منو حملت أول مره و ... ؟؟

**عسل 87** · 2009-02-09, 13:48

مرحبا خواتي .
أنا صارلي معرسه من 7 شهور والحين انا حامل بشهر ونص وسرت راجعت الدكتوره قالت انه حملج مابيكمل لانه بس كيس من غير بيبي وهذا يسمونه حمل منسي وقالت خلاص بيطيح (( راجعت اكثر من وحده وقالو نفس الكلام )) المهم الحين انا بشهر ونص قالت اتريي اسبوع لين ماينزلج دم واذا مانزل بعطيج حبوب عسب يتكسر الكيس ووبينزل وبينزل ع طول وبسويلج تنظيف وبس ..

فإذا في حد نفس حالتي اتمنى تفيدني .. وشو تنصحوني ؟؟

هيه صح وين تنصحوني اسير عسب اسوي تنظيف لانه في جم وحده من ربيعاتي سوت غسيل تأخر عليها حملها .. عسب جي ابيكم ادلوني ع وحده شاطره

والسموحه

المزيد من آخر المواضيع من نفس القسم:

**ام زيوووود** · 2009-02-09, 14:19

حبيبتي .... لا تستعيلين ولا اتسوين تنظيف
اذا صدق كيس بليه جنين ... بينزل اروحه

انا سوولي نفس الحركه .. قالولي مافيج جنين بس كيس .. يسمونه حمل كاذب ... شو قالولي بنسوي تنظيف في دار الشفا وانا نفس الغبيه سرت وسويت .... عقب اكتشفت انه المفروووظ اتريا لين ما ينزا اروووحه .... لانه الجنين ما يبين هالفتره ووايد دكاتره يخربطووون

عندج مثال:

وحده تقربليه قالولها انتي حامل بس ابكيس ... وماشي جنين ... واتخيلي اتريت شهرين اقولج شافووو الجنين ... اونه شو قالت الدكتوووره ماشاءالله معجزه !!!!!

يعني ما اعترفت بغبائها ... اونه شو انها كانت مستعيله وما جيكت عدل فنصحتها اتسوي تنظيف

اصبري يمكن انتي حامل وحملج صحيح ... اترييي لين شهرين وعقب سيري وافحصي وقبل هذا اذا بغيتي اتسوين تنظيف ... سوي فحص دم مال الحمل ... اذا شفتي هرمون الحمل مرتفع معناته شي حمل ... واذا شفتي اقل من 5 معناته ماشي حمل وربي يعوضج يالغلا

اختج ام زايد

**عسل 87** · 2009-02-09, 14:33

انزين اختي اللي سمعته من ربيعاتي قالو اذا تم يمكن يسويلج تسمم ومن هالكلام

وانا وقفت الحبوب من يومين .. ارد اكل ولا ؟؟

**اسعد تعيسه** · 2009-02-09, 14:45

انا كان جنين ميت.لانه مافي نبض.قالولي خلاص مثلج بطيح رحت عند اكثر من دكتوره نفس الكلام وقفت المتقبات قعدت ثلاث اسابيع اتريا ينزل عليه دم.مانزل.رحت عند عيااده عطتني حبوب .قالتلي امشي امشي..بروحه بنزل تميت امشي امشي..بعدها بخمس ايام نزل شيء بني..تميت امشي بس استولي تقصلات صرت اتالم بس ما ينزل غير دم بدون كتل فرحت المستشفي قالولي ..عمليه تنظيف..فسوتها
اختي انتي لو شفتي نزل كله مايحتاج تنظيف ...ودكاتره بروحها بتقرر اذا تحتاجين

ربي يعوضج خير

**๔ـيون السواهي** · 2009-02-09, 14:48

حبوبہ انتيے وقفيے الــــحبوب
واذا نزل دم أو حســـــــــيتيے
ببدايہ الم خذيلج مســــــــڪٍن
لانه الطرح في عوار شــــوي
اذا ڪٍان حمل صحيح بيستمر
واذا لا فالجسم بروحہ بيطرده...

وإذا تبين تقطعين الشك باليقين
سويے تحليل هرمـــــون مثلا
اليوم وبعد باجر اذا شــــفتيے
زايد الضــــــــــعف يعــــــنيے
حمل سليم........

إما اذا كان يتناقص فلا بد من
التخلص منہ سريعا....

**اسعد تعيسه** · 2009-02-09, 14:51

هذي وحده نفس حالتج

اقرا مشاركتها

http://forum.uaewomen.net/showthread.php?t=400112

**جامعية** · 2009-02-09, 14:52

معوضه جبيبتي....

**عسل 87** · 2009-02-09, 15:03

يعني اسير اسوي تحليل الهرمون وبشوف شو النتيجه ..

ادعولي لاني واايد تعبانه نفسيه لاني ادرس بالجامعه وروحه ورده وتعب والله وكاره عمري صدق

**شوق العشاق** · 2009-02-09, 15:39

لا تستعيلين وتسوين تنظيف

**الهادية** · 2009-02-09, 15:41

الله يعينج اختي...
لا تسيرين وتسوين تنظيف صدقني بروحه بيطيح بس انتي لا تستعيلي والله انا مريت بنفس الحاله مرتين اول شي كان في جنين وعمره ثلاث شهور و نزل بروحه لا تنظيف ولا شي و المرة الثانية كان بس كيس وتميت بعد شهرين ونزل بروحه و صدق بتحسين بالم بس ألم تقدر اي وحده تتحمله فاصبري .....

**عسل 87** · 2009-02-09, 15:48

تسلمون حبايبي والله انكم ريحتوني

**سمره كيوت** · 2009-02-09, 17:14

الله يعو

**رحلة أمل** · 2009-02-09, 17:17

بخبركم لو طاح بروحه ماتحسوووووووووون بألم انا شهرين عندي وكنت اتعذب مووووووووووووووت الاالام ..

الموضوع: منو حملت أول مره و ... ؟؟

أدوات الموضوع

عرض