بس سؤالين للمتزوجات ..

[ملتزمة2]

السلام عليكم ...شخباركم حبيباتي ..
بصراحة منو اللي ريلها دخل معاها وقت الولادة و شو كان موقفه ..؟
و هل انتي تأيدين ريلج يدخل معاج ولا لأ..؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[shamoOo]

السلام عليكم ...شخباركم حبيباتي ..
بصراحة منو اللي ريلها دخل معاها وقت الولادة و شو كان موقفه ..؟
و هل انتي تأيدين ريلج يدخل معاج ولا لأ..؟

لسلام عليكم ...

ريلي دخل معاي ولادتيني .... الصراحه مافي شعور أحلا من إنه يحس فيج و يمسحج ... و يحن عليج
و الصراحه حسيته وايد يتعلق فيه و في البيبي أكثر ....
و بعد الربى يتم يقولي كيف صارخت و خربط ..... و كل سوالفي


و انا من مؤيدين إن الريال يدخل حزة الولاده ... و يتم عند راس حرمته ..... و يشوفها

[cute uae]

لسلام عليكم ...

ريلي دخل معاي ولادتيني .... الصراحه مافي شعور أحلا من إنه يحس فيج و يمسحج ... و يحن عليج
و الصراحه حسيته وايد يتعلق فيه و في البيبي أكثر ....
و بعد الربى يتم يقولي كيف صارخت و خربط ..... و كل سوالفي


و انا من مؤيدين إن الريال يدخل حزة الولاده ... و يتم عند راس حرمته ..... و يشوفها

نفس الشي ... بس أنا عقب الألم كله ربيت بعملية .. يعني كان وياي لين ما قرروا اني لازم أسوي عملية

[فراشة دبي]

انا ريلي طووول الوقت ويايه .. بس الوقت اللي بيطلع فيه البيبي يشرد =)))
و مممم مادري يمكن احسن ان مايشوفني في أسوا و أضعف حالاتي لول .

[شجون الغرام]

ههههههههههههـ عاد أنا داجة لقافة .. بس جد ما أإيد إنة يجوف حرمتة وقت الولادة

[غيورة]

اللـه يرزقني بالذريه الصالحـه


بس انا أؤيد دخـولـه

[ام راشد..]

حلو ان ريلج يكون معاج
عسب يحس بالمعاناه اللي فينا
وانا اايد ان الزوج يكون مع زوجته وقت الولادة

[ام علاوي1]

انا ايد وبقوه والصراحه ريلي يدخل وياي في كل ولاداتي ووجوده يهون علي الامي وحس ان الريال يوم يكون مع زوجته تكبر فعينه ويراعيها اكثر وكثر

[قصة]

ريلي دخل وياي وانا أأيد هالشي
بس قبل الولادة وصيته انه يتم عند راسي وما يسير يطالع البيبي لما يطلع،، وهو فعلا جذي سوا،، حتى وقت ما طلع راس بنتي نادته القابلة بس انا وفي أشد حالات التعب صرخت عليه لا لا لا وهو ما سار يطالع،،

وجوده هون علي وايد،، كان يمسح جبيني وكل ما فقدت الوعي كان يحاول يخليني واعية،،

يدخل وياج أحسن وصيه يتم فوق راسج عشان الفشلة

[هوى الروح]

انا مره سمعت واحد دخل في ولادة مرته و يوم شاف كيف الولاده و الوصخ طلقاها لاعت جبده اونه

عشان جي انا افكر اخليه ولا... هو صح ما بيشوف شي وبيتم عند الراسي بس ما باه يشوفني و انا تعبانه و عادي اصيح من الالم خخخخخ ومابايشوف شكلي و انا اصيح اخاف بعدين يعيب علييه خخخخخخ

مادري والله شكلي ما بخلي حد يكون وياي خخخخ ><

[أحلى الفراشات]

أنا في البيبي الاول دخل معاي زوجي ويحليله بعد ما ولدت وخلصت يلس يصيح وهذي أول مره أشوف فيها زوجي وهو يصيح وكان طول الوقت يواسيني ويدلك ظهري والمولود الثاني قالي بصراحه ما أقدر أدخل وأنا قلت له ما عليه اترياني برع والمولود الثالث نفس الشي ما قدر يدخل...

[دلع ريلها]

خخخخخخخخخخخ ولادتي الاولى حضرته متزهب يبا يدش
ماطعت انا تعرفين ليش ..؟ خخخخخخخخ لانه فجلاع ضرسي يالس يصيح يوم أنا أتألم كيف يوم اربي بيغمى عليه ^^
ثاني شي لاني مره ترقدت قبل الولاده 3 أيام بالمستشفى الله لاييبلج ها اليوم فتم يصيح وتم وياي ماطاع يودرني خخخخخخخخ



بس الحمدلله يوم ربيت ربيت بسرعه ربنا لك الحمد وولادتي كانت سهله الصراحه ماحسيت فيها
لوووووووووول

[نبض أحمد]

أول شي الله يرزقني الذريه الصالحــه يا رب ..
ويرزق كـــــل محرووومــهـ ..

وانا بصرااااحــــهـ ما أأيد ان يجوفني جيه ..

يعني احس شكلي بيكون فظيع ..
وياما رياييل عرسوا على حريمهن عسب هالشي ..

خلاص بيتم يتخيلج دووم وانتي بهاك المنظر ..

يعني ما بخليه يدش معايه اذا ربيت انشاءالله ..

بس بخليهم يبطلون الباب عسب يسمع صريخي ويحس فييني ههههههه

ومشكوره ع الموضوع الحلو ..

[أم موفي]

انا في ولادتين دخل ريلي .... بعد ما اربي اشوف منه الدلع اللي ما شفته منه قبل ..... و بعد ما اربي يتم حاضنني لانه شافني وانا في اضعف حالة ...سبحان الله لما تطلع روح من روح .... وطول ما ان بغرفة الولادة يتم ايهديني ....

[missuae3003]

انا مب من مؤيدين هالشي ..

ماتخيل ريلي يشوف البلاوي الزرقا الي بتطلع مع الياهل

اذا انا مره شفته في اليوتوب ومرضت ويلست ازاوع ..

وين بعد ريلي يشوف هالسوالف ..

ظني بيجزني طول عمره ...