سبني في الشارع

**غرشوبه5555** · 2009-02-13, 23:48

السلام عليكم ...
اشحالكم بنات شو اخباركم
اليوم كنت طالعه ويا بنات جيرانا وحده من ربعنا
وانا راده البيت وخواتي كلهم ويايا في السياره
واحد واقف عالشارع بالغلط وامديم ليت السياره
والشارع سيدين المهم
جان اديم له اوقف عالسيد الثاني للشارع
انه الشارع الثاني حق السياير الي راده
جان ايرد ايديم لي وقالي ....

يالسباله .؟؟؟؟وكلام في منتهي قلت الادب اتخيلوا
المهم واهو يسبني خواتي انتبهوا انه الريال يستوي اخوي مرت خالي
قمت واتصلت فيها قلت له اني الحينه بسير ببلغ عليه في الشرطه وبشرشحه
قلت له انا ما بتنازل وبخبر عليه
خليه الحينه اي البيت ويعتذر ولا براويه
ما صار دقيقتين الا الريال ياي
جان اجابله اخوي المطوع وقال له ليش اتسب ومن هالسوالف
قال لا انا اخوه اعتذر منها وما كان قصدي ومن هالخريط
بس صدق رفع لي ضغتي
بس القهر انه مرت خالي اتقول والله لو بلغتي عنه ما بكلمج طول عمري
انا اريد اسال يحق له تزعل
يعني انا في الشارع امشي في حالي ما قلت له شيء هو واقف غلط ومديم ليت السياره
فقول لي يعني ابغي افهم انا غلطانه ؟؟؟والا لالالالالا

المزيد من آخر المواضيع من نفس القسم:

**!! غرور !!** · 2009-02-13, 23:54

افف قهر انا انقهرت كيف انتي ؟؟

لاحبيبتي انتي مب غلطانه .. بس دام في ناس ماعندها ادب ولا اسلوب وتسب شو نسوي ؟؟

وقولي حق اخته مايحق لج تزعلين واخوج مب مؤدب ويسب خلق الله لو انا ما بلغت ترا غيري بيبلغ ..

الله يهديه ...

**ام لسانين!!!** · 2009-02-14, 00:05

هذا يباله ادب !!!

ومايسد يعتذر لو من اخوج جان اشرشحه واخليه عبره لمن لا يعتبر حد من الشباب يتحسبون الشارع ملك شخصي لهم وان اي حرمه زينه شينه مالها حق ولا احترام لما تسوق ووايدين من شاكلة هالعنطيزي بس لو كل وحده بلغت عن اي واحد يسبها كان تأدبو

على العموم صار خير وانسي الموضوع وما اضني انه بيكررها مره ثانيه وما عليج من حرمة خالج لو اختها والا بنتها تعرضت لهالموقف كان ردت فعلها غير

**$$ أم سعود $$** · 2009-02-14, 00:06

الله المستعان !!

**cutyah.87** · 2009-02-14, 00:07

ياااحبييييييييبتي انتي مب غلطاااانه
شو هالناس اعوذ بالله منهم

**أم محمد 80** · 2009-02-14, 00:33

لو تدرين من كم يوم سبني وافد وقالي غبية انل كنت اسوق والشارع كان وايد زحمة عشان تعرفون الوافدين هم استوا اهل البلاد مم كانهم عايشين من خيرات الامارات وما لقـــت رقمه عشان اشتكي عليع لان كان معي عيالي صغار بس انقرت ما اخذيت حقي منه ياقهــــــــر

**غرشوبه5555** · 2009-02-14, 00:34

انا بروحي مقهوره ...ومحرجه حدي
حتى من الغيظ الي فيني سرت صليت ركعتين عشان اهدي اعصابي
بس ما اقول الا
الله يساامحه

**Maria_Louisa** · 2009-02-14, 00:43

حقير الصراحة!!
المفروض خالج يهزب زوجتة و يهزبون الريال شو انتي بنت ناس كيف يتجرأ يرمسج بهالسلوب

**غرشوبه5555** · 2009-02-14, 01:07

المشكله الريال يمني مش اماراتي

**صدى المحبه** · 2009-02-14, 01:13

بصراحه انت غلطانه انج سويتي سالفه حق حرمه خالج وتنازلتي عن حقج , راعي الحق ما يخاف
وبعدين اذا انت وغيرج تنازلتوا كيف ها الاشكال بتتعلم

**omkhalid** · 2009-02-14, 01:18

الله المستعان !!

**extra** · 2009-02-14, 01:24

عييييييييييب عليه الصراحة لوشو صار ولو كنتي إنتي الغلطانة مهما كان انتي حرمة والريال عيب يطاول على حرمة إخ عليه إخ
المفروض خالج يهزب زوجتة و يهزبون الريال شو انتي بنت ناس كيف يتجرأ يرمسج بهالسلوب

**فراولةAD** · 2009-02-14, 03:13

الله يهديهم كله الشباب جيذي
مصدقين عمارهم
عاد يتحسبون رواحهم
هم السويقه
والبنيات مايعرفن يسوقن!!!!

**لحظات عابرة** · 2009-02-14, 03:16

حصل خير

**سيده طموحه** · 2009-02-14, 05:01

الله المستعان !!

الموضوع: سبني في الشارع

أدوات الموضوع

عرض

سبني في الشارع

المزيد من آخر المواضيع من نفس القسم:

المواضيع المتشابهه

سكران في الشارع

الجزء الثاني من احداث ...ريلي سبني والسبب .....!!!!!!

.... خـ دع بـ صرية .. على الشارع ..

شرطيه في الشارع !!!!!