ليش يا أم محمد ......

[قلب الشمال]

اشكر كل من مر وعلق على الموضوع ..... ويزاكن الله الف خير

أم محمد قالت انه الاقامه موحده في كل الدوله وهذا غير صحيح .... وانا ضد قانون نزع النقاب ( قلتلكم انا منقبه ) .... يا خواتي انا مب ضد ام محمد انا ضد تصرفها .... ليش اتصل بتلفزيون قطر واشتكي على دولتيه ليش ما اشتكي داخل الدوله ... بتقولون يمكن اشتكت ... ما عندي شك ولكن إذا المسؤولين ما سمعولها هني بيسمعولها هناك ؟!!!

يا جماعة الخير لو كل اللي في الفريج إلي توحد فيه الاذان سارو عند الاوقاف واشتكو ... معقول محد بيسمع ل 20 او 40 او على حسب عدد البيوت في هذاك الفريج ؟!!! يا جماعة الخير الموضوع هني مب بس ام محمد الموضوع ليش نحن ناخذ بدون ما نسأل ليش ؟؟؟؟

هي اختي
صدقيني ما بيسمعولها المسؤولين
تدرين ليش؟
لانه رمست الكباريه محد يناقش فيها
تنفذ غصب على الجميع
لو كنتي في امريكا ...بنقول هي صح..يتجمعون اهل الفريج ويروجون للمسؤول
وغصب عليه بيستجيب
لكن في بلادنا..للاسف
متطورين في البناء والعمران
ومتخلفين في الديمقراطية
الديمقراطية عندنا هي كم قدرنا نعين من الوزيارت
عشان العالم يقول متطورين عندهم حريم وزيرات
وما يدرون انه الشعب ماله كلمه ولا راي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[foma6000]

هذا الواقع اللى عايشينه للاسف

[guess_ who]

..........

[كربوني]

ليش شو بغير من الموضوع اشتكينا ولا بتغير شيء لا
عن القراار اللحية للازم تكون 1سم في شرطه ام في ادكو شل الحيه بل كامل

[فطــامــي]

الغالية أول شي بخصوص الإقامة بدأ تطبيقه في بوظبي ...و غير أنه الآذان موحد و من زمان
ثاني شي بخصوص النقاب.. مثلاً في دوامي يشترطون على أي وحده بتشتغل عندنا أنها تفصخ النقاب
ثالث شي بخصوص اللحيه ها صدق مستوي فالشرطة و لازم يكون أقل عن 3 سم ..

يعني أم محمد قالت هالشي من قهرها لا أكثر و لا أقل ...

الله المستعان

[خريجة]

حسبي الله ونعم الوكيل.. اشكر صاحبة الموضوع على غيرتها وعلى طرح الموضوع بصراحة يوم قريت الموضوع فالبداية قلت انج مب عايشة فالدولة فعلا الواحد يغار على بلاده بس يوم توصل للدين هنيه لازم نتكلم ..... شكرا لج اختي خليتينا نعبر عن مشاعرنا اللي ما قدرنا نقولها للمسؤلين ..والشكر الكبير للاخت ام محمد وكل بنت واخت حريصة على دينها ..على فكرة اتصلوا ناس على اذاعة القران وشو كان الرد عليهم قالوا منوا انتو عشان تفتون اصلا الاقامة بدعة ) هذا اللي قدروا عليه
وانا ةصلني مسج فيه ارقام عشان نتصل ونكلم المشايخ ونحتج ولكن لا حياة لمن تنادي
الله يثبتنا على الدين ويرحمنا برحمته.. والله الواحد ما يعرف شو يقو غير حسبي الله ونعم الوكيل