايد اليايه

[سـد اللـيل ـيم]

تسلمون خواتي على المرور وهي فعلا قصيده قويه بس من جدا حلوه

[أم أحمد]

قصيدة رائعة يعطيج العافية عليها

[شما]

المرجله شيمـه عـن القيـل والقـال=رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال=ودون العقـل وش فرقنـا والبهـايـم
صح لسان كاتبها وناقلها

تسلمين الغاليه على الشعر الرائع

ودمتى بود

[ظبية بوظبي]

تسلمين الغاليه على هالمشاركه

وتسلم يمينج ويمين اللي كتبت القصيد

قصيده اكثر من رائعه

[سـد اللـيل ـيم]

تسلمون خواتي جدااا واسعدني مروركم

[عالية المقـام]

المرجلـه عقـلٍ وزن وزنـه جبـال=ودون العقـل وش فرقنـا والبهـايـم

سلمتــــــــــــــــــــــــــــي ^_^

[القطوة]

تسلمين عزيزتي على القصيده الرائعه