مشكلة ربيعتي مع ريلها الخاااااااااااااااين...

[3ainawia]

السلام عليكم ورحمة الله

اول مرة اكتب مشكلة هني....وطبعا هذه مشكلة ربيعتي العزيزة على قلبي...

اتمنى اساعدها بس مش عارفه كيف...

اتمنى انتو تعطونا الحل....


ربيعتي متزوجة تقريبا من 6 او 7 سنين ولها ما شاء الله 3 بنات وولد والحين حامل....مشكلتها اتحب ريلها مووووووووت وما تقدر تستغنى عنه..بس هو مثل اكثر الريايل الخونه....يخونها مع انسانه قذره تطلع معاه عاااااااااااااااادي فري كانت متزوجه بس تطلقت وعندها عيال .. وربيعتي المسكينه كل يوم يايه الدوام اتصيح ماتعرف شو اتسوي ..طبعا ربيعتي عندها الادله...

من عقب ما تزوجت بفترة اكتشفت هالخيانه ..شافت شنطة مليااااااااااااانه صور لريلها وربيعاته بغت تموت وفاتحته بالموضوع فقال لها هذه الصور من قبل لا آخذج يعني موضوعها منتهي..طيب ليش محتفظ بالصور؟؟؟

وعقبها اكتشفت في بوكه صورة لوحده سباله وهذه لين هاليوم وياه....وطبعا ربيعتي خنقتها العبره بس سكتت ما تبا تفقد ريلها...
والمشكلة الاكبر ان خوات ريلها مشتركات في الجريمه وجنه العيد ..تخيلو يوم يروحون دبي ربيعتي وريلها وعيالها وخواته اتروح ربيعته معاهم (اتقولي ربيعتي المشكلة انهم يعرفون هالبنت من بعيد واتروح واترد عليهم البيت وايد) فعادي عند خوات ريلها يشلونها وياهم واتبات ويا ريل ربيعتي في غرفته لانه حضرته يوم يحجز الغرف يحجز لعمره غرفه بروحه بدون حرمته ليش طبعا تعرفون وخواته يدرون بس عادي عندهم..

حتى من فترة كانو مسافرين الخليج قام وحجز لربيعتي وعيالها غرفه وله غرفه....وطول اليوم ع التلفون...واليوم الثاني راح يصلي فشلت ربيعتي تلفونه وشافت بلاوي فيه من مسجات ومكالمات فحفظت رقم الحرمه ...

والحين اتقولي ابا اسوي فيها اي شيء وافضحها ...بس مشكلتها خايفه ريلها يعرف ان هي الي سوت هالشيء ويطلقها او يغايضها زياده او حتى يتزوج عليها ..

ومرة اتقولي بتصل لمكان دوامها وبقول لهم انتو كيف اتشغلون وحده فيها الايدز؟؟!!...طبعا تبى تتبلى عليها من القهر بس عشان تنفضح..بس مجرد يكتشفون انها مب مريضه بيرد الوضع عادي..

ومرة تقولي بوزع رقمها بين الشباب ...عشان تتسلى فيهم وتبتعد عن ريلها بس اتصور عادي عندها بتستانس..

نحن نبا خطه اتخليها تبتعد عن ريل ربيعتي للابد..مش عارفين كيف انحل هالمشكله..هزركم الحلول هذه بتنفع؟؟

مع اني ادري ان الريال يوم يخون صعب يترك هالعاده واغلب الريايل جي..ولا تقولون امقصرة وياه في شيء..الريايل الحرمه قصرت وياه او لا يخون يخون في دمه هالشيء ...بس محد بيقدر يتفهم هالشعور الا المتزوجات..فبليز عطوني حل اعطيه لربيعتي وترتاح المسكينه لانها حامل والتفكير هذا بيذبحها ...

انتظر ردكن خواتي...ويزاكن الله خير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[روح الــــورد]

لاحول ولا قوة الا بالله ...
كل الحلول ما تنفع .. تخيلي سارت فضحتها .. اهلها بيجبرونه ياخذها مثلا ..
او حتى لو هددتها يمكن تصر عليه انه ياخذها ..
المشكله خواته اذا هم عندهم عادي .... الله يعينها
مافي غير صلاة الليل والبقره خليها تواظب عليها كل يوم .. تقوم وتدعي الله .. صدقيني هذا الحل الوحيد ..
الله يرده لها ... ويعينها ويصبرها ....

[M!ss 3naad]

هاي الشغلات ما بتنفعها عادي يغايض ريلها ويتزوجها
احسن اداوم ع قراءة سورة البقرة وقيام الليل وان شاء الله
يودر ريلها هالبنيه

[فجر الغلا]

حسبي الله عليها وعليه

[Wolves_grl]

الله يعيينها ويصبرهاا ياااربي ^_^...


ما اعرف شو اقول لهاا تصاارحه تقوله ليش تسوي جييه شو يعني تسكت عن حقها لو انا مكانها والله ما اسكت,,

واهم شي كراامتي ما تندااس جذه استغفر الله شو من بني آدمي هااه,,,


وربي لا يبلاانه ياربي,,,



وربي ييسر امورها يااربي




سبحان الله

[ام الرميثي]

السلام عليكم

الغاليه اسمحيلي على هالكلام الجريء

بس انا عمري ما نزلت مستوى كتابتي وردودي جي

ربيعتج ما عندها كرامه وانا اسفه على هالكلمه

كيف تعق روحها على ريلها جي ؟؟؟ حبيبة قلبي الريال عارف ان زوجته ما تقدر تستغني عنه
عشان جي لاعب لعوبه

الله يهدي البنات .... الريال المفروض الي يتودد لحرمه عشان تحبه

مب الحريم ...

للاسف ...........

بالنسبة لحل من وجهة نظري

ان ربيعتج تغير شوي من شخصيتها لان من كلامج يبين انها مب عازه نفسها وما عندها ثقه

الله يهديها

شخصيتها ما تعجب الرجال كيف زوجها

الريال يا بنات يحب البنت الصعبه شوي والي تعز في عمرها

خليها تغير كل شي في حياتها .... وتحاول تطلع بمنظر ثاني

وتنسى ان زوجها يخونها

وتشغل روحها بمواضيع ثانيه وتحاول تلفت انتباهه بانها مشغوله

وتغير كل شي من تغيير طلتها ولباسها وكشختها واسلوبها

وما تركز لزوجها وايد .... وصدقيني ريلها بيرد لها يزحف

لان مصيره بيترك هالبنت حتى لو احلى بنت في الدنيا لان الريال يميل للمرأة المحترمه وزوجته الا ادا ما تغيرت في النهايه

وعليها بالدعاء في قيام الليل وقراءة سورة البقره

وادا اي شي تبينه بالخاص وانا حاضرة

اعرف سلوبي قاسي بس والله اتغايض يوم اشوف بنات جي . وتحسف ....


اعرف ردي ما بيعجب احد

بس سبحان الله يمكن ينور وحده ويغير شي فيها


وهو كان للفايده ليش للتجريح

والسموحه

[salamh]

تكلمها ولا عليها من ريلها ليش هو ماسوالها حساب زوجتة وام عيالة ويحجز غرفة حق ربيعتة وحرمكلبةتة فى حجرة مع عيالها ليش خدامة بس حق العيال هى ريل ربيعتج وايد متمادى ومستهتر ويبالة تاديب لا تسكت تكلمة وتواجهة واذا بيتخلى عنها علشان وحدة وصخة هى خاين ومافية خير حسبى اللة علية اهانة واللة لو انا منها اتفل فى ويهو وية خواتة وربيعتة ال

[بنوته كفالي]

استغفرالله

مادري كيف خواته جيه يرتبون له و ساكتين عنه ؟!

والبنت ماتستحيي على ويهها تطلع مع الريال في وجود حرمته !! و غرفه روحهم بعد !!

استغفرالله العلي العظيم

السالفه كلها خلط بلط

انا اشوف ان ربيعتج ماتسكت حتى لو وصل الموضوع ل كبار العايله

استغفرالله العلي العظيم

[خطيرة الملامح]

الله يهديه يارب ...

[جزيرة الأمان]

ما أقول إلا استغفر الله العظيم من كل ذنبٍ عظيم...

بصراحة مثل هالريال ما يملي عينه إلا التراب....

أنا مو متزوجة .. بس لو كنت مكانها بخلي إخواني كلهم يضربونه ضرب.. وما باشوف ويهه هالوسخ.. آسفة أختي بس والله مقهوووووووورة منه.. ما يحشم ولا يصون..

مو بعيد إختي ينقلها أمراض والعياذ بالله.. (( الله يحفظها ويحميها من كل شر ))

من رايي إنها اتطنشه ولا اتعبره وتكشخ وتطلع وتروح عند أهلها وترد تالي الليل... تهتم بعيالها وبنفسها.. ولا اتسوي له سالفة.. خل يحس إن هو مو هامنها ومو من مستواها وسخ..


آسفة أختي... واسمحي لي على المغثة...

أتمنى لها السعادة في حياتها....

[دبي1212]

حسبي الله ونعم الوكيل فيه وفي خرابه البيووت تففف عليهم كلهم

[3ainawia]

مرحبا خواتي...

كلامكم كله صح ..والخوات الي قالو ان ربيعتج امرخصه عمرها او ما عندها كرامه....انا مب زعلانه لان الحق ما ينزعل منه.....انتو لو اقول لكم عن مدى حبها له ما بتقدرون تتخيلون لانهم ماخذين بعض عن حب......بس والله بنقل لها كل الكلام لاني انا بعد كنت انصحها اتغير من نفسها وما تعطيه ويه او تواجهه واتكلمه حتى لو انجبرت تطلق منه بس تكسرني دمعتها يوم اتقولي يا فلانه ما اقدر بدونه..

وانا بحاول وياها اطبق الكلام الي قلتوه...

يزاكم الله الف خير

[bint-ad]

الله يهدية

[Miss D&G]

والله انا مادري شوه ارد عليج بصراحه اولا لااني هب متزوجه وثاانيه ان شاء الله ماتزوج دام الريايل كله خونه واعيش بيت ابويه معززه مكرمه احس

[ميروووه]

هالنوعيه من البنات الي ما ايخافن الله ينخاف منهن واتوقعي انها اتسوي اي شي عنبوه هي ما خافت الله بتروع من اربيعتج وتهديداتها ..ريل ربيعتج شكله اصلا" من النوع اللي ايغازل وهذا اللي ايغازل محد ايوزه لانه ما ايتوب .. حضرتهم يبون ايعرسون وياخذون بنات العرب وايبون منهن اعيال وما يبون عليهم لا حسيب ولا رقيب لانه بيردون على امورهم .. الله ايهديه لها يارب .. لانه فعلا اللي ايغازل مشكله ..


ميروووه